Իրանում մեկ օրում կորոնավիրուսից մահացել է 23 քաղաքացի

 |armenpress.am|
20:41 - 25 հունվարի, 2022

Իրանում մեկ օրում կորոնավիրուսից մահացել է 23 քաղաքացի |armenpress.am|

armenpress.am: Իրանում վերջին 24 ժամում կորոնավիրուսից մահացել է 23 քաղաքացի, այսպիսով վիրուսից մահերի թիվը հասել է 132 հազար 274-ի: Այս մասին հայտնում է IRNA-ն:

Երկրում վերջին մեկ օրում գրանցվել է Covid-19-ի 9378 նոր դեպք, որից 632-ը հոսպիտալացվել է: Իրանում գրանցված է ընդհանուր 6 մլն 267 հազար 559 կորոնավիրուսային դեպք: 1241 պացիենտ ծայրահեղ ծանր վիճակում բուժում է ստանում ինտենսիվ թերապիայի բաժանմունքներում:

Իրանի առողջապահության նախարարությունը տեղեկացրել է նաև, որ 60 մլն 544 հազար 155 իրանցի արդեն ստացել է կորոնավիրուսի դեմ պատվաստանյութի առաջին չափաբաժինը, 53 մլն 733 հազար 768-ը՝ երկրորդ չափաբաժինը, իսկ երրորդ՝ խթանիչ չափաբաժինը ստացել է 15 մլն 254 հազար 504 քաղաքացի:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել