Թուրքական Իսկենդերուն նավահանգստի վրա երկրաշարժից հետո խոշոր հրդեհ է բռնկվել։ Այս մասին հայտնում է թուրքական «Hurriyet»-ը։

Երկրաշարժից հետո՝ ժամը 17։00-ի սահմաններում, Իսկենդերուն նավահանգստի պահեստի բեռնարկղերից մեկը անհայտ պատճառով շրջվել է և բռնկվել։

«Ծուխը նկատելուց հետո հրդեհին միջամտել են նավահանգստի և քաղաքապետարանի հրշեջները»։ 

Նշենք, որ Թուրքիայում երկրաշարժի հետևանքով զոհերի թիվը հասել է 1762-ի, ավելի քան 12 հազար մարդ տուժել է, ավերվել է 5606 շենք։ 

Հիշեցնենք, որ Թուրքիայում` Սիրիայի սահմանից ոչ հեռու, գիշերը 7,8 մագնիտուդ հզորությամբ երկրաշարժ է եղել: Թուրքիայի ու Սիրիայի բազմաթիվ քաղաքներում տեղի են ունեցել ավերվածություններ։ Կան բազմաթիվ զոհեր եւ վիրավորներ։ Գիշերվա ավերիչ երկրաշարժին Թուրքիայում այսօր հետևել են հետցնցումներ, որոնցից առավել ուժգիններից մեկը՝ 7,7 մագնիտուդով, մյուսը՝ 5,9։