17:13 - 25 մարտի, 2022
ՌԴ թվային զարգացման նախարարությունը դեմ է ՏՏ ոլորտի մասնագետների տեղաշարժի սահմանափակմանը
Ռուսաստանի թվային զարգացման նախարարությունը կտրականապես դեմ է ՏՏ ոլորտի մասնագետների տեղաշարժի ցանկացած սահմանափակման, գրում է ՏԱՍՍ-ը՝ վկայակոչելով նախարարության հաղորդագրությունը։
«Ռուսաստանի թվային զարգացման նախարարությունը չի սատարում ցանկացած օրենսդրական սահմանափկում, որոնք կապված են ՏՏ ոլորտի կադրերի տեղաշարժի և աշխատանքի տեղավորման հետ։ Այդպիսի միջոցները կարող են հանգեցնել մասնագետների արտահոսքի և ապակառուցողական ազդեցություն ունենալ ոլորտի վրա», - ասված է հաղորդագրությունում։
Նախարարությունն ընդգծել է, որ ռուս մասնագետները բարձր են գնահատվում համաշխարհային ՏՏ շուկայում։ «Մենք նրանց համար պետք է արժանի մրցակցային աշխատանքային պայմաններ ստեղծենք և չդժվարացնենք նրանց տեղաշարժը կամ օտարերկրյա ընկերություններում աշխատանքի տեղավորվելը, - հավելել է նախարարությունը։
Նորա Վանյան
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)