ԱՄՆ պետքարտուղար Էնթոնի Բլինկենը հայտարարել է, որ շաբաթ օրը ծրագրում է հեռախոսազրույց ունենալ Ռուսաստանի Դաշնության արտաքին գործերի նախարար Սերգեյ Լավրովի հետ։
«[Ես նախատեսում եմ] ընդգծել [դաշնակիցների] միասնությունն ու որոշումը/տեսակետը, երբ խոսեմ պարոն Լավրովի հետ այսօր ուշ երեկոյան», – ասել է Բլինկենը Խաղաղ օվկիանոսի կղզիների ղեկավարների հետ առցանց կոնֆերանսից հետո:
Լավրովն ու Բլինկենը հեռախոսազրույց են ունեցել փետրվարի 1-ին։ Խոսակցությունը, ըստ Պետդեպարտամենտի, ստացվել է պրոֆեսիոնալ և բավականին անկեղծ, բանակցությունների արդյունքում կողմերը չեն պայմանավորվել նոր շփման ժամկետների շուրջ։ ՌԴ ԱԳՆ-ի տվյալներով՝ Լավրովը կոչ է արել ԱՄՆ-ին ագրեսիվ հռետորաբանություն պարտադրելու և Ուկրաինային զենք մատակարարելու փոխարեն Կիևին ստիպել կատարել մինսկյան պայմանավորվածությունները։
