Վրաստանի խորհրդարանը բանաձեւի նախագիծ է մշակել, որը ԵՄ-ին կոչ է անում արագացնել Վրաստանի՝ Միությանն անդամակցելու գործընթացը։ Գրում է ՏԱՍՍ-ը։
«Մենք կոչ ենք անում ԵՄ երկրներին եւ ԵՄ կառույցներին ԵՄ համաձայնագրի 49-րդ հոդվածի հիման վրա բոլոր անհրաժեշտ քայլերը ձեռնարկել Վրաստանի՝ ԵՄ-ին արագորեն անդամակցելու հարցով»,- ասված է փաստաթղթում։
Նախագիծը, որ բաղկացած է 13 կետից, Վրաստանի գործադիր իշխանությանը եւ ԵՄ-ին կոչ է անում նպաստել ԵՄ ծրագրերին Վրաստանի մասնակցության մեծացմանը, նաեւ երկրի արագացված ինտեգրմանը Միության ընդհանուր տնտեսական տարածքին։
