«Գազպրոմ»

«Գազպրոմը» առաջիկա ձմռանը մեկ միլիարդ խորանարդ մետր գազ կառաքի Ադրբեջան
 |azatutyun.am|

«Գազպրոմը» առաջիկա ձմռանը մեկ միլիարդ խորանարդ մետր գազ կառաքի Ադրբեջան |azatutyun.am|

azatutyun.am: «Ռուսաստանն առաջիկա ձմռանը շուրջ մեկ միլիարդ խորանարդ մետր բնական գազ կառաքի Ադրբեջան», - այսօր տեղեկացրել է «Գազպրոմ» ընկերությունը՝ հաղորդելով, որ Ադրբեջանի պետական նավթային ընկերության՝ SOCAR-ի հետ համապատասխան պայմանագիրը կնքվել է նոյեմբերի 15-ին։ «Վառելիքի մատակարարումները կիրականացվեն 2021-ին Մոսկվայի և Բաքվի միջև գազի սեզոնային փոխանակումների վերաբերյալ կնքված համաձայնագրի հիման վրա։ Առաքումները կիրականացվեն մինչև 2023 թվականի մարտ», - հաղորդում է «Գազպրոմը»։ Ադրբեջանը ռուսական գազի ներկրումից հրաժարվել էր 2006 թվականին՝ «Շահ Դենիզ» հանքավայրի շահագործման մեկնարկից հետո։ 2010-ից 2014 թվականներին արդեն Ադրբեջանն էր իր տարածքում արդյունահանված գազը մատակարարում ռուսական շուկա։ «Գազպրոմից» սահմանափակ քանակությամբ գազի գնումները Ադրբեջանը վերսկսել էր 2017-18 թվականներին։
17:46 - 18 նոյեմբերի, 2022
«Գազպրոմն» ու Իրանի ազգային նավթային ընկերությունը ռազմավարական համագործակցության հուշագիր են ստորագրել
 |factor.am|

«Գազպրոմն» ու Իրանի ազգային նավթային ընկերությունը ռազմավարական համագործակցության հուշագիր են ստորագրել |factor.am|

factor.am: Ռուսական «Գազպրոմն» ու Իրանի ազգային նավթային ընկերությունը Թեհրանում նավթային համագործակցության հուշագիր են ստորագրել, գրում է Ռիա Նովոստին՝ վկայակոչելով իրանական Tasnim գործակալությանը։ Նշվում է, որ իրանական ընկերության ղեկավարը այս  հուշագիրն անվանել է Իրանի նավթարդյունաբերության պատմության մեջ ամենախոշոր  օտարերկրյա ներդրումը։ Իրանական Shana գործակալությունն էլ հայտնում է, որ Ռուսաստանի և Իրանի նավթային երկու ընկերությունների միջև կնքված պայմանագրի գումարը կազմում է 40 միլիարդ դոլար։ Նշվում է նաև, որ հուշագիրը նախատեսում է իրանական Քիշ կղզում գազային հանքավայրերի մշակում, իրանական նավթային «Հյուսիսային Ֆարս» հանքավայրի զարգացում, ինչպես նաև 6 այլ նավթահանքերի շահագործում։ 
14:40 - 19 հուլիսի, 2022
«Գազպրոմ»-ն Ավստրիայի, Գերմանիայի և Իտալիայի էներգետիկ ընկերություններին ծանուցել է գազի մակատակարարման կրճատման մասին

«Գազպրոմ»-ն Ավստրիայի, Գերմանիայի և Իտալիայի էներգետիկ ընկերություններին ծանուցել է գազի մակատակարարման կրճատման մասին

Ավստրիայի OMV, Իտալիայի Eni, Գերմանիայի Uniper ընկերությունները հունիսի 15-ին ծանուցում են ստացել ռուսական «Գազպրոմ» ընկերությունից՝ գազի մատակարարման ծավալների կրճատման մասին, գրում է Meduza-ն։ Eni ընկերությունը ծանուցվել է մատակարարումների 15% կրճատման մասին, Uniper-ը՝ 25%։ OMV-ն չի հաղորդել, թե որքանով են կրճատվելու մատակարարումները, սակայն, ինչպես և Uniper-ը, նշել է, որ կարող է փոխարինել դրանք այլ աղբյուրների հաշվին։ Հունիսի 14-ին «Գազպրոմը» հայտնել էր, որ 40%-ով կրճատելու է գազի հոսքը «Հյուսիսային հոսք-1» գազատարով։ Ընկերությունը նշել էր, որ պատճառը Վիբորգի «Պորտովայա» կոմպրեսորային կայանի սարքավորումների վերադարձի ուշացումն է, որոնք վերանորոգման էին ուղարկվել։ Գերմանիայի էներգետիկայի նախարար Ռոբերտ Հաբեկը ԵՄ-ին մատակարարվող գազի կրճատման մասին «Գազպրոմի» որոշումը քաղաքական է անվանել։ Նրա խոսքով՝ այդ կերպ Ռուսաստանը փորձում է ապակայունացնել եվրոպական գազային շուկան և բարձրացնել գները։ Հունիսի 14-16-ը գազի գներն Ամստերդամի բորսայում 97 եվրոյից հասել են գրեթե 130 եվրոյի՝ մեկ ՄՎտ/ժ-ի դիմաց։ Ինչպես նշել է ՌԲԿ-ն, OMV, Eni և Uniper էներգետիկ ընկերություններն ավելի վաղ համաձայնել էին ռուսական գազի դիմաց վճառման նոր սխեմային, որի համաձայն՝ պետք է ռուսական «Գազպրոմբանկում» երկու հաշիվ բացել՝ ռուբլով և դոլարով/եվրոյով։   Նորա Վանյան Հետևե՛ք մեզ նաև Telegram-ում
18:04 - 16 հունիսի, 2022
«Գազպրոմը» դադարեցրել է գազի մատակարարումը նիդերլանդական GasTerra ընկերությանը

«Գազպրոմը» դադարեցրել է գազի մատակարարումը նիդերլանդական GasTerra ընկերությանը

«Գազպրոմը» հաստատել է գազի մատակարարման լիարժեք դադարեցումը նիդերլանդական GasTerra գազային ընկերությանը՝ ռուբլով վճարումներ չկատարելու պատճառով։ Այս մասին ասված է հոլդինգի հաղորդագրությունում, գրում է ՏԱՍՍ-ը։ «Մայիսի 30-ի աշխատանքային օրվա ավարտի դրությամբ՝ «Գազպրոմ էքսպորտը» GasTerra B.V ընկերությունից չի ստացել ապրիլին մատակարարված գազի դիմաց վճարը»։ Իսկ երեկ «Գազպրոմ էքսպորտը» հաղորդել էր, որ մայիսի 31-ից դադարեցնում է ռուսական գազի մատակարարումը նշված ընկերությանը։ Ավելի վաղ GasTerra-ն հայտարարել էր, որ որոշել է չկատարել մատակարարված գազի համար ռուսական ռուբլով վճարելու մասին «Գազպրոմի» պահանջը։ Ընկերությունն իր որոշումը բացատրել էր նրանով, որ նոր սխեմայով վճարումները կարող են հանգեցնել Ռուսաստանի դեմ ԵՄ սահմանած պատժամիջոցների խախտման։ Ռուսաստանի Դաշնային մաքսային ծառայության տվյալներով՝ 2021 թ-ին ՌԴ-ն Նիդերլանդներ է արտահանել շուրջ 6,67 մլրդ կուբամետր գազ, որն այդ երկրի գազի պահանջարկի 16%-ն է կազմում։   Նորա Վանյան
16:23 - 31 մայիսի, 2022
Գերմանիայի իշխանությունները հայտարարել են, որ ռուսական գազի դիմաց ռուբլով չեն վճարելու |shantnews.am|

Գերմանիայի իշխանությունները հայտարարել են, որ ռուսական գազի դիմաց ռուբլով չեն վճարելու |shantnews.am|

shantnews.am: Գերմանիայի ֆինանսների նախարար Քրիստիան Լինդները հայտարարել է, որ Գերմանիան չի պատրաստվում ռուսական գազի դիմաց ռուբլով վճարել։ Այս մասին TASS-ի հաղորդմամբ նա գրել է Twitter-ում։ «Մենք առաջիկայում էլ ռուսական գազի դիմաց ռուբլով չենք վճարի։ Մենք ձեռնարկում ենք հնարավոր ամեն ինչ, որպեսզի էներգակիրների մատակարարման հարցում Ռուսաստանից անկախանանք»,- ասել է Լինդները։ Ապրիլի 26-ին «Գազպրոմ» ընկերությունը Լեհաստանի և Բուլղարիայի ներմուծող ընկերություններին հայտնել էր, որ ապրիլի 27-ից դադարեցնում է մատակարարումները գազի դիմաց ռուսական ռուբլով վճարումներ կատարելուց հրաժարվելու պատճառով։ Գերմանիայի իշխանությունները այս որոշման վերաբերյալ անհանգստություն էին հայտնել և չէին բացառել, որ հնարավոր է մատակարարումները գերմանիա նույնպես դադարեցվեն։ ՌԴ նախագահ Վլադիմիր Պուտինը մարտի 31-ին ստորագրել է հրամանագիր , համաձայն որի ապրիլի 1-ից ռուսական գազի մատակարարման դիմաց վճարումների կարգը փոխվել է , այսպես կոչված, ոչ բարեկամ երկրների համար: Այդ երկները պետք է արտարժույթով վճարումներ կատարեն «Գազպրոմբանկ»-ին, որն իր հերթին  այդ գումարով բորսայում պետք է ռուբլի գնի և փոխանցի արտահանող կազմնակերպություններին։ Ռուսաստանը պարտավորվում է գազի մատակարարումները կատարել այն արժեքով և ծավալներով, որոնք ամրագրված են ավելի վաղ կնքված պայմանագրերով։
17:56 - 30 ապրիլի, 2022
Հայաստանի համար գազի արտոնյալ գնագոյացումը պահպանվելու է․ Գոնչար

Հայաստանի համար գազի արտոնյալ գնագոյացումը պահպանվելու է․ Գոնչար

Հայաստանի համար գազի արտոնյալ գնագոյացումը պահպանվելու է, ասել է Ռուսաստանի ԱԳՆ ԱՊՀ չորրորդ դեպարտամենտի տնօրեն Դենիս Գոնչարը ՌԻԱ Նովոստիին տված հարցազրույցում։ Նա նշել է, որ Նիկոլ Փաշինյանի Մոսկվա կատարած այցի շրջանակում փաստաթղթերի մեծ փաթեթ է ստորագրվել, այդ թվում՝ էներգետիկ, իրավապահ, սոցիալ-աշխատանքային և հումանիտար ոլորտներում։ Համապատասխան ռուսական և հայկական գերատեսչություններն արդեն սկսել են իրականացնել ձեռք բերված պայմանավորվածությունները։ «Պայմանավորվածություն կա՝ մեր հայ ընկերների համար պահպանելու գազի արտոնյալ գնագոյացումը։ «Գազպրոմ Արմենիան» ապահովում է կապույտ վառելիքի երկրի պահանջարկի 80%-ը։ Հանրապետության տնտեսությունում «Գազպրոմի» գծով ներդրումների ծավալը գերազանցում է 800 մլն դոլարը», - ասել է Գոնչարը։ Անդրադառնալով Հայկական ատոմակայանի հարցին, նա նշել է, որ «Ռոսատոմ» ռուսական պետական կորպորացիայի գծով աջակցություն է ցուցաբերվում՝ հաշվի առնելով Հայկական ԱԷԿ-ի շահագործման ժամկետի երկարաձգման անհրաժեշտությունը։ «Հաջողությամբ ավարտվել է ԱԷԿ-ի երկրորդ էներգաբլոկի արդիականացումը, թույլտվություն է ստացվել շահագործելու կայանը մինչև 2026 թ-ը», - ասել է նա։ Դենիս Գոնչարը նշել է, նաև, որ Փաշինյանի այցի շրջանակում պայմանավորվածություն է ձեռք բերվել այն մասին, որ մի շարք ռուսական ընկերություններ մասնակցելու են տրանսպորտի, մասնավորապես՝ Երևանի մետրոպոլիտենի արդիականացմանը։   Նորա Վանյան  
16:30 - 25 ապրիլի, 2022