21:46 - 23 սեպտեմբերի, 2021
Հայաստանի և Արցախի մրցակցության պաշտպանության հանձնաժողովները նոր հուշագիր կստորագրեն
ՀՀ մրցակցության պաշտպանության հանձնաժողովի նախագահ Գեղամ Գևորգյանը սեպտեմբերի 23-ին ընդունել է Արցախի Հանրապետության հանրային ծառայությունները եւ տնտեսական մրցակցությունը կարգավորող պետական հանձնաժողովի նախագահ Գևորգ Գրիգորյանին: Հանդիպմանը մասնակցում էին նաև Արցախի հանրային ծառայությունները եւ տնտեսական մրցակցությունը կարգավորող պետական հանձնաժողովի նախագահի տեղակալ Սերգեյ Գրիգորյանը, ՀՀ ՄՊՀ անդամ Հայկ Կարապետյանը և գլխավոր քարտուղարի տեղակալ Դավիթ Հովհաննիսյանը:
Հանդիպման ժամանակ անդրադարձ է կատարվել մրցակցության ոլորտում համագործակցությանը վերաբերող մի շարք հարցերի, մասնավորապես, շուկաների ուսումնասիրության ուղղությամբ փորձի և տեղեկատվության փոխանակմանը, վարույթների իրականացման գործընթացում փոխօգնությանը, մասնագետների վերապատրաստումների իրականացմանը, փոխայցերի կազմակերպմանը:
Առավել լայն համագործակցության ապահովման նպատակով նախատեսվում է նոր հուշագրի ստորագրում կողմերի միջև:
comment.count (0)