shantnews.am Եմենի ապստամբ «Անսար Ալլահ» շարժման հութիները մեկ օրվա ընթացքում երկրորդ անգամ հարձակում են իրականացրել Իսրայելի տարածքի վրա: Վերջին հարվածը հասցվել է «հիպերձայնային բալիստիկ հրթիռով» Երուսաղեմի տարածքում գտնվող թիրախի վրա, ասել է ապստամբ զինված ուժերի խոսնակ Յահյա Սարիան։
«Եմենի զինված ուժերի հրթիռային ուժերը ռազմական գործողություն են իրականացրել՝ «Պաղեստին-2» հիպերձայնային բալիստիկ հրթիռով հարձակվելով օկուպացված Երուսաղեմից արևմուտք գտնվող Իսրայելի թշնամու զգայուն թիրախի վրա: Գործողությունը հաջողությամբ հասել է իր նպատակին», – ասել է շարժման խոսնակը հուսիթներին պատկանող Al Masirah հեռուստաալիքով:
