Եվրոպայի վրա կախված ավելի լայն հակամարտությունների սպառնալիքի ֆոնին՝ ՆԱՏՕ-ն հինգշաբթի օրը հայտարարել է, որ երկարաձգվում է Դաշինքի գլխավոր քարտուղար Յենս Ստոլտենբերգի պաշտոնավարման ժամկետը ևս մեկ տարով, որ նա աջակցի 30 երկրների ռազմական դաշինքին կառավարելու անվտանգության ճգնաժամը, որն առաջացել է Ուկրաինայի դեմ Ռուսաստանի ներխուժման հետևանքով: Այս մասին հաղորդում է «Associated Press»-ը։

Ստոլտենբերգը թվիթերում գրել է, որ իր համար «պատիվ է» ՆԱՏՕ-ի ղեկավարների որոշումը՝ երկարաձգելու իր լիազորությունները մինչև 2023 թվականի սեպտեմբերի 30-ը։

«Քանի որ մենք բախվում ենք այս սերնդի՝ անվտանգության ամենամեծ ճգնաժամին, մենք միասնական ենք մեր դաշինքն ամուր պահելու և մեր ժողովրդին անվտանգ պահելու հարցում»,- ասել է նա այն բանից հետո, երբ ԱՄՆ նախագահ Ջո Բայդենը և իր գործընկերները համաձայնել են երկարաձգել նրա ժամկետը Բրյուսելում կայացած գագաթնաժողովում:

Լուսանկարը՝ AP