Այսօր առավոտյան Ռուսաստանի Սախալինի շրջանի Տիմովսկոյե գյուղի հինգհարկանի բնակելի շենքում կենցաղային գազի պայթյուն է եղել, որի հետևանքով զոհերի թիվը հասել է 9-ի։ Այս մասին հայտնում է ՏԱՍՍ լրատվական գործակալությունը։
«Զոհերի թիվը հասել է իննի»,- հայտնել են արտակարգ իրավիճակների նախարարությունից։
Ավելի վաղ շրջանի ղեկավար Վալերի Լիմարենկոն Telegram-ի իր ալիքում 8 զոհերի մասին էր հայտնել՝ նշելով, որ նրանց թվում կան չորս երեխաներ։
Լիմարենկոն լրագրողներին ասել է նաև, որ մուտքում 33 մարդ է ապրել, նրանցից 23-ը ողջ են։ Երկու բնակչի դեռևս չի հաջողվել գտնել։
