Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Ձկնամթերքով բեռնված մեքենաները չեն կարողանում հատել վրացական մաքսակետը |hetq.am|

hetq.am: Պաղեցված ձկնամթերքով բեռնված հայկական մեքենաները մնացել են Լարսի անցակետի վրացական սահմանին. մաքսային ծառայության աշխատակիցները թույլ չեն տալիս մեքենաներին հատել վրացական սահմանը: Ձկնարտադրող ընկերությունները «Հետք»-ին ահազանգեցին, որ արդեն 6 օր է` վրացիներն արհեստականորեն ձգձգում են ձկնամթերքով բարձած իրենց մեքենաների ելքը Վրաստանից: Արդեն 6-րդ օրն է` սահմանը չի կարողանում հատել «Վանկա ռիթեյլ գրուպ» ընկերության արտադրության պաղեցված ձուկը: Ընկերության բեռնափոխադրումն իրականացող «Դանովիչ» ՍՊԸ-ի սեփականատեր Կարապետ Մկրտչյանը պատմեց, որ սպասում են, թե երբ թույլ կտան ձկնամթերքով բեռնված իրենց մեքենաներին հատել վրացական սահմանը, սակայն ոչ ձևակերպումներ են անում, ոչ էլ պատճառաբանում են չձեւակերպելը: Այս պահին մեկ մեքենա կանգնած է Լարսի անցակետում, իսկ ընկերության երկրորդ մեքենային ուղղորդել են դեպի Թբիլիսիի Գեզի մաքսային տերմինալ: «Վարորդներն ում մոտենում են, ասում են` սպասեք: Բայց ձուկը ժամկետ ունի, 9 օրից պիտի A կետից B կետ հասնի, եթե չէ, հետ ենք բերելու` և՛ մենք ենք տուժելու և՛ արտահանողը, չգիտենք՝ ինչ ենք անելու: Հետաքրքիրն այն է, որ Կազբեկը բարձրացել, իջել են, որ մտնեն վրացու անցակետ, էնտեղից են հետ ուղարկում: Եթե պիտի Գեզի ուղարկեին, թող Սադախլոյից ուղարկեին, ինչի՞ են հասցրել Կազբեկ, հետո հետ ուղարկում: Մեքենաները վառելիք են ծախսել, կայանատեղիների գումարները վճարել են, հասել են Կազբեկ, էնտեղից հետ են դարձրել»,-պատմեց Կարապետ Մկրտչյանը: Բեռնափոխադրող ընկերության տնօրենը մանրամասնեց, որ եթե ձկնամթերքով բեռնված մեքենաները վերադառնան, թե՛ ինքը, թե՛ ձկնարտադրողը լուրջ վնասներ կկրեն. վարորդին պետք է աշխատավարձ վճարել, մեքենաներից յուրաքանչյուրը 500 լ դիզվառելիք է ծախսել, գումարած օրական 70 լ սառնարանն է դիզվառելիք սպառում: Միայն այն փաստը, որ բեռնափոխադրումը տեղի չի ունեցել, նշանակում է, որ ընկերությունը գումար չի աշխատել: Ձկնամթերքի տերն էլ մյուս կողմից է տուժում: Յուրաքանչյուր մեքենայում բեռնված է 22 տ ձուկ, իսկ վերադարձված բեռը ժամկետանց և փչացած է լինում: «Լիդեր ֆուդ» ՍՊԸ-ի տնօրեն Արթուր Ոսկանյանի 15 տոննա պաղեցված ձկնամթերքը 3-րդ օրն է` նույնպես չի կարող հատել վրացական սահմանը: Սադախլոյի անցակետում ամբողջ բեռն անցել է ռենտգեն զննում, ինչպես միշտ, հասել է Կազբեկի անցակետ, որտեղից էլ պետք է անցներ Լարսի ռուսական մաքսակետը: «Ձևակերպումներն արել են, ասել են` գնացեք կրկին ռենտգեն զննում անցեք 20 կմ հեռու գտնվող կետում: Վարորդն ասել է` արդեն ունեմ ռենտգենն արած, ասել են` գնա մի հատ էլ արա: Գնացել է վարորդը, երկու օր պահել են, ռենտգեն չեն արել: Վարորդը մոտեցել է, շատ կոպիտ պատասխաններ են տալիս: Երեկ գիշեր նոր ստացվել է անցնել երկրորդ ռետգենը, այն էլ՝ մենք մեր վրացի գործընկերներին ենք խնդրել, որ հետաքրքրվեն, թեժ գծերին զանգել են, փորձել են օգնել, որ փչացող բեռ է` թույլ տան անցնի, բայց ոչ մի պատճառ չեն ասում, թե ինչու են նման կերպ վարվում: Եթե պատճառ լինի, կիմանանք ինչ անել: ՀԻմա էլ ասել են՝ գնա Թբիլիսիի Գեզի տերմինալ»,- պատմում է Արթուր Ոսկանյանը: Վերջինս նշում է, որ 5 տարի է` նույն ձուկն են արտահանում, սակայն երբևէ նման իրավիճակի չեն բախվել: Միտումնավոր ձգձգումներն անորոշ վիճակ են ստեղծել, «Գեզի» տերմինալում էլ հերթեր են գոյացել, իսկ բեռը փչացող է, արդեն 8-րդ օրն է` ձկնամթերքը բարձվել է, մինչդեռ նման պայմաններում պահպանման ժամկետն ընդամենը 18 օր է։ Եթե մի քանի օր էլ ձգձգվի, այն այլևս պիտանի չի լինի: «Հայաստանի ձկնաբույծների միություն» ՀԿ-ի տնօրեն Գոռ Գրիգորյանը մեզ հետ զրույցում պատմեց, որ հայ ձկնաբույծներն այսօր հավաքվել, փորձել են լուծումներ գտնել, դիմել են Էկոնոմիկայի նախարարություն, սակայն ոչ մի առարկայական պատասխան կամ պարզաբանում չեն ստացել: Այժմ փորձեր են անում Վրաստանում Հայաստանի դեսպանության միջոցով պարզել պատճառները:

18:02 - 26 հունիսի, 2025