Երբ մենք խոսում ենք Սահմանադրական դատարանի մասին, մենք խոսում ենք պետական իշխանության բարձրագույն մարմիններից մեկի մասին։ Մի պետությունում, որտեղ ավտոկրատիկ պրակտիկաների կիրառման արդյունքում որևէ գյուղապետ նույնիսկ չէր կարող ընտրվել կամ պաշտոնավարել՝ առանց քաղաքական իշխանության համաձայնության, բոլորի համար հաստատ է, որ որևէ մեկը չէր կարող հայտնվել Սահմանադրական դատարանում՝ բացարձակ լոյալություն չդրսևորելով այդ իշխանության նկատմամբ։ [ՍԴ դատավոր Վահե Գրիգորյան]
Ավելին
Ամբողջ աշխարհում կորոնավիրուսի վարակակիրների թիվն, այսօրվա դրությամբ, 11,448,554 է, մինչ այս պահը մահացել է 534,861 հոգի, ապաքինվել՝ 6,480,776 հոգի։ Վարակվածների թվով առաջին տեղում շարունակում է մնալ ԱՄՆ-ն, որտեղ կա, ընդհանուր առմամբ, 2,947,496 վարակակիր, մահացել է 132,374 մարդ, ապաքինվել է 1,260,695 մարդ։ Երկրորդ տեղում Բրազիլիան է, որտեղ վարակակիր մարդկանց թիվը 1,578,376 է, մինչ այս պահը մահացել է 64,365 հոգի, ապաքինվել՝ 978,615 հոգի։ Բրազիլիային հաջորդում են Հնդկաստանը, Ռուսաստանը, Պերուն։ |worldometers.info|
Ավելին
Հայաստանի քաղաքացիները իրենցը չեն համարել Սահմանադրություն ընդունելու կամ փոփոխելու որոշումը, իրենցը չեն համարել նաեւ այդ որոշումների արդյունքում ընդունված Սահմանադրությունը: Սա մեր պետական կառույցի ամենամեծ համակարգային թերությունն է։ Ու չնայած, իմ դիրքորոշումը եղել է այն, որ Սահմանադրության հաճախակի փոփոխությունները անհարկի սթրեսի են ենթարկում պետական համակարգը, նախորդ գիտակցումը, որ ՀՀ քաղաքացիները երկրի պետական կարգը հաճախ իրենցը չեն համարում, ինձ բերել է այն եզրակացության, որ մեր երկրին հարկավոր է նոր Սահմանադրություն, որը քաղաքացիների կամքի վրա հենված, քաղաքացիների կամքից բխող պետական կարգ կհաստատի Հայաստանում: Այս գործընթացը մեկնարկած է, հույս ունենք՝ նոր Սահմանադրության նախագծի ձեւավորումը կանցնի հնարավորինս լայն հանրային քննարկում եւ 2021-ին կայանալիք հանրաքվեով կընդունվի ժողովրդի ազատ կամարտահայտմամբ: [Նիկոլ Փաշինյան]
Ավելին
Սահմանադրությունն առաջին հերթին պետության ու քաղաքացու միջև կնքված քաղաքացիական պայմանագիր է, որով քաղաքացու կողմից դրվում են պետության գործունեության հիմքերը։ ՀՀ քաղաքացին սահմանել է, որ ուզում է տեսնել ինքնիշխան, իրավական, սոցիալական ու ժողովրդավարական պետություն, որտեղ մարդը բարձրագույն արժեք է։ Սրանք են այն նպատակները, հանուն որոնց մենք ծառայում ենք ՀՀ քաղաքացուն։ Օրվա խորհրդին համահունչ՝ համավարակի այս օրերին ավելի քան երբևէ կարիք ունենք դրսևորելու բարձր գիտակցություն ու համերաշխություն՝ հանուն պետության ու մարդու կյանքի իրավունքի։ [Տիգրան Ավինյանի ուղերձը]
Ավելին
Հայաստանում կորոնավիրուսով վարակվածների թիվը հասել է 28,606-ի, մեկ օրում հաստատվել է վարակի 706 դեպք։ Առողջացել է ևս 205 մարդ, այսպիսով՝ ապաքինվածների ընդհանուր թիվը դարձել է 16,140։ Փաստացի բուժվող է համարվում 11,824 մարդ։ Կորոնավիրուսով պայմանավորված հիվանդությունց մեկ օրում մահացել է 7 մարդ, մահերի թիվը դարձել է 484, այլ պատճառով մահվան ելքերը՝ 158։ Մեկ օրում արվել է 2,437 թեստ, թեստերի ընդհանուր թիվը 122,682 է։ [ՀՀ ԱՆ]
Ավելին
Այսօր Սահմանադրության օրն է։ Այսօր նշում ենք նաև պետական խորհրդանիշերի օրը։ Սահմանադրությունը ոչ միայն իրավունք ու պարտականություն է, այլև՝ մտածողության ու գործունեության մշակույթ, արժեհամակարգ, փիլիսոփայություն: Մեզնից առավելագույն ջանքեր, պատասխանատվություն ու կարգապահություն է պահանջվում մարտահրավերներն արժանապատվությամբ հաղթահարելու, առաջ շարժվելու համար: Մենք պարտավոր ենք լինել շրջահայաց, միասնական ու նախաձեռնող, որ ունենանք և վաղվա սերունդներին փոխանցենք կայուն ու զարգացած երկիր՝ ուժեղ պետության, համերաշխ և հանդուրժող հասարակության, պետական անխաթար խորհրդանիշերի տեսքով՝ որպես հզոր և բոլոր առումներով առողջ Հայաստան։ [Արմեն Սարգսյանի ուղերձը]
Ավելին
ԱՀԿ-ն ռեմդեսիվիրն անվանել է միակ դեղամիջոցը, որը փորձարկումների ընթացքում ապացուցել է իր օգտակարությունը կորոնավիրուսի դեմ պայքարում: Ինչպես հայտարարել է կազմակերպության գլխավոր գիտաշխատակից Սումիա Սվամինաթանը, դեղամիջոցն արդյունավետ է եղել բոլոր այն հիվանդների բուժման ժամանակ, որոնց մոտ հիվանդությունը ծանր ընթացք չի ունենցել։ Վարակված և ռեմդեսիվիր ստացած պացիենտներն առողջացել են 11 օր անց, իսկ որոնք չեն ընդունել դեղամիջոցը՝ 15 օր անց։ Սվամինաթանն ընդգծել է, որ դեղամիջոցի կիրառումը չի օգնում կրճատել կորոնավիրուսային հիվանդությունից մահացության ցուցանիշները։ |hetq.am|
Ավելին
Նույնիսկ հաշվի առնելով կորոնավիրուսի համավարակի հետ կապված արտակարգ դրության պահանջները՝ տեղի ունեցածը դիտարկում ենք իրավապահ մարմնի կողմից լիազորությունների չարաշահում։ Կառավարությունից և Պարետատնից պահանջում ենք չօգտագործել ուժային կառույցներն իրենց ոչ բնորոշ գործողություններում և բացառել նրանց միջամտությունը լրատվամիջոցների գործունեությանը, հաշվի առնելով լրատվական, հատկապես հեռուստատեսային գործունեության առանձնահատկությունները՝ վերանայել և հստակեցնել համաճարակի հետ կապված՝ ԶԼՄ-ներին վերաբերող աշխատանքային պայմանների սահմանափակումները։ [ՀԿ-ները՝ ոստիկանների՝ «Արմնյուզ» եւ «5-րդ ալիք» այցելության մասին]
Ավելին
Աշխատանքային այցով Ստեփանակերտում գտնվող ՀՀ ԱԳ նախարար Զոհրաբ Մնացականյանը հանդիպում է ունեցել ԱՀ ԱԳ նախարար Մասիս Մայիլյանի հետ։ Զոհրաբ Մնացականյանը ներկայացրել է վերջերս ԵԱՀԿ ՄԽ համանախագահների և Ադրբեջանի ԱԳ նախարարի հետ տեղի ունեցած տեսակոնֆերանսների արդյունքները։ ԱԳՆ ղեկավարներն ընդգծել են վերջերս Ադրբեջանի իշխանությունների կողմից տարբեր մակարդակներով հնչեցվող ռազմատենչ և սադրիչ հայտարարությունների անթույլատրելիությունը՝ նշելով, որ նման հռետորաբանությունը վտանգում է խաղաղ գործընթացը և խոչընդոտում վստահության մթնոլորտի ձևավորմանը։ [ԱՀ ԱԳՆ]
Ավելին
Երևանի քաղաքապետարանը մեկ տարվա ընթացքում չի կատարել որևէ հաշվարկ, թե Վերոնիկա Գևորգյանի անվան «Սեբաստիա» կրթահամալիրը վերագործարկելու համար որքան գումար է անհրաժեշտ: Դեռևս նախորդ տարվա հունիսի 26-ի Երևանի ավագանու նիստում Երևանի քաղաքապետ Հայկ Մարությանը, պատասխանելով ավագանու անդամ Լյուդմիլա Սարգսյանի հարցին, ասաց, որ կրթահամալիրը համայնքին է վերադարձվել, այն վերանորոգվելու է և շահագործվելու: |hetq.am|
Ավելին
ՀՀ Զինված ուժերի զարգացման բավականին լավ տեմպ և որակ ունենք: Մեր կառավարության համար այս ուղղությունը ոչ թե ուղղակի առաջնահերթություն է, այլ առաջնահերթությունների առաջնահերթություն, որովհետև այն հավակնությունները, որոնք հայ ժողովուրդը որդեգրել է, կարող են իրականություն դառնալ ու շանս ունենալ, եթե ՀՀ ԶՈՒ-ը համարժեք են մեր երկրի շուրջ ստեղծված ռազմաքաղաքական իրավիճակին: Մենք նկատի ենք ունենում ոչ միայն կարճաժամկետ, այլև երկարաժամկետ առումով ոչ միայն մարտավարական, այլև ռազմավարական մարտահրավերները: [ՀՀ վարչապետ Նիկոլ Փաշինյանի ելույթը ՊՆ և ԶՈՒ ղեկավար կազմի հետ հանդիպմանը]
Ավելին
Հայաստանը մեծապես արժևորում է ԱՄՆ-ի հետ բարեկամական հարաբերությունների հետագա զարգացումը՝ մեկ տարի առաջ հաստատված ռազմավարական երկխոսության շրջանակում: Բարձր ենք գնահատում ԱՄՆ կառուցողական ներգրավվածությունն ու հավասարակշռված քաղաքականությունը ԼՂ հակամարտության խաղաղ կարգավորման գործընթացում։ [Նիկոլ Փաշինյանի շնորհավորական ուղերձը` ԱՄՆ-ի Անկախության օրվա առթիվ]
Ավելին
Հուլիսի 4-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 27900 դեպք, որոնցից 15935-ն` առողջացած, 477-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11331 պացիենտ: Ընդհանուր առմամբ կատարվել է 120245 թեստավորում: Այսպիսով` ունենք կորոնավիրուսային հիվանդությամբ հաստատված 580 նոր դեպք և 451 առողջացած։
Ավելին
Տարիներ առաջ ԱԱԾ-ի համար լրագրող Հրայր Մանուկյանին հավաքագրելու գործընթացից հայտնի դարձած Նարեկ Արաքսման-Մանուկյանը անցյալ տարեվերջից նշանակվել է Կրթության, գիտության, մշակույթի և սպորտի նախարար Արայիկ Հարությունյանի խորհրդական։ Արաքսման-Մանուկյանն ըստ էության «միջնորդ» էր դարձել լրագրողի և Սերժ Սարգսյանի նախկին խոսնակ Վլադիմիր Հակոբյանի հանդիպման համար, որի ժամանակ Հակոբյանը Հրայր Մանուկյանին առաջարկել, պահանջել էր համալրել ԱԱԾ շարքերը։ Նարեկ Արաքսման-Մանուկյանի նշանակման ժամկետների վերաբերյալ երկու պետական հաստատություններ տարբեր տվյալներ են հայտնում։ |civilnet.am|
Ավելին
Առողջապահության նախարար Արսեն Թորոսյանը կարծում է, որ ԱՆ նախկին տեղակալ Արսեն Դավթյանի և «Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ» ՓԲ ընկերության տնօրեն Ռազմիկ Աբրահամյանի գործով նոր հանգամանքներ են ի հայտ եկել իր պատասխաններից։ Հուլիսի 3-ին դատական նիստից հետո լրագրողների հետ զրույցում Թորոսյանը ասաց, որ իրեն վկայի կարգավիճակով էին հրավիրել դատական նիստին, և բավական հանգամանալից պատասխանել է կողմերի հարցերին։ |armenpress.am|
Ավելին
Սահմանադրության 213-րդ հոդվածում կատարված փոփոխությունների հիման վրա՝ մինչև Սահմանադրության 7-րդ գլխի ուժի մեջ մտնելը նշանակված և ՍԴ անդամի կամ դատավորի պաշտոնում ընդհանուր տևողությամբ ոչ պակաս, քան 12 տարի պաշտոնավարած ՍԴ անդամի (դատավորի) լիազորությունների ժամկետը համարվում է ավարտված, և պաշտոնավարումը դադարում է: Նորմի համակարգային վերլուծությունը թույլ է տալիս արձանագրելու, որ ՍԴ արդեն նախկին անդամներն իրավունք չունեն մուտք գործելու ՍԴ վարչական շենք: [Ոստիկանությունը՝ ՍԴ նախկին դատավոր Հրանտ Նազարյանին ՍԴ շենք չթողնելու մասին]
Ավելին
Հուլիսի 2-ին աշխատանքային այցով Լոռու մարզում էր առողջապահության նախարար Արսեն Թորոսյանը: Մարզպետ Անդրեյ Ղուկասյանի ուղեկցությամբ նա այցելել է Սպիտակի բժշկական կենտրոն, որը նույն օրը միացել էր համավարակի դեմ պայքարին՝ թթվածնով հագեցած 120 մահճակալներով, որից 15 մահճակալը նախատեսված է վերակենդանացման բաժանմունքի համար։ Այցելության պահին ԲԿ-ն արդեն 6 հիվանդ էր ընդունել, ևս մի քանի տասնյակ հիվանդներ էլ կընդունվեն մինչև օրվա վերջ։ [Լոռու մարզպետարան]
Ավելին
Այսօր հրաժարական է ներկայացրել Ֆրանսիայի վարչապետ Էդուարդ Ֆիլիպը։ Մինչ այդ հայտարարվել էր, որ նախագահ Էմմանուել Մակրոնը պետք է կառավարության կազմի փոփոխությունների իրականացնի։ Ֆիլիպը կշարունակի իրականացնել վարչապետի լիազորությունները մինչև նոր կառավարության կազմավորումը։ |telegraph.co.uk|
Ավելին
Սահմանադրական դատարանում ՀՀ ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել 2020թ․ հուլիսի 7-ին նշանակված գործի քննությունը, ԱԺ-ին տրամադրել ՄԻԵԴ և ՎՀ խորհրդատվական կարծիքների հայերեն թարգմանությունները, ինչպես նաև ողջամիտ ժամկետ այդ կարծիքներին ծանոթանալու համար։ [ԱԺ նախագահ Արարատ Միրզոյան]
Ավելին
ԱՀ-ում կորոնավիրուսային վարակի ևս մեկ նոր օջախ է հայտաբերվել Ստեփանակերտ քաղաքում: Այդ շրջանակից 2 քաղաքացու մոտ հաստատվել է COVID-19-ը: 2 նոր դեպք էլ գրանցվել է նախօրեին Ստեփանակերտում հաստատված վարակի օջախի կոնտակտավորների շրջանում: Հուլիսի 3-ի դրությամբ մեկուսացված է 85 մարդ, հիվանդությունը փաստացի հաղթահարում է 28 քաղաքացի: Մինչ այս պահը վարակը հաստատվել է 129 մարդու մոտ։ [Արցախ/տեղեկատվական շտաբ]
Ավելին
Հուլիսի 3-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 27320 դեպք, որոնցից 15484-ն` առողջացած, 469-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11211 պացիենտ: Ընդհանուր առմամբ կատարվել է 118102 թեստավորում: Այսպիսով` ունենք կորոնավիրուսային հիվանդությամբ հաստատված 662 նոր դեպք և 448 առողջացած, կատարվել է 2337 թեստ։
Ավելին
Արտակարգ դրության հենց առաջին օրերից բոլոր բանկերը հայտնեցին իրենց պատրաստակամության մասին տրամադրելու վարկային արձակուրդ ֆիզիկական անձ հաճախորդներին, ինչպես նաեւ դրսեւորել անհատական մոտեցում այն իրավաբանական անձանց նկատմամբ, որոնք այս կամ այն կերպ տուժել են համավարակի պատճառով։ Հունիսի 1-ի դրությամբ վարկային արձակուրդից եւ վարկերի վերանայման հնարավորությունից օգտվել է մոտ 550 հազար ֆիզիկական եւ 17.4 հազար իրավաբանական անձ։ [Հայաստանի բանկերի միության նախագահ] |armtimes.com|
Ավելին
ՀՀ ԱԱԾ կողմից ձեռնարկված համալիր օպերատիվ-հետախուզական միջոցառումների արդյունքում ձեռք են բերվել փաստական տվյալներ, որ Գյումրու սպասարկող սոցիալական աջակցության տարածքային բաժինների երկու ղեկավարներ իրենց ենթակա աշխատակիցների հետ նախնական համաձայնությամբ տարիներ շարունակ անձամբ կամ տարբեր միջնորդների միջոցով սոցիալապես անապահով քաղաքացիներից շորթմամբ պահանջել և ստացել են ապօրինի վարձատրություններ: [ԱԱԾ]
Ավելին
«Ազգային ժողովի կանոնակարգ» օրենքի համաձայն` պատգամավորների ընդհանուր թվի առնվազն 1/4-ի պահանջով COVID 19-ի տարածումը կանխելու, դրա դեմ պայքարի, համաճարակի հետեւանքների մեղմման ուղղությամբ կառավարության եւ պարետատան իրականացրած միջոցառումների արդյունավետությունը, նաեւ արտակարգ դրության ժամանակահատվածում Մարդու իրավունքների եւ հիմնարար ազատությունների սահմանափակումների արդյունավետությունն ու իրավաչափությունն ուսումնասիրելու նպատակով իրավունքի ուժով ստեղծվել է ԱԺ քննիչ հանձնաժողով: [Արարատ Միրզոյան]
Ավելին
Արմեն Սարգսյանն այսօր ընդունել է ԱԱԾ տնօրեն Արգիշտի Քյարամյանին: Նախագահը շնորհավորել է ԱԱԾ տնօրենին պաշտոնում նշանակվելու առթիվ և հաջողություններ մաղթել հետագա գործունեության մեջ: Հանդիպմանն անդրադարձ է կատարվել ԱԱԾ ընթացիկ գործունեությանը:
Ավելին
Հարգելի Վլադիմիր Վլադիմիրի, շնորհավորում եմ Ձեզ՝ ՌԴ Սահմանադրության մեջ փոփոխությունների վերաբերյալ համառուսական քվեարկությունը հաջող անցկացնելու կապակցությամբ: Այս իրադարձությունը, իհարկե, սկզբունքային նշանակություն ուներ Ռուսաստանի պետականության հետագա ամրապնդման համար: Վստահ եմ՝ երկրի հիմնական օրենքի մեջ կատարվող փոփոխությունները, որոնք արժանացել են Ռուսաստանի հասարակության ճնշող մեծամասնության հավանությանը, ստեղծում են երկրի հետագա առաջընթացի և նրա սոցիալ-տնտեսական զարգացման համար նպաստող պայմաններ: [Փաշինյանի շնորհավորական ուղերձը՝ Պուտինին]
Ավելին
Ըստ էության, այդ համագործակցությունը հիմնված է մեկ գաղափարի վրա՝ փորձել դելեգիտիմիզացնել կառավարող ուժին եւ, ընդհանուր առմամբ, ժողովրդավարական տրանսֆորմացիաները Հայաստանում։ Այդտեղ այլ նպատակներ փնտրել պետք չէ։ Փորձում են օգտագործել յուրաքանչյուր առիթ՝ Հայաստանում տեղի ունեցողը հակասահմանադրական, հակաժողովրդավարական ներկայացնելու համար՝ հույս ունենալով, որ որոշակի ինֆորմացիոն աղմուկ կստեղծվի։Բնականաբար, այն, ինչ իրենք անում են, քաղաքական իմիտացիա է։ [Քաղաքագետ էդգար Վարդանյան]
Ավելին
Եթե քննադատում են, որ նախագահը չի ուզեցել մասնակցել ինչ-որ գործընթացների, ես ընդամենն ասում եմ իմ տպավորությունը, որ ՍԴ դատավորների լիազորությունները միևնույն է դադարել են Սահմանադրության փոփոխությունների ուժով, հետևաբար, այս գործընթացը այդ դատավորների հետագա պաշտոնավարման հետ որևէ առնչություն չունի: Եթե նախագահը հայտարարել է, որ չի ստորագրելու այդ օրենքը, բնականաբար, մենք էլ առաջնորդվելու ենք այնպես, ինչպես Սահմանադրությամբ է նախատեսված: [ԱԺ «Իմ քայլը» խմբակցության պատգամավոր Սիսակ Գաբրիելյան] |lragir.am|
Ավելին
Քիչ առաջ դիահերձարանից կորած գյումրեցի տատիկի դին գտնվեց։ Անփութության արդյունքում տատիկին հանձնել էին այլ անձանց՝ որպես իրենց հանգուցյալ, եւ տատիկը հուղարկավորվել էր Նոր Հաճնի գերեզմանոցում։ Այս պահին տատիկի հարազատները ոստիկանական բաժանմունքում են, որից հետո, սահմանված կարգով կիրականացվի արտաշիրիմում եւ տատիկի դին կտեղափոխվի Գյումրի։ [Նաիրա Զոհրաբյան]
Ավելին
Այս պահին, կարծում եմ, նպատակահարմար չէ հանձնաժողովի ստեղծումը, որովհետև դեռ ընթացքի մեջ է կորոնավիրուսի համավարակը: Ինչը քննելու մասին է խոսքը, չգիտեմ, թե ինչ հիմնավորումներ են ներկայացրել, բայց կարծում եմ, որ, եթե կարիքը լինի դրա, պետք է համավարակի ավարտից հետո արվի: Կավարտվի համավարակը, նոր դրա մասին կարող ենք խոսել: [ԱԺ առողջապահության և սոցիալական հարցերի մշտական հանձնաժողովի նախագահը՝ «Բարգավաճ Հայաստան» և «Լուսավոր Հայաստան» խմբացությունների ներկայացրած դիմումի մասին] |armenpress.am|
Ավելին
Քիչ առաջ ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունների պատգամավորների կողմից ՀՀ ԱԺ նախագահին է ուղարկվել նոր կորոնավիրուսի տարածումը կանխելու, այդ վիրուսի դեմ պայքարի, համաճարակի հետևանքների մեղմման կամ վերացման ուղղությամբ ՀՀ կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունն ուսումնասիրող ԱԺ քննիչ հանձնաժողով ստեղծելու մասին դիմում։ [«Լուսավոր Հայաստան» խմբակցության պատգամավոր Անի Սամսոնյան]
Ավելին
3000 և ավելի բնակչություն ունեցող 114 համայնքներից 25-ի համայնքային պաշտոնական կայքերը չեն աշխատում, ոչ պաշտոնական էլեկտրոնային հասցեներից են օգտվում 30-ը, տեղեկություն ստանալու հարցումներին չեն արձագանքում 47-ը։
Ավելին
Այս տարի աննախադեպ ծավալի նոր կառուցվող եւ վերակառուցվող բուժհաստատություններ ենք ունենալու: Մարտունու ԲԿ-ի շինարարությունը կսկսվի մոտ օրերս: Շուտով կհայտարարվի նաեւ Վայոց Ձորի ԲԿ-ի ամբողջական կառուցման մրցույթը: Այս երկուսը ամբողջությամբ զրոյից են կառուցվելու եւ համապատասխանելու են միջազգային բոլոր չափանիշներին: [ՀՀ առողջապահության նախարար Արսեն Թորոսյան] |armtimes.com|
Ավելին
ԲՀԿ առաջնորդ Գագիկ Ծառուկյանին չկալանավորելու որոշման դեմ բողոքի քննությունն այսօր հետաձգվեց: Բողոքների մի մասը փոստի միջոցով է փոխանցվել եւ դատարան դեռ չէր հասել, քանի որ նիստը կարճ ժամկետում էր նշանակվել, ուստի հնարավոր չէր նիստը շարունակել, որեւէ քննություն, ըստ էության, տեղի չունեցավ: |armtimes.com|
Ավելին
Աշխարհում արդեն 100-ից ավելի թեկնածու պատվաստանյութեր կան, որոնք հավակնում են դառնալ վերջնական արդյունք։Մենք հիմա բանակցություններ ենք վարում երկու ուղղություններով, առաջինը՝ ուղիղ արտադրողներն են, ես ինքս անձամբ եմ վարում այդ բանակցությունները։ Օրինակ՝ երեկ խոսել եմ «Մոդեռնա» ընկերության կոմերցիոն տնօրենի հետ, որը մեր հայրենակից Նուբար Աֆեյանի հետ փոխկապակցված ընկերությունն է, և այդ վակցինան ամենահավանական թեկնածուներից մեկն է։ [Արսեն Թորոսյան]
Ավելին
Կառավարությունը հաստատեց ՀՀ-ում աշնանացան ցորենի արտադրության խթանման պետական աջակցության ծրագիրը: 1 կգ-ի համար տրվող սուբսիդիայիկամ փոխհատուցման գումարը սահմանվում է 70 դրամ: Նախագծի ընդունումը կնպաստի ՀՀ-ում ցորենի բերքատվության մակարդակի բարձրացմանը՝ շուրջ 30%-ով։
Ավելին
Փողոցներում դիմակ բաժանելիս տեսել եմ քաղաքացիների, ովքեր կրում էին լայն ցանցայնությամբ դիմակներ։ Երեկ էլ նկատեցի՝ մայթերին կանգնած քաղաքացիները տեսնելով փարոսիկներով մեքենաներ, ծնոտին դրված դիմակները բարձրացնում էին, հենց հեռանում էին՝ իջեցնում։ Շատ ցավալի է, որ այդքան տուգանքի դեպք է արձանագրվում:Բայց մեր նպատակը տուգանելը չէ՝ ընդհակառակը։ [Նիկոլ Փաշինյան]
Ավելին
Վերակենդանացման բաժանմունքները պրակտիկորեն լիքն են։ Այսօր առավոտյան 9։00-ի դրությամբ, տանը սպասող քաղաքացիների թիվը ընդամենը 11-ն է, որից 4-ը միջին ծանրության են, 7-ը թեթև։ Մնացած ևս 80 հոգի սպասում են տեղափոխման այնպիսի հիվանդանոցներ, որոնք զբաղվում են կորոնավիրուսային հիվանդությամբ։ [Արսեն Թորոսյան]
Ավելին
Տավուշի մարզի Պառավաքար համայնքի ղեկավարի գործողությունների արդյունքում համայնքի իրավունքներին և օրինական շահերին պատճառվել է էական գույքային վնաս: Վերջինիս մեղադրանք է առաջադրվել պաշտոնեական լիազորությունները չարաշահելու համար: Նրա նկատմամբ որպես խափանման միջոց է կիրառվել ստորագրություն՝ չհեռանալու մասին: [ՔԿ]
Ավելին
Արցախում հուլիսի 2-ի դրությամբ կորոնավիրուսով հիվանդացության 6 նոր դեպք է հաստատվել: Մեկուսացված է 70, փաստացի հիվանդությունը հաղթահարում է 24 քաղաքացի: Նրանց առողջական վիճակը գնահատվում է բավարար: Ընդհանուր թեստավորումների քանակը 1982 է: [Արցախի Առողջապահության նախարարություն]
Ավելին
Հուլիսի 2-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 26658 դեպք, որոնցից 15036-ն` առողջացած, 459-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11010 պացիենտ: Ընդհանուր առմամբ կատարվել է 115765 թեստավորում: Այսպիսով` ունենք կորոնավիրուսային հիվանդությամբ հաստատված 593 նոր դեպք և 473 առողջացած, կատարվել է 2100 թեստ։
Ավելին
Աննա Ժամկոչյանը նշանակվել է աշխատանքի և սոցիալական հարցերի նախարարի տեղակալ:
Ավելին
ՌԴ-ում ավարտվել է սահմանադրական փոփոխությունների հանրաքվեի ձայների հաշվարկը: Մշակված է քվեաթերթիկների 99,9 տոկոսը: Արդյունքների համաձայն՝ ռուսների 77,93 տոկոսը կողմ է քվեարկել Սահմանադրության փոփոխություններին, դեմ՝ 21,26 տոկոսը: Առաջակվող փոփոխությունների համաձայն՝ հանրաքվեի դրական արդյունքի դեպքում Վլադիմիր Պուտինը հնարավորություն կունենա կրկին առաջադրվել երկրի նախագահի պաշտոնում: |armtimes.com|
Ավելին
Երևան են հասել ԱՀԿ-ի կողմից Եվրոպական միության ֆինանսական աջակցությամբ ձեռք բերված ախտորոշման 10 000 թեստեր՝ աջակցելու Հայաստանի արձագանքմանը համավարակին:
Ախտորոշման թեստերը ձեռք են բերվել ՀՀ առողջապահության նախարարությանն աջակցելու նպատակով, ինչը թույլ կտա ընդլայնել քաղաքացիների՝ նոր կորոնավիրուսային հիվանդության ախտորոշման անվճար թեստավորումը երկրի ամբողջ տարածքում։ [ՀՀ-ում ԵՄ գրասենյակ]
Ավելին
Պաշտոնական վիճակագրությամբ՝ Վայոց ձորը միակ մարզն է, որտեղ մինչ օրս որևէ բժիշկ, բուժաշխատող կամ բուժկենտրոնի այլ աշխատակից չի վարակվել կորոնավիրուսով, այստեղ չկան նաև բուժկենտրոնի ինքնամեկուսացած աշխատակիցներ։ Բացի Երևանից՝ վարակված և ինքնամեկուսացած բժիշկների թվով աչքի են ընկնում Կոտայքի, Արմավիրի և Շիրակի մարզերը։ |hetq.am|
Ավելին
Մեր հակավիրուսային մեխանիզմների ուսումնասիրությունների գիտական խումբն արդեն կարողացել է իդենտիֆիկացնել մի քանի միացություն, որոնք ունեն լավ խնամակցություն վիրուսի սպիտակուցների հետ: Սա թույլ է տալիս եզրակացնել, որ այդ միացությունները կկարողանան ճնշել վիրուսի ներթափանցումը բջիջ: Սրանք հիմնարար գիտական հետազոտություններ են, մենք այս պահին չունենք դեղամիջոցներ, որոնք կարող ենք առաջարկել, որպես բուժման միջոցներ։ [ԳԱԱ մոլեկուլային կենսաբանության ինստիտուտի տնօրեն] |armenpress.am|
Ավելին
Գլխավոր դատախազությունը վճռաբեկ բողոք է ներկայացրել Ռոբերտ Քոչարյանի նկատմամբ Վերաքննիչ քրեական դատարանի՝ խափանման միջոց կալանքի վերաբերյալ կայացրած որոշման դեմ։ Այս մասին հայտնեց գլխավոր դատախազի խորհրդականը: Վերաքննիչ քրեական դատարանը բավարարել էր Քոչարյանի պաշտպանների դիմումը եւ 2 մլրդ դրամ գրավի դիմաց ազատ արձակել նրան։ |news.am|
Ավելին
Մի շարք լրատվամիջոցներ, մեծ հաշվով պարբերաբար չունենալով ծանրակշիռ բովանդակություն, շարունակում են դիմել մանիպուլյացիոն քայլերի: Ֆրանսիայի նախագահի՝ վարչապետին ուղղված հեռագրում ձեռագրով կատարված լրացումներն արել է անձամբ նախագահ Մակրոնը, ինչը ընդունված պրակտիկա է հեռագրեր հղելիս: Cher Nikol լրացումը նախագահի կողմից խոսում է երկու երկրների առաջնորդների ջերմ և ընկերական հարաբերությունների մասին: Հեռագրի թարգմանությունը նույնպես տրամադրվել է ֆրանսիական կողմից։ [Վարչապետի խոսնակը՝ Ֆրանսիայի նախագահի հեռագրի շուրջ շահարկումների մասին] |armenpress.am|
Ավելին
Լիդիանի նոր պահնորդական կազմակերպությունը լարվածություն է ստեղծում Ամուլսարում։ Նախորդ օրը նրանք զինված ներխուժել էին պահպանության կետ, ճզմել սպանել Ամուլսարի պահպանների խնամած շների ձագերին, զենքով հրապարակային հոխորտացել։ Այսօր իրավիճակը շարունակում է լարված մնալ, որովհետև նախորդ օրվա ձեռք բերած պայմանավորվածությունները, կարծես, չեն պահպանվում։ Ամուլսարի պահպանության պայքարը խաղաղ ոչ բռնի անհնազանդություն է, իսկ ահա Լիդիանի վարձած կազմակերպությունը հստակորեն սադրանքի է գնում։ [ՀԲՃ]
Ավելին
Ամուլսարում նոր պահնորդական կազմակերպության հետ նախօրեին ձեռք բերված պայմանավորվածության համաձայն՝ այսօր նրանք պետք է հեռանային՝ թողնելով միայն հերթափոխի աշխատակիցներին: Այս մասին նշել է Ջերմուկի բնակիչ, ակտիվիստ Շիրակ Բունիաթյանը: Ջերմուկցիներն այսօր առավոտյան եկել են Ամուլսարի պոստերի մոտ, որ իրենց աչքով համոզվեն, որ պահնորդները հեռանում են։ Պահնորդական ծառայության ղեկավարը հայտարարեց, որ իրենք օրվա ընթացքում ռեզերվային ուժերը տարածքից կհանեն, կմնան միայն հերթափոխ իրականացնողները: |news.am|
Ավելին
