1lurer.am Եվրահանձնաժողովի ղեկավարը զրուցել է ԱՄՆ նախագահ Դոնալդ Թրամփի հետ, որից հետո հայտարարել է Ռուսաստանի վրա ճնշումն ուժեղացնելու մասին։
«Ես արդյունավետ զրույց ունեցա նախագահ Թրամփի հետ՝ ամրապնդելու մեր համատեղ ջանքերը՝ լրացուցիչ միջոցառումների միջոցով Ռուսաստանի վրա տնտեսական ճնշումը ուժեղացնելու համար»,- ասել է Ուրսուլա ֆոն դեր Լայենը։
Թրամփի հետ զրույցից հետո Եվրահանձնաժողովի նախագահը հայտարարել է, որ հանձնաժողովը շուտով կներկայացնի Ռուսաստանի դեմ 19-րդ պատժամիջոցների փաթեթը՝ ուղղված կրիպտոարժույթների, բանկերի և էներգետիկայի դեմ։
«Ռուսաստանի պատերազմական տնտեսությունը, որը եկամուտները ստանում է հանածո վառելիքից, ֆինանսավորում է Ուկրաինայում արյունահեղությունը։ Դրան վերջ դնելու համար Հանձնաժողովը կառաջարկի արագացնել ռուսական հանածո վառելիքի ներմուծման փուլային դադարեցումը»,- ասել է Եվրահանձնաժողովի ղեկավարը։
