news.am: Բեռլինն ու Բրյուսելը Թուրքիային կոչ են արել ռազմական հարձակում չսկսել Սիրիայում:
«Գերմանիայի կառավարությունը լրջորեն է վերաբերվում Սիրիայում միակողմանի ռազմական գործողություններ սկսելու մասին թուրք քաղաքական գործիչների հայտարարություններին: Նման ռազմական հարձակումը կարող է Սիրիայում հետագա էսկալացիայի հանգեցնել»,- հայտարարել է Գերմանիայի կառավարության ներկայացուցիչը, հաղորդում է DW-ը:
Իր հերթին, Գերմանիայի ՆԳՆ ներկայացուցիչը հիշեցրել է անցած շաբաթ Անկարայում թուրք պաշտոնական անձանց հետ հանդիպման մասին, որոնց ընթացքում գերմանացի նախարարը նշել է, որ Բեռլինը խնդրային է համարում Սիրիայի հյուսիսում «անվանգության գոտի» ստեղծելու հարցով Թուրիքայի ծրագրերը:
ԵՄ-ը խորհուրդ է տվել Թուրքիային հրաժարվել այդ ծրագրերից: ԵՄ դիվանգիտության ղեկավար Ֆեդերիկա Մոգերինին կոնֆլիկտի բոլոր կողմերին կոչ է արել դադարեցնել ռազմական գործողություններն ու պաշտպանել խաղաղ բնակչությանը:
Հիշեցնենք, որ հոկտեմբերի 5-ին հայտնի է դարձել, որ Թուրքիան հավելյալ զորք է տեղակայել Սիրիայի հետ սահմանին: Թուրքիայի նախագահ Ռեջեփ Էրդողանը հայտարարել է, որ Սիրիայում՝ Եփրատ գետից դեպի արեւելք ընկած տարածքում, ռազմական գործողություններ կսկսվեն մոտ ժամանակներս: ԱՄՆ-ը հայտարարել է, որ այդ հարցում չի աջակցում Թուրքիային:
