armenpress.am: Բելառուսի և Ռուսաստանի արտաքին գործերի նախարարներ Վլադիմիր Մակեյն ու Սերգեյ Լավրովը հեռախոսազրույց են ունեցել՝ քննարկելով իրադրությունը տարածաշրջանում։ Այս մասին հայտարարություն է տարածել Բելառուսի ԱԳՆ-ն:
«Հեռախոսազրույցի ընթացքում քննարկվել են հարցեր, որոնք առնչվում են հումանիտար միջանցքների բացմանը՝ Ուկրաինայի տարածքում ռազմական գործողությունների գոտիներից կամ դժվար վիճակում հայտնված օտարերկրյա քաղաքացիների տարհանման նպատակով»,- նշվում է հաղորդագրության մեջ:
Վլադիմիր Մակեյն ու Սերգեյ Լավրովը քննարկել են երկկողմ փոխգործակցությանն առնչվող այլ հարցեր, այդ թվում և համագործակցությունը «տեղեկատվական հարձակումների և կեղծ տեղեկատվության տարածման դեմ հակազդելու նպատակով»:
