tert.am: Գենիչեսկն ընտրվել է որպես Խերսոնի շրջանի ժամանակավոր մայրաքաղաք, որտեղ գտնվում են հիմնական իշխանությունները։ Այս մասին շաբաթ օրը լրագրողներին հայտնել է շրջանի վարչակազմի ներկայացուցիչ Ալեքսանդր Ֆոմինը, փոխանցում է ՏԱՍՍ–ը։
«Այսօր Խերսոնի վարչական շրջանի ժամանակավոր մայրաքաղաք է ընտրվել Գենիչեսկը, այնտեղ կենտրոնացած են բոլոր հիմնական իշխանությունները»,- ասաց նա։
Հիշեցնենք, որ ՌԴ պաշտպանության նախարար Սերգեյ Շոյգուն օրեր առաջ համաձայնել էր Խերսոնի շրջանից և հարակից տարածքներից զորքերն ու տեխնիկան Դնեպրի ձախ ափ դուրս բերելու մասին ՌԴ ԶՈւ բանակի գեներալ Սերգեյ Սուրովիկինի առաջարկին։
