Շրի Լանկայում արդեն մի քանի շաբաթ է՝ ցույցեր են՝ տնտեսական ճգնաժամի, վառելիքի, էլեկտրաէներգիայի, սննդամթեքի, դեղորայքի և այլ ապրանքների սուր պակասի ֆոնին։ Բուժաշխատողների պնդմամբ՝ ողջ առողջապահական համակարգը վտանգված է։ Մեծ պարտքեր կուտակած երկիրը դժվարանում է ներկրման համար վճարումներ կատարել՝ արտարժույթի պակասի պատճառով։
Փողոցային ցույցերը սկսվել են մեկ ամիս առաջ և ահագնացել վերջին օրերին․ չնայած արտակարգ դրությանն ու պարետային ժամին՝ մարդիկ փողոց են դուրս գալիս՝ պահանջելով երկրի նախագահ Գոտաբայա Ռաջապակսայի հրաժարականը, գրում է Reuters-ը։
Սակայն այսօր երկրի ավտոմայուղիների նախարար Ջոնսթոն Ֆերնանդոն ասել է, որ նախագահը հրաժարական չի տալու։
«Թույլ տվեք հիշեցնել, որ նախագահի օգտին քվեարկել է 6,9 մլն մարդ։ Որպես կառավարություն՝ մենք հստակ ասում ենք, որ նախագահը ոչ մի դեպքում հրաժարական չի տալու», – ասել է նա։
Նշենք, որ Շրի Լանկայի նախագահ Գոտայաբա Ռաջապակսան երկիրը գլխավորում է 2019 թ-ից, նրա ընտանիքի մյուս անդամները բարձր պաշտոններ են զբաղեցնում կառավարությունում։
Նորա Վանյան
