19:37 - 20 մարտի, 2022
Ճակատը գործնականում սառել է․ կողմերը՝ և՛ մերը, և՛ Ռուսաստանինը, բավարար ուժ չունեն իրավիճակը շրջելու համար․ Արեստովիչ
Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչը նշում է, որ այժմ «ռազմաճակատը գործնականում սառել է»։ Այս մասին նա ասել է իր Telegram ալիքում հրապարակված տեսաուղերձում, հայտնում է Unian-ը։
«Ճակատը գործնականում սառել է, քանի որ կողմերը՝ և՛ մերը, և՛ Ռուսաստանինը, բավարար ուժ չունեն իրավիճակն այս կամ այն ուղղությամբ շրջելու համար»,- ասել է Արեստովիչը։
Նա հավելել է, որ կողմերը մարտավարական գործողություններ են իրականացնում, հարվածներ հասցնում միմյանց։
«Բայց մենք այս հարվածներն ավելի լավ ենք հասցնում»,- ասել է Ուկրաինայի նախագահի աշխատակազմի ղեկավարի խորհրդականը։
Նա նշել է, որ քաղաքների վրա գործնականում հրթիռային հարձակումներ չկան․ «Ռուսական ավիացիան գործնականում գոյություն չունի»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)