ՌԴ Կոստրոմա քաղաքի «Պոլիգոն» ակումբ-սրճարանում այս գիշեր խոշոր հրդեհ է բռնկվել։ Ինչպես տեղեկացնում է ՏԱՍՍ-ը, այս մասին հայտնել է ՌԴ արտակարգ իրավիճակների նախարարությունը։
«Ժամը 02.37-ին հաղորդում է ստացվել Կոստրոմայի Նիկիցկայա փողոցում գտնվող «Պոլիգոն» սրճարանում հրդեհի բռնկման մասին։ Շենքից տարհանվել է 250 մարդ»։
Նախնական տվյալներով՝ հրդեհի հետևանքով զոհվել է 13 մարդ։ Ըստ Կոստրոմայի մարզի նահանգապետ Սերգեյ Սիտնիկովի, հինգ մարդ ստացել է թեթև վնասվածքներ, նրանք հոսպիտալացման կարիք չեն ունեցել։
Հրդեհաշիջման աշխատանքներին մասնակցել է 50 մարդ և 20 միավոր տեխնիկա։
