tert.am: ԱՄՆ Կոնգրեսի միջանկյալ ընտրություններում քվեարկությունն ավարտվել է: Ամերիկյան լրատվամիջոցների փոխանցմամբ՝ Կոնգրեսի ընտրություններում առաջատար են Հանրապետական կուսակցության թեկնածուները։ Սենատի հարցում դեռ հստակություն չկա:
CNN-ի գնահատականներով՝ հանրապետականներին երաշխավորված էր Ներկայացուցիչների պալատում 435 տեղից ստանալ 179 մանդատ, դեմոկրատներին՝ 146: Սենատում տեղերն առայժմ բաշխված են հավասար՝ 46-ական դեմոկրատների և հանրապետականների համար: Սենատում կա 100 տեղ։
NBC-ի տվյալներով՝ հանրապետականներին երաշխավորված է 215 տեղ Ներկայացուցիչների պալատում, դեմոկրատներին՝ 220։ Սենատում տեղերը բաշխված են հավասարաչափ՝ երկու կուսակցություններին էլ երաշխավորված է 46 տեղ։ Նաև, հեռուստաալիքի հաշվարկների համաձայն, Հանրապետական կուսակցության թեկնածուները հաղթում են նահանգապետի ընտրություններում 24 նահանգներում, Դեմոկրատական կուսակցության թեկնածուները՝ 17 նահանգներում։
Հարցումների համաձայն՝ հանրապետականները պետք է մեծամասնություն ստանան Ներկայացուցիչների պալատում և Սենատում։ Կոնգրեսի ներկայիս գումարման երկու պալատներում էլ դեմոկրատները մեծամասնություն ունեն։
Շարունակությունը՝ tert.am-ում
