13:40 - 29 նոյեմբերի, 2021
Հունվարի 1-ից քաղաքացիները հանրային սննդի վայրեր կարող են մուտք գործել միայն ՊՇՌ բացասական թեստով կամ պատվաստված լինելու դեպքում. նախագիծ |1lurer.am|
1lurer.am: Հունվարի 1-ից նախատեսվում են կորոնավիրուսի կանխարգելմանը նպաստող միջոցառումներ։ Ըստ Անահիտ Ավանեսյանի՝ հարցը ոչ միայն քննարկվում է, այլև նախագծի տեսք ունի։
«Հունվարի 1-ից նաև հանրային սննդի վայրերում, մշակութային միջոցառումներին քաղաքացիների մուտքը կարող է լինել միայն ՊՇՌ բացասական թեստի արդյունքում կամ պատվաստված լինելու հանգամանքը հավաստիացրած լինելու դեպքում։
Սահմանափակող միջոցառումները գուցե որոշակի անհարմարություններ առաջացնում են, բայց մենք նժարի վրա ենք դնում հանրային առողջապահական հարցերը և կարծում ենք, որ անհրաժեշտ է նման միջոցների գնալ»,- ասաց Ավանեսյանը։
Ավանեսյանը նշեց, որ ակտիվորեն տարվում է պատվաստումները խթանող քաղաքականություն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)