Գյումրիում մի խումբ անձանց կողմից բռնություն գործադրելու դեպքով քրեական գործ է հարուցվել։ Այս մասին հայտնում է Գլխավոր դատախազի խորհրդական Գոռ Աբրահամյանը։
«Դեպքի առթիվ հարուցվել է քրեական գործ՝ ՀՀ քր. օրենսգրքի 258-րդ (խուլիգանություն) հոդվածի 4֊րդ մասի հատկանիշներով։ Կատարվում են ակտիվ գործողություններ միջադեպի բոլոր մասնակիցներին նույնականացնելու, նրանց գործողություններին իրավական գնահատական տալու համար»,- «Ֆեյսբուք»-ում գրել է Գոռ Աբրահամյանը։
Ավելի վաղ համացանցում տեսանյութ էր տարածվել, որում երևում է, թե ինչպես են մի խումբ անձինք Գյումրիում ծեծի ենթարկում տարեց մարդկանց:
