azatutyun.am Ռուսական ուժերի՝ գիշերն իրականացրած հերթական զանգվածային հարձակումն Ուկրաինայի նախագահը որակել է «անպատժելիության ցուցադրություն»:
Վլադիմիր Զելենսկին հայտարարել է, որ անցած գիշեր ռուսական ուժերն ավելի քան 500 դրոն և հրթիռ են արձակել Ուկրաինայի տարածքների ուղղությամբ։
«Հիմնական թիրախները քաղաքացիական ենթակառուցվածքներ են, այդ թվում՝ էներգետիկ օբյեկտները, տրանսպորտային հանգույցը, նույնիսկ ավտոտնակի կոոպերատիվը և ռուսների համար սովորական դարձած բնակելի հատվածները», – հայտարարել է Ուկրաինայի նախագահը:
Տեղեկացնելով ավերածությունների մասին՝ Զելենսկին պնդել է, որ դրանք պետք է «արձագանքի արժանանան աշխարհի կողմից»։
