Իրավապահ համակարգի աշխատակիցները միջոցներ են ձեռնարկում հայտնաբերելու անհայտ անձին, որը կրակ է բացել Իժևսկի դպրոցներից մեկում։ Այս մասին հահյտնել է Ուդմուրտիայի Հանրապետության ՆԳՆ-ից, փոխանցում է Interfax-ը։

Ուդմուրտիայի ղեկավար Ալեքսանդր Բրեչալովը իր թելեգրամյան ալիքում հայտնել է, որ երեխաների շրջանում զոհեր և վիրավորներ կան։

Նրա խոսքով՝ անհայտ անձը մտել է դպրոց, սպանել պահակակետի աշխատակցին։

Զոհերի ու վիրավորների մասին հստակեցված թվեր այս պահին չկան։

ՌԴ կրթության նախարարությունից հայտնել են, որ ներկայացուցիչներ են մեկնել Իժևսկ։