shantnews.am:«Մենք առաջինն էինք, ով դատապարտեց ձեր՝ իշխող քաղաքական ուժի կողմից դատարանները, դատարանների դռները փակելու իրավախախտ որոշումը։ Որովհետև դա իշխանությունների տարանջատման սկզբունքի էական խախտում էր»։ Իշխանական պատգամավորներին ուղղված իր խոսքում այս մասին հայտարարեց ԼՀԿ անունից ելույթ ունեցող Տարոն Սիմոնյանը։
Նա թվեց ևս մի քանի դեպք, երբ իշխանությունները անիրավաչափ գործողություններ են կատարել, և իրենք դեմ են եղել։ Իսկ ՍԴ անդամ Հրայր Թովմասյանի լիազորությունների դադարեցման վերաբերյալ նախագծին կողմ չեն, բայց չեն ընդվզի, կողմ կքվեարկեն, որպեսզի այն անցնի։
Սիմոնյանը բացատրեց, որ իրենք իրավաչափ են համարում, որ պատգամավորները կարող են կասկածներ ունենալ ՍԴ անդամի վերաբերյալ, ու դրա համար դիմեն Սահմանադրական դատարանում քննության։
«Միևնույն ժամանակ, մենք նաև հույս ունենք, որ հետագայում Սահմանադրական դատարանի ցանկացած դատավորի կողմից կարգապահական որևէ խախտման պարագայում դուք նույն ջանասիրությամբ նույն իրավական գործընթացները կսկսեք, որովհետև քաղաքական մեծամասնությունը դուք եք, և ձեր որոշումներից է կախված շատ այլ գործեր»,- ասաց Սիմոնյանը։
