18:35 - 06 ապրիլի, 2022
ՌԴ-ում պնդում են, թե Ուկրաինայում «Բուչայի սցենարով նոր սադրանքներ» են նախապատրաստվում
Լուսանկարը՝ Reuters-ի
ՌԴ Պաշտպանության ազգային կառավարման կենտրոնի ղեկավար, գեներալ-գնդապետ Միխայիլ Միզինցևը պնդում է, որ Ուկրաինան ավարտել է Կոնոտոպում, Տրոստյանեցում, Բորոդյանկայում և Կատյուժանկայում քաղաքացիական բնակչության մասնակցությամբ նոր սադրանքների նախապատրաստումը «Բուչինի սցենարով»։ Այս մասին հաղորդում է «РИА Новости»-ն։
«Ներկայումս ավարտվել է Սումիի շրջանի Կոնոտոպ և Տրոստյանեց քաղաքներում, ինչպես նաև Կիևի շրջանի Բորոդյանկայում և Կատյուժանկայում քաղաքացիական բնակչության ներգրավմամբ նման սադրանքների նախապատրաստումը»,- ասել է նա։
Միզինցևի խոսքով «Կիևը ևս մեկ սադրիչ նյութեր է նախապատրաստում՝ խաղաղ բնակիչների մահվան մասին, իբր ռուսական բանակի գործողությունների հետևանքով»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)