news.am: Արցախի արեւելյան սահմանագոտում հակառակորդի կրակոցից փետրվարի 15-ին հրազենային գնդակային վիրավորում ստացած ՊԲ ժամկետային զինծառայող Խաչատուր Գագիկի Խաչատրյանի առողջական վիճակը բավարար է։ Այս մասին հայտնում են ԱՀ Պաշտպանության բանակից։

ՊԲ-ից հայտնեցին նաեւ, որ զինծառայողը հետվիրահատական բուժում է անցնում։

Հիշեցնենք, որ փետրվարի 15-ին Արցախի Հանրապետության արևելյան սահմանագոտում հակառակորդի զինծառայողները խախտել են հրադադարի պահպանման ռեժիմը, ինչի հետևանքով հրազենային գնդակային վիրավորում է ստացել ՊԲ ժամկետային զինծառայող Խաչատուր Գագիկի Խաչատրյանը: Այս մասին հայտնում են Արցախի պաշտպանության բանակի մամուլի ծառայությունից։