Ռուսաստանի նախագահ Վլադիմիր Պուտինը վստահություն է հայտնել, որ, շնորհիվ Ռուսաստանի, Դոնբասում խաղաղություն կհաստատվի, գրում է ՏԱՍՍ-ը։
«Այդպես էլ լինելու է», – ասել է նա։
Ռուսաստանի նախագահը նշել է, որ իր երկիրը գործելու է հետևողականորեն և «հասնելու է մի իրավիճակի, որի ժամանակ Դոնբասում կյանքն աստիճանաբար կարգավորվելու է»։
«Հենց այն ողբերգությունը, որը տեղի էր ունենում Դոնբասում, այդ թվում՝ Լուգանսկի Ժողովրդական Հանրապետությունում, Ռուսաստանին ստիպել է, ուղղակի պարտադրել է սկսել այս ռազմական գործողությունը, որի մասին այսօր բոլոր շատ լավ գիտեն», – հավելել է նա։
«Նախևառաջ, այս գործողության նպատակը հենց այն մարդկանց օգնելն է, որոնք Դոնբասում են ապրում, մեր մարդկանց, որոնք ապրում են Դոնբասում», – ընդգծել է Պուտինը։
Նորա Վանյան
