Այսօր Հայաստանի 38 համայնքներում անցկացվում են տեղական ինքնակառավարման մարմինների ընտրություններ։ Համայնքներից 36-ում ՏԻՄ ընտրություններն անցկացվում են համամասնական ընտրակարգով, իսկ Արագածոտնի մարզի երկու համայնքում՝ Արևուտում և Մեծաձորում՝ մեծամասնական ընտրակարգով։ Այս երկու համայնքներում անցկացվում են և՛ ավագանու, և՛ համայնքի ղեկավարի ընտրություններ։
Հիշեցնենք, որ մի շարք համայնքներում էլ ՏԻՄ ընտրություններ անցկացվել են հոկտեմբերի 17-ին և նոյեմբերի 14-ին։
