tert.am: Մոսկվայի կենտրոնում գտնվող Ռուսաստանի Դաշնության պաշտպանության նախարարության շենքի տարածք փորձել է ներխուժել ատրճանակով տղամարդ: Այս մասին ապրիլի 7-ին հայտնել է ՏԱՍՍ գործակալությունը։
Նշվում է, որ միջադեպը տեղի է ունեցել Պաշտպանության նախարարության գլխավոր շենքի մոտ անցակետում։
«Ատրճանակով ոչ ադեկվատ վիճակում գտնվող տղամարդը փորձել է ներխուժել նախարարության տարածք, միևնույն ժամանակ նա բարձր բղավել է և ձեռքերը թափահարել։ Օրինախախտին օպերատիվ կերպով բերման են ենթարկել, նա չի կարողացել բացատրել արարքի դրդապատճառը։ ասել է աղբյուրը։Միջադեպի հետևանքով զոհեր և վիրավորներ չկան։ Նախնական տվյալներով՝ ձերբակալվածը օդաճնշական ատրճանակ է կիրառել։ Օրինախախտի նկատմամբ կազմվել է արձանագրություն՝ մանր խուլիգանության փաստով, նա ուղարկվել է հոգեբուժական փորձաքննության։
