Փոխդեսպան Չիփ Լեյթինենը արտակարգ իրավիճակներին պատրաստվածության ու աղետների արձագանքման հարցերին նվիրված աշխատարանի ընթացքում վերահաստատել է այս ասպարեզում Հայաստանին աջակցելու Միացյալ Նահանգների հանձնառությունը․ տեղեկացնում են ՀՀ-ում ԱՄՆ դեսպանությունից։
«Միջոցառման ընթացքում Անվտանգության կառավարման ինստիտուտը Հայաստանի կառավարության տարբեր շահագրգիռ կառույցների հետ քննարկեց աղետների արձագանքման կարողությունների համապետական գնահատման արդյունքները։ Գնահատումն իրականացվել է ԱՄՆ Ցամաքային ուժերի ինժեներական կորպուսի, Կանզասի ազգային գվարդիայի և ՀՀ-ում ԱՄՆ դեսպանության հետ համագործակցության շրջանակում»,- ասված է հաղորդագրությունում։
