Սովորել եմ Երևանի պետական համալսարանի ժուռնալիստիկայի ֆակուլտետում։
2017թ․ աշնանից մինչ 2020 թվականի գարուն աշխատել եմ «Հայկական ժամանակ» օրաթերթում, 2020թ․-ի մարտի 1-ից ի վեր աշխատում եմ «Ինֆոքոմում»։ Լուսաբանում եմ քաղաքական ոլորտի թեմաներ, պատերազմին առնչվող դատական նիստեր, զբաղվում եմ փաստերի ստուգման և հետաքննական լրագրությամբ։ Աշխատել եմ «Ինֆոքոմի» «44-օրյա պատերազմ. ժամանակագրություն» մոնիթորինգային գործիքի ստեղծման վրա՝ որպես բովանդակության խմբագիր։
«Փաստացի-2023» լրագրողական հրապարակումների մրցույթում ստացել եմ 3-րդ մրցանակը՝ «Դատախազությունը շարունակում է 11 հազար դասալիքների մասին մանիպուլյացիան» նյութի համար։
Լրագրողական աշխատանքում մասնագիտական էթիկայի սկզբունքներին հավատարմության համար 2024թ․-ին պարգևատրվել եմ Երևանի մամուլի ակումբի մրցանակով։
Ստեղծագործում եմ, զբաղվում եմ նաև գրական տեքստերի խմբագրմամբ։ 2024 թ․-ին «ԿԱՄՔ» գրական մրցույթում արժանացել եմ 3-րդ մրցանակին՝ «303 կմ հեռվից» ստեղծագործության համար:
Պատրաստվել եմ որպես առաջին օգնության հրահանգիչ, «Ինֆոքոմի» և այլ խմբագրություններում անցկացրել եմ առաջին օգնության և ճգնաժամային իրավիճակներում լրագրողների անվտանգության դասընթացներ։
