17:09 - 27 փետրվարի, 2022
Ուկրաինան հաստատել է Գոմելի շրջանում բանակցությունները․ ՌԴ պատվիրակության ղեկավար
Ուկրաինան հաստատել է Գոմելի մարզում Ռուսաստանի Դաշնության պատվիրակության հետ բանակցությունների անցկացմանը, կիրակի օրը հայտարարել է ՌԴ նախագահի օգնական Վլադիմիր Մեդինսկին, որը գլխավորում է ռուսական պատվիրակությունը։ Գրում է tass.ru-ն։
«Բառացիորեն մոտավորապես ժամը 15։00-ին մենք ստացանք բանակցությունների մասնակցության հաստատումը․ բանակցությունները կանցկացվեն Գոմելի շրջանում, ինչպես մենք առաջարկել էինք»,- ասել է նա Մինսկում ՌԴ դեսպանատանը։
Նրա խոսքով՝ ռուսական պատվիրակությունը Մինսկից մեկնում է Գոմել՝ Ուկրաինայի հետ բանակցությունների համար։
Մեդինսկին նաեւ ասել է, որ Ռուսաստանը երաշխավորում է ուկրաինական պատվիրակության անվտանգությունը։ Այժմ մշակվում է երթուղին եւ ընտրվում է Գոմելի շրջանի տարածքում ամենաօպտիմալ կետը, որտեղ առավելագույն անվտանգություն կապահովվի ուկրաինական կողմի համար։
ՌԴ նախագահի օգնականը նաեւ ասել է, որ Ռուսաստանը պատրաստ է օրվա ցանկացած ժամի խաղաղ բանակցություններ վարել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)