Ռուսաստանի նախագահի խոսնակ Դմիտրի Պեսկովը CNN-ին տված հարցազրույցում խոստովանել է, որ Ռուսաստանը դեռևս չի հասել Ուկրաինայում իր ռազմական նպատակներից որևէ մեկին։

Պեսկովը նաև հրաժարվել է նշել, թե բացառվում է, որ Ռուսաստանը կքննարկի միջուկային զենքի կիրառումը, ինչպես Մոսկվան է ասում, «էկզիստենցիալ սպառնալիքի» դեպքում: 

Հարցին, թե ինչ պայմաններում Վլադիմիր Պուտինը կօգտագործի Ռուսաստանի միջուկային հնարավորությունները, Պեսկովը պատասխանել է. «Եթե էկզիստենցիալ սպառնալիք լինի մեր երկրի համար, ապա դա կարող է տեղի ունենալ»։

ՌԴ նախագահի խոսնակը նաև նշել է, որ «հատուկ ռազմական գործողությունն» ընթանում է՝ համաձայն նախապես հաստատված պլանների և նպատակների։

Պեսկովը հայտնել է, թե որոնք են «հատուկ ռազմական գործողության» նպատակները՝

• ազատվել Ուկրաինայի ռազմական ներուժից,
• ապահովել, որ Ուկրաինան լինի «չեզոք երկիր»,
• ազատվել «ազգայնական գումարտակներից»
• Ուկրաինան ընդունի, որ Ղրիմը Ռուսաստանի մաս է, իսկ Լուգանսկն ու Դոնեցկն «արդեն անկախ պետություններ են»:

Նա նաև պնդել է, որ Ռուսաստանը հարձակվել է միայն ռազմական օբյեկտների վրա։