tert.am: Կոնգրեսական Ադամ Շիֆն ԱՄՆ-ում մասնակցել է Հայոց ցեղասպանության զոհերի հիշատակին նվիրված երթին: Թեմայի վերաբերյալ նա գրառում է կատարել «Թվիթեր»-ի իր էջում` հրապարակելով համապատասխան լուսանկար:
«Մենք երբեք չենք մոռանա 1.5 մլն տղամարդու, կանանց և երեխաների սպանությունը Հայոց ցեղասպանության ժամանակ: Երկու կուսակցությունների նախագահները թույլ են տվել Թուրքիային վետո դնել ԱՄՆ-ի կողմից ցեղասպանության ճանաչման վրա: Մենք չենք կարող թույլ տալ, որ դա շարունակվի: Ճշմարտությունը մեր կողն է: Մենք չենք լռելու»,- գրել է Շիֆը:
