factor.am: Թուրքիան մասամբ անցել է ռուսական գազի մատակարարումների համար ռուբլով վճարելուն, ասել է այդ երկրի էներգետիկայի նախարար Ֆաթիհ Դյոնմեզը, փոխանցում է ՌԻԱ Նովոստին։

«Ինչպես գիտեք՝ պայմանավորվածություն է ձեռք բերվել, մասնակի վճարումն արդեն սկսվել է։ Մենք մտադիր ենք ակտիվացնել աշխատանքն այս ուղղությամբ»,- ասել է պաշտոնյան TRT Haber հեռուստաալիքին տված հարցազրույցում։

Նրա խոսքով՝ Անկարան և Մոսկվան տեխնիկական աշխատանքներ են տանում ազգային արժույթներով առևտրի ուղղությամբ։