shantnews.am: ԱՄՆ Պետդեպարտամենտը կոչ է անում Ամերիկայի քաղաքացիներին մոտ օրերս լքել Ուկրաինայի տարածքը։ Համապատասխան նախազգուշացումը Կիևում ԱՄՆ դեսպանատունն իր պաշտոնական կայքում հրապարակել է օգոստոսի 23-ին։

Նշվում է, որ անվտանգային իրավիճակը ողջ երկրի տարածքում մնում է «խիստ անկայուն» և կարող է վատթարանալ «առանց նախազգուշացման»։ Որպես տարհանման նախընտրելի եղանակ, դեսպանատունը նշում է ցամաքային տրանսպորտով մասնավոր տեղափոխությունները:

Մայիսի 30-ին Կիև է ժամանել Ուկրաինայում ԱՄՆ նոր դեսպան Բրիջիթ Բրինքը, ով այս տարվա ապրիլի 25-ին ԱՄՆ նախագահ Ջո Բայդենի կողմից նշանակվել էր այդ պաշտոնում և մայիսի 18-ին հաստատվել ԱՄՆ Սենատի կողմից։ Մինչ այդ Բրինքը Սլովակիայում ԱՄՆ դեսպանն էր։

Մայիսի 18-ին Կիևում ԱՄՆ դեսպանատունը վերսկսել է աշխատանքը եռամսյա դադարից հետո, որը պայմանավորված էր Դոնբասի խաղաղ բնակչության պաշտպանությանն ուղղված ռուսական հատուկ գործողության մեկնարկի հետ։ Դրա հետ մեկտեղ ձեռնարկվել են լրացուցիչ միջոցներ՝ ապահովելու դիվանագիտական առաքելության անձնակազմի անվտանգությունը։