Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը Ռուսաստանին առաջարկել է երեք քայլ ձեռնարկել շրջափակման մեջ գտնվող Մարիուպոլի հարցում․
- Զատկի առնչությամբ իրական հրադադար հաստատել,
- քաղաքացիական անձանց համար անհապաղ միջանցք բացել,
- համաձայնել բանակցությունների հատուկ փուլ անցկացնել՝ զինվորականներին փոխանակելու կամ նրանց քաղաքից դուրս բերելու համար, գրում է net-ը։
Պոդոլյակի խոսքով՝ Ռուսաստանն անդադար գրոհում է «Ազովստալ» գործարանը, որտեղ, ուկրաինական կողմի պնդմամբ, զինվորականներից բացի նաև քաղաքացիական անձինք կան։ Ռուսաստանի բանակն օգտագործում է ծանր ավիառումբեր, հրետանի և ինտենսիվորեն կենտրոնացնում է իր ուժերն ու տեխնիկան գրոհի համար, գրել է Պոդոլյակը Թվիթերում։
Նորա Վանյան
