Լուսանկարը՝ TACC-ի

Ուկրաինայի անվտանգության ծառայությունը և «Ազովի» գումարտակի զինյալները ծրագրում են պայթեցնել Խարկովի ֆիզիկատեխնիկական ինստիտուտի ռեակտորը և մեղադրել Ռուսաստանի զինված ուժերին փորձարարական միջուկային օբյեկտի վրա հրթիռային հարձակման մեջ։ Այս մասին, ինչպես հաղորդում է TACC-ը, երկուշաբթի օրը հայտնել են Ռուսաստանի Դաշնության պաշտպանության նախարարությունից։

«Ուկրաինայի անվտանգության ծառայությունը «Ազովի» գումարտակի զինյալների հետ միասին սադրանք է նախապատրաստում Խարկով քաղաքի մոտ գտնվող տարածքի հնարավոր ռադիոակտիվ աղտոտմամբ։ Ուկրաինայի անվտանգության ծառայությունը և «Ազովի» գումարտակի զինյալները ծրագրում են պայթեցնել ռեակտորը և մեղադրել Ռուսաստանի զինված ուժերին փորձարարական միջուկային օբյեկտի վրա հրթիռային հարձակման մեջ»,- ասվում է ՊՆ հաղորդագրության մեջ։

Պաշտպանության նախարարությունը նշել է, որ «մարտի 6-ին Խարկով են ժամանել օտարերկրյա լրագրողներ՝ արձանագրելու սադրանքի հետեւանքները, ինչին հաջորդել են էկոլոգիական աղետ ստեղծելու Ռուսաստանի Դաշնության մեղադրանքները»։