Ուկրաինայի վարչապետ Դենիս Շմիգալը եվրոպական երկրներին կոչ է արել դադարեցնելու ռուսական նավթն ու գազը գնելը։
«Դրանք արյունոտ փողեր են»,- ասել է Շմիգալը BBC-ին տված հարցազրույցում։
«Նրանք այդ գումարով գնում են զենք, որով սպանում են ուկրաինացիներին։ Ռուսական բյուջեն ահաբեկչության բյուջե է՝ ընդդեմ ոչ միայն Ուկրաինայի, այլև ողջ քաղաքակիրթ աշխարհի»,- ասել է Ուկրաինայի վարչապետը։
Նա նաև նշել է, որ ռուսական զորքերի վայրագությունները «ցեղասպանության փորձ են»։
