azatutyun.am: Հունգարիայի վարչապետ Վիկտոր Օրբանը չորրորդ անգամ անընդմեջ հաղթում է խորհրդարանական ընտրություններում՝ չնայած կոշտ քննադատությանը թե՛ երկրի ներսում, թե՛ Եվրամիության շատ անդամների կողմից՝ Բուդապեշտի և Մոսկվայի միջև չափազանց սերտ կապերի համար:
Օրբանը դատապարտել է ռուսական ագրեսիան և վետո չի դրել Մոսկվայի դեմ Եվրամիության պատժամիջոցների վրա, թեև նշել է, որ համաձայն չէ դրանց։ Նա արգելել է Ուկրաինայի համար ցանկացած ռազմական տեխնիկայի տարանցումը Հունգարիայի տարածքով և շարունակում է պնդել, որ Ռուսաստանի հետ սերտ հարաբերություններում կան բազմաթիվ առավելություններ, այդ թվում՝ գազի մատակարարման հուսալիությունը։
Երեկ Օրբանը հայտարարել է, թե հաղթանակն իր համար հաճելի անակնկալ էր։
