shantnews.am ԱՄՆ նախագահ Դոնալդ Թրամփը հայտարարել է, որ իր վարչակազմը չորեքշաբթի՝ սեպտեմբերի 3-ին, կդիմի Գերագույն դատարան՝ խնդրելով պաշտպանել այլ երկրների նկատմամբ ներմուծման մաքսատուրքերի օրինականությունը։
«Մենք վաղը գնալու ենք Գերագույն դատարան, քանի որ մեզ անհրաժեշտ է արագ որոշում։ Անկեղծ ասած, եթե նրանք սխալ որոշում կայացնեն, դա աղետ կլինի մեր երկրի համար։ Եթե դուք վերացնեք մաքսատուրքերը, մենք կարող ենք դառնալ երրորդ աշխարհի երկիր։
Ահա, թե որքան կարևոր է այս որոշումը։ Ահա, թե ինչու մենք խնդրում ենք արագացված վերանայման գործընթաց»,-ասել է նա Սպիտակ տանը լրագրողների հետ զրույցում։
Թրամփը նախկինում նշել էր, որ ամերիկյան տնտեսությունում կներդրվի 15 տրիլիոն դոլար՝ հիմնականում մաքսատուրքերի պատճառով, սակայն այդ ներդրումները վտանգի տակ կլինեն, եթե մաքսատուրքերը չեղարկվեն։
