Բաբկեն Թունյան

8-րդ գումարման ԱԺ պատգամավոր՝ «Քաղաքացիական պայմանագիր» խմբակցությունից։

Ծնվել է 1980թ. սեպտեմբերի 6-ին Երեւանում։

2001թ. ավարտել է ԵՊՀ տնտեսագիտության ֆակուլտետը: 2003թ.՝ նույն ֆակուլտետի մագիստրատուրան: Տնտեսագիտության մագիստրոս։ 2007թ.՝ Լոնդոնի տնտեսագիտության դպրոցի (LSE) «Տնտեսագիտություն եւ հանրային կառավարում» երեքամսյա դասընթացը:

Մասնակցել է մի շարք վերապատրաստման դասընթացների՝ Կոնֆլիկտաբանություն եւ բանակցություններ (2006թ., Մարդկային զարգացման միջազգային կենտրոն, Երեւան), Թրեյնինգ՝ թրեյներների (դասախոսների) համար (2006թ., Լոնդոն), աշխատանքային պրակտիկա «BBC Parliament» հեռուստաալիքում (2007թ., Լոնդոն), Ընտրական պրոցեսներ, մամուլի ազատություն, Հայաստան-ԵՄ հարաբերություններ (2011թ., Փարիզ, Ստրասբուրգ), International Visitor Leadership ծրագիր (2011թ., ԱՄՆ)։

1998-1999թթ. եղել է Հայկական Կարմիր խաչի ընկերության փախստականների եւ միգրացիայի բաժին պետի օգնական: 2000-2002թթ.՝ Բնական ակտիվ նյութեր արտադրողների եւ արտահանողների հասարակական կազմակերպության նախագահի օգնական: 2005-2018թթ. աշխատել է «168 ժամ» թերթի եւ 168.am կայքի տնտեսական մեկնաբան, տնտեսական խմբագիր։ 2005-2006թթ.՝ «ԹիՎի 5» հեռուստաալիքի մարզական լուրերի թարգմանիչ եւ խմբագիր: 2007-2009թթ.՝ «3 Միլիոն» ամսագրի գլխավոր խմբագիր: 2009 -2012թթ.՝ «ԲԵ-ՎԻՏ» ընկերության հիմնադիր տնօրեն:

2015թ. հիմնադրել եւ մինչեւ 14.01.2019թ. ղեկավարել է B4B.am տեղեկատվական-վերլուծական հարթակը։

2019-2021թթ.՝ ԱԺ պատգամավոր («Իմ քայլը» կուսակցությունների դաշինք, համապետական ընտրական ցուցակ): ԱԺ տնտեսական հարցերի մշտական հանձնաժողովի նախագահ: «Իմ քայլը» խմբակցության անդամ:

2021թ. հունիսի 20-ին ԱԺ պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով:

ԱԺ-ում ներկայացված նախագծով նախատեսվում է ֆիզիկական անձնանց եկամուտների հայտարարագրերի ներկայացման վերջնաժամկետը հետաձգել․ Բաբկեն Թունյան

ՀՀ ազգային ժողովում ներկայացված նախագծով նախատեսվում է ֆիզիկական անձնանց եկամուտների հայտարարագրերի ներկայացման վերջնաժամկետը հետաձգել։ Այս մասին ֆեյսբուքյան գրառմամբ հայտնել է ԱԺ «քաղաքացիական պայմանագիր» կուսակցության պատգամավոր Բաբկեն Թունյանը․«Շրջանառության մեջ եմ դրել նախագիծ, որով նախատեսվում է ֆիզիկական անձնանց եկամուտների հայտարարագրերի ներկայացման վերջնաժամկետը հետաձգել։ Մասնավորապես, մայիսի 1-փոխարեն. այս տարի լրացնողները (2024 թվականի եկամուտների համար) հայտարարագիր կարող են ներկայացնել մինչեւ նոյեմբերի 1-ը։ հաջորդ տարի լրացնողները (2025 թվականի եկամուտների համար) հայտարարագիր կարող են ներկայացնել մարտի 2-ից մինչեւ նոյեմբերի 1-ը։ Հաջորդ տարիների համար հայտարարագրի ներկայացման ժամկետ կսահմանվի մարտի 2-ից մինչեւ հուլիսի 1-ը։ Հաշվի առնելով թեմայի հնչեղությունն ու վերջնաժամկետների հետ կապված հարցերը՝ տեղեկացնեմ, որ նախագիծը արտահերթ նիստով եւ արագացված ընթացակարգով կընդունենք մինչև այս ամսվա վերջ։ Մնացածը մանրամասները կներկայացնենք նիստի ընթացքում», - նշված է հայտարարությունում։

20:50 - 08 ապրիլի, 2025

Ազգային ժողովը ընդունեց պետական տուրքը խաղային ոլորտի համար կրկնապատկելու նախագիծը

Ազգային ժողովը երկրորդ ընթերցմամբ և ամբողջությամբ ընդունեց պետական տուրքը խաղային ոլորտի համար կրկնապատկելու նախագիծը 58 կողմ, 2 դեմ, 17 ձեռնպահ ձայներով: ԱԺ «Քաղաքացիական պայմանագիր» խմբակցության պատգամավոր Հայկ Սարգսյանը նախագիծը ներկայացնելիս նշել է, որ ֆինանսական բեռի բարձրացումը ձևակերպվել է այնպես, որ այն ամեն տարի բարձրանա, որ լուծվի խաղային օպերատորի հարցը: Վերջինիս միջոցով սահմանափակվելու է քաղաքացիների՝ կազինո խաղալու հնարավորությունը, որոշ սոցիալական խմբերի և պետական ծառայողների համար ընդհանրապես արգելվելու է։ ՀՀ ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանի խոսքով՝ հանձնաժողովի նիստում փոխվել է նախագիծը, մասնավորապես՝ հարկային փոփոխության փոխարեն պետական տուրքի տարբերակով կլինի. «Ի սկզբանե նախատեսվող հարկային բեռի չափը նվազերցրել ենք մի քանի անգամ: Ինչի համար. անկախ ամեն ինչից, անկախ ոլորտի առանձնահատկությունից՝ հարկը պիտի լինի տրամաբանական, և չի կարող հարկը ավբելի մեծ լինել, քան եկամուտը, որ ստանում են ընկերությունները»: Թունյանը հույս է հայտնել, որ կկարողանան առաջիկայում արագ կյանքի կոչել կարգավորումները, մասնավորապես՝ խաղային օպերատորի ներդրումը. «Խաղային օպերատորը ոչ միայն թույլ է տալու ամբողջական պատկերացում կազմել խաղային ոլորտւի իրական շարժերի մասին, այլև թույլ է տալու նույնականացնել այն խմբերին, որոնց նկատմամբ պետք է որոշակի սահմանափակումներ գործեն, լինեն դրանք սոցիալապես անապահով մարդիկ, պետական ծառայողներ, զինծառայողներ: Մենք հիմա չենք կարող բուքմեյքերական ընկերություններին էդ ամբողջ ինֆորմացիան տալ, պետք է լինի միջանկյալ օղակ»: Ֆինանսների նախարարի տեղակալ Արման Պողոսյանն էլ հայտնել է, որ կառավարության առաջարկով խաղային ոլորտի համար բեռի բարձրացումը կիրականացվի պետական տուրքի դրույքաչափերի շարունակական բարձրացման տրամաբանությամբ: «Պետական տուրքը նախատեսված է խաղադրույք ընդունելու իրավունք ձեռք բերելու քվոտավորման տրամաբանությամբ: Կառավարության առաջարկն է, որ անմիջապես ապրիլի 1-ից երկու անգամ բարձրացվի պետական տուրքը, այնուհետև յուրաքանչյուր տարվա սկզբից աճը լինի շարունակական յուրաքանչյուր այս պահին գործող պետական տուրքի չափով, մինչև ստեղծվի խաղային ոլորտի մոնիթորինգային կենտրոնը, և կներդրվի օպերատորի ինստիտուտը»,- ասել է Պողոսյանը:

11:51 - 06 մարտի, 2025

Պետական տուրքը շարունակաբար տարեկան 2 անգամ կբարձրանա խաղային ոլորտի համար մինչ օպերատորի ներդրումը

Երկու անգամ կավելանան օնլայն կազինոների և բուքմեյքերական գործունեության տուրքերը: Այս մասին «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագիծը երկրորդ ընթերցմամբ ընդունելու համար ներկայացրեց նախագծի հեղինակ, ԱԺ «Քաղաքացիական պայմանագիր» խմբակցության պատգամավոր Հայկ Սարգսյանը: «Ֆինանսական բեռի բարձրացումը ձևակերպվել է այնպես, որ այն ամեն տարի բարձրանա, որ լուծվի խաղային օպերատորի հարցը: Վերջինիս միջոցով սահմանափակվելու է քաղաքացիների՝ կազինո խաղալու հնարավորությունը, որոշ սոցիալական խմբերի և պետական ծառայողների համար ընդհանրապես արգելվելու է»,- ասաց Հայկ Սարգսյանը: Հարակից զեկուցմամբ հանդես եկավ ՀՀ ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը՝ հայտնելով, որ հանձնաժողովի նիստում փոխվել է նախագիծը, մասնավորապես՝ հարկային փոփոխության փոխարեն պետական տուրքի տարբերակով կլինի. «Ի սկզբանե նախատեսվող հարկային բեռի չափը նվազերցրել ենք մի քանի անգամ: Ինչի համար. անկախ ամեն ինչից, անկախ ոլորտի առանձնահատկությունից՝ հարկը պիտի լինի տրամաբանական, և չի կարող հարկը ավբելի մեծ լինել, քան եկամուտը, որ ստանում են ընկերությունները»: Թունյանը հույս հայտնեց, որ կկարողանան առաջիկայում արագ կյանքի կոչել կարգավորումները, մասնավորապես՝ խաղային օպերատորի ներդրումը. «Խաղային օպերատորը ոչ միայն թույլ է տալու ամբողջական պատկերացում կազմել խաղային ոլորտւի իրական շարժերի մասին, այլև թույլ է տալու նույնականացնել այն խմբերին, որոնց նկատմամբ պետք է որոշակի սահմանափակումներ գործեն, լինեն դրանք սոցիալապես անապահով մարդիկ, պետական ծառայողներ, զինծառայողներ: Մենք հիմա չենք կարող բուքմեյքերական ընկերություններին էդ ամբողջ ինֆորմացիան տալ, պետք է լինի միջանկյալ օղակ»: Պատգամավորն ընդգծեց, որ կարգավորումները պետք է լինեն այնպիսի, որ ոլորտը չունենա գերշահույթներ, մյուս կողմից չպետք է լինեն այնքան խիստ, որ մարդիկ ֆինանսական հոսքերը տեղափոխեն կասկածելի օտարերկրյա կայքեր և ավելի մեծ վնաս տան: «Նախագիծը այս տեսքով մեզ համար ընդունելի է: Այս նախագիծը լուծում է ոչ թե խաղամոլության չտարածման խնդիր, այլ արդարացի հարկման խնդիր: Խաղամոլության տարածման խնդիրը լուծում են այլ նախագծեր»,- ասաց Թունյանը՝ հորդորելով կողմ քվեարկել նախագծին: Ֆինանսների նախարարի տեղակալ Արման Պողոսյանն էլ հայտնեց, որ կառավարության առաջարկով խաղային ոլորտի համար բեռի բարձրացումը կիրականացվի պետական տուրքի դրույքաչափերի շարունակական բարձրացման տրամաբանությամբ: «Պետական տուրքը նախատեսված է խաղադրույք ընդունելու իրավունք ձեռք բերելու քվոտավորման տրամաբանությամբ: Կառավարության առաջարկն է, որ անմիջապես ապրիլի 1-ից երկու անգամ բարձրացվի պետական տուրքը, այնուհետև յուրաքանչյուր տարվա սկզբից աճը լինի շարունակական յուրաքանչյուր այս պահին գործող պետական տուրքի չափով, մինչև ստեղծվի խաղային ոլորտի մոնիթորինգային կենտրոնը, և կներդրվի օպերատորի ինստիտուտը»,- ասաց Պողոսյանը:

10:31 - 06 մարտի, 2025

Առաջարկում ենք՝ մասնավոր ընկերությունների թողարկած արժեթղթերից ստացված եկամուտը ևս 3 տարի եկամտային հարկով չհարկվի. Թունյան |1lurer.am|

1lurer.am: Խորհրդարանը քննարկում է ԱԺ պատգամավոր Բաբկեն Թունյանի ներկայացրած՝ «Հայաստանի Հանրապետության հարկային օրենսգրքում փոփոխություններ կատարելու մասին» և «Հայաստանի Հանրապետության 2020 թվականի հունվարի 24-ի ՀՕ-82-Ն հարկային օրենսգրքում լրացումներ և փոփոխություն կատարելու մասին» օրենքում փոփոխություն կատարելու մասին օրենքների նախագծերի փաթեթն առաջին ընթերցմամբ ընդունելու մասին հարցը: Հակիրճ ներկայացնելով նախագծի բովանդակությունը՝ Թունյանը հիշեցրեց՝ 2020-ին իր պատգամավոր գործընկերների՝ Արտակ Մանուկյանի և Վարազդատ Կարապետյանի հետ ցուցաբերել են օրենսդրական նախաձեռնություն և մասնավոր ընկերությունների կողմից թողարկվող արժեթղթերից ստացվող եկամուտներն ազատել եկամտային հարկից, ինչպես պետական պարտատոմսերի դեպքում է: Նպատակը կապիտալի շուկան զարգացնելն էր և խթանելը: Նրա խոսքով՝ արտոնությունը ընդունվել էր ժամանակավոր՝ 4 տարի ժամկետով և լրացել է 2024-ի դեկտեմբերի 31-ին: «Այս ընթացքում շուկայում տեղի են ունեցել զգալի փոփոխություններ, թողարկվող թղթերի ծավալը բազմապատկվել է, աճել անգամներով: Այն, որ այս արտոնությունը սրանում դեր է խաղացել, միանշանակ է: Դրա մասին վկայում է այն փաստը, որ ներկայումս շատ ընկերություններ մինչև այդ արտոնության ավարտվելը դիմում էին մեզ և հարցնում՝ արդյոք արտոնությունը երկարացվելու է, թե ոչ, որպեսզի պլանավորեն՝ հետագայում իրենք թողարկումներ անեն, թե չէ: Այժմ մենք առաջարկում ենք, որպեսզի ևս երեք տարի արտոնյալ ժամանակահատված սահմանենք, և մասնավոր ընկերությունների կողմից թողարկված արժեթղթերից ստացված եկամուտը ևս երեք տարի եկամտային հարկով չհարկվի: Սա է փոփոխության նպատակը: Նպատակ ունենք նաև հետադարձ բարելավող ուժ տալ, այսինքն՝ սա կտարածվի հունվարի 1-ից հետո թողարկումների վրա: Սա լավ առիթ է, որ մեզ լսող ընկերությունների ներկայացուցիչները նաև իրենց համար որոշակի կանխատեսելիություն ունենան»,- պարզաբանեց պատգամավորը: Նախագծի ընդունման արդյունքում ակնկալվում է հստակեցնել Հայաստանի Հանրապետությունում գործող ֆոնդային բորսայում ցուցակված բաժնետոմսերից, պարտատոմսերից կամ ներդրումը վկայող այլ արժեթղթերից ստացվող եկամուտների հարկման նպատակով Հարկային օրենսգրքով սահմանված գործող արտոնությունների ժամկետները: Բաբկեն Թունյանը հորդորեց գործընկերներին կողմ քվեարկել:

12:11 - 05 մարտի, 2025

Ոչ թե շրջանառության հարկ ենք կիրառում, այլ կրկնապատկում ենք պետական տուրքը խաղային ոլորտի համար. Բաբկեն Թունյան

Ֆինանսների նախարարությունը և Պետական եկամուտների կոմիտեն դեմ են նախագծի այս տարբերակին, որովհետև սա նշանակում է, որ ոլորտին ասում ենք՝ փակվեք: Այս մասին «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագիծը հարակից զեկուցմամբ ներկայացնելիս ասաց ՀՀ ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը: Նշենք, որ նախագծով առաջարկվում է 10% շրջանառության հարկ սահմանել շահումով խաղերի և բուքմեյքերական գործունեության ոլորտի համար: Առաջարկվել է երկրորդ ընթերցմամբ ձևակերպել և շարժվել տուրքը բարձրացնելու տրամաբանությամբ, որը, ըստ նախագծի հեղինակ, Հայկ Սարգսյանի, համարժեք է շրջանառության հարկին: Թունյանը, արձագանքելով ԱԺ ՔՊ պատգամավոր Հայկ Սարգսյանին, ասաց, որ համաձայն չէ նրա այն պնդման հետ, որ անցած 5 տարիներին իրականացված քայլերը որևէ արդյունք չեն տվել: Սարգսյանը նախագիծը ներկայացնելիս հայտնել էր, որ վերջին 5 տարվա ընթացքում ոլորտը կարգավորելուն ուղղված օրենսդրական փոփոխությունները, որոնք նպատակ ունեին սահմանափակել և կրճատել ծավալները «այնքան էլ չեն ծառայել նպատակներին»: Թունյանը նշեց, որ եթե նախորդ տարիներին խաղադրույքների ծավալի առումով եղել է կրկնակի, եռակի աճ, ապա 2023թ.-ին եղել է 10 տոկոս աճ: «Կա հարկային բեռների համեմատման ընդունված չափանիշ: Որպեսզի հասկանան՝ ոլորտը շատ, թե քիչ է հարկվում, ոչ թե խաղադրույքների ծավալի համեմատ են հաշվում հարկի չափը, այլ շահումների և խաղադրույքների տարբերության... Նշված ցուցանիշով 2022թ. ոլորտի հարկը 16.6% է կազմել, 2023-ին՝ 19%, 2024թ. 34%-ից ավելի: Այս փոփոխությամբ ցուցանիշը կազմելու է մոտ 45-50%, ինչը աշխարհում ամենաբարձր հարկային շեմերից մեկն է»,- ասաց Թունյանը: Սարգսյանը որպես տվյալ ներկայացրել էր ոլորտի շրջանառության ծավալները և հարկերի հարաբերակցությունը: Ըստ այդ տվյալների, նրա խոսքով, շրջանառության ծավալում հարկերի տեսակարար կշիռը նվազել է (2010-ին հարկերի հարաբերակցությունը եղել է 7.2 տոկոս, իսկ 2023-ին՝ 0.4 տոկոս): Թունյանը ներկայացրեց, որ ոլորտը կարգավորելու համար լավագույն տարբերակը խաղային օպերատորի ներդրումն է: ՀՀ վարչապետ Նիկոլ Փաշինյանի հետ նախագծի վերաբերյալ հանդիպման արդյունքների մասին խոսելիս Թունյանը նշեց երեք կետ, որոնք պայմանավորվել են. «Առաջին՝ ոչ թե շրջանառության հարկ ենք կիրառելու, այլ գործող պետական տուրքը ամեն լրացուցիչ խմբաքանակ խաղադրույքների դեպքում կրկնապատկում ենք, այսինքն՝ պետական տուրքը խաղային ոլորտի համար կրկնապատկում ենք: Երկրորդ՝ մինչև խաղային օպերատորի մուտք գործելը տուրքը ամեն տարի ավելանալու է: Երրորդը՝ որոշել ենք, որ փոփոխությունն արագ մտնի ուժի մեջ: Դրա համար 24 ժամանոց ռեժիմ ենք սահմանել (երկրորդ ընթերցմամբ քննարկումը տեղի է ունենալու այսօր)»:

11:44 - 04 մարտի, 2025

Առաջարկվում է մասնավոր պարտատոմսերը երեք տարի ժամկետով ազատել եկամտային հարկի վճարումից |1lurer.am|

1lurer.am: Կապիտալի շուկայի զարգացման նպատակով դեռևս 2020 թվականին ընդունված օրենքով մասնավոր ընկերությունների կողմից թողարկված արժեթղթերը, դրանցից ստացված եկամուտն ազատվում էր եկամտային հարկից: Այդ արտոնության ժամկետ էր սահմանված 2024 թվականի դեկտեմբերի 31-ը: ՀՀ ԱԺ պատգամավոր Բաբկեն Թունյանն առաջարկում է այդ արտոնությունը երկարաձգել ևս երեք տարով: Հարցը քննարկվել է ԱԺ տնտեսական հարցերի մշտական հանձնաժողովի նիստում: Այդ փոփոխություններն առաջարկվում են Հարկային օրենսգրքում և «Հայաստանի Հանրապետության 2020 թվականի հունվարի 24-ի ՀՕ-82-Ն հարկային օրենսգրքում լրացումներ և փոփոխություն կատարելու մասին» օրենքում: Տնտեսական հարցերի մշտական հանձնաժողովի նախագահի տեղակալ Բաբկեն Թունյանը պարզաբանել է, որ երեք տարի ժամկետով մասնավոր պարտատոմսերը կազատվեն եկամտային հարկի վճարումից, և այդ դրույթը կտարածվի 2025 թվականի հունվարի մեկից հետո ծագած հարաբերությունների վրա: Այսինքն՝ նախագիծն ունի հետադարձ բարելավող դրույթ: Կառավարությունը կողմ է այս տարբերակով խնդրի լուծմանը: Այս մասին հայտնել է ՀՀ ֆինանսների փոխնախարար Արման Պողոսյանը և հավելել, որ առանձին դրույթներ դեռևս կքննարկվեն առաջինից երկրորդ ընթերցում ընկած ժամանակահատվածում: Ըստ նրա՝ նպատակն է ունենալ կանխատեսելի միջավայր ներդրումային քաղաքակիրթ գործիքների լայն շրջանակով կիրառության համար և միևնույն ժամանակ ունենալ հարկման հավասար կանոններ այն իմաստով, որ միմյանց այլընտրանք համարվող ֆինանսական գործիքներից ստացվող միատեսակ եկամուտները հարկվեն միատեսակ կանոններով: Բաբկեն Թունյանը տեղեկացրել է, որ ոլորտի ընկերությունների կողմից կան բազմաթիվ առաջարկներ: Առաջինից երկրորդ ընթերցում կկազմակերպվի աշխատանքային քննարկում և կարվեն անհրաժեշտ շտկումները: Հարցն արժանացել է հանձնաժողովի դրական եզրակացությանը:

14:23 - 26 փետրվարի, 2025

Եթե ժամանակին կրթությանն ու գիտությանը պատշաճ ուշադրություն դարձվեր, այսօր լրիվ այլ որակի երկիր ու տնտեսություն կունենայինք. Թունյան |1lurer.am|

1lurer.am: 2025 թվականի բյուջեի մասին նախագծի քննարկման ժամանակ ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանն անդրադարձավ ընդդիմության քննադատություններին՝ կապված պետական պարտքի հետ՝ դրանք որակելով «թվային մանիպուլյացիաներ»: «Օրինակ՝ ես հիմա կարող եմ մի թիվ հնչեցնել, որը բացարձակ ճշմարտություն է: Օրինակ՝ կարող եմ ասել, որ 2021 թվականի օգոստոսից սկսած՝ «Հայաստան» խմբակցության բոլոր պատգամավորները միասին մինչ օրս ստացել են 550 միլիոն դրամ աշխատավարձ՝ գումարային, ու սկսեինք դատողություններ անել: Իմաստը ո՞րն է: Բա պետք է ստանայիք այդ աշխատավարձը: Դնեի ասեի՝ իսկ դուք պատկերացնո՞ւմ եք 550 միլիոն դրամով քանի դպրոց կարելի էր վերանորոգել: Մարդիկ ձեզ ընտրել են, պատգամավոր եք աշխատում, իսկ թե ոնց եք աշխատում, դա մենք չենք դատելու»,- ասաց Թունյանը: Նրա խոսքով՝ ընդդիմությունը մեղադրում է իշխանությանը, թե ամեն մի մարդու վրա պարտքի բեռ է դրվել, ապա պարզաբանեց՝ պետական պարտքը կուտակային ցուցանիշ է՝ պաշար: «Պետական պարտքը ցույց է տալիս այդ պահին եղած պարտքի չափը: Այս 12 միլիարդ դոլարը, որ դուք նշում եք, մենք չենք զրոյից սարքել 12 միլիարդ դոլար: 2018 թվականին արդեն պետական պարտքը այդ գումարի կեսն էր: Ասում եք՝ 6 տարում պետական պարտքը երկուսուկես անգամ աճել է: Շատ հետաքրքիր է՝ ոնց եք այդ հաշվարկը արել: 2018-ին պետական պարտքը եղել է 3,3 տրիլիոն դրամ, այս տարվա վերջին կանխատեսվում է, որ կլինի 5 տրիլիոն դրամ: Աճել է 1,5 անգամ կամ 50 տոկոսով: Դուք գիտեք, որ այդ պարտքը աճել է 2020 թվականի իրադարձությունների հետևանքով՝ եղել է պատերազմ, քովիդ, կարիք է եղել պարտք ավելացնել, նույնկերպ, ինչպես 2009 թվականի ճգնաժամից հետո ՀՀ պետական պարտքը ոչ թե տոկոսներով, այլ անգամներով աճեց»,- պարզաբանեց Թունյանը: Պատասխանելով ընդդիմադիր պատգամավոր Արծվիկ Մինասյանի քննադատությանը, թե իշխանությունը պարտքի հաշվին դպրոց ու մանկապարտեզ է կառուցում, հակադարձեց՝ արդյո՞ք դրանով վատ բան է ասում իշխանության հասցեին: «Իմ կարծիքով՝ շատ լավ բան եք ասում: Բա դպրոցից ու մանկապարտեզից ավելի կարևոր ներդրում կա՞ ապագայի մեջ: Եթե ժամանակին կրթությանն ու գիտությանը պատշաճ ուշադրություն դարձվեր, այսօր լրիվ այլ որակի երկիր ու տնտեսություն կունենայինք: Ասում եք՝ իսկ ո՞ւր են այդ գումարները, ինչի՞ վրա են ծախսվել: Ինչի վրա որ ծախսվել են ներգրավված միջոցները, կարող եք տեսնել ճանապարհների որակի, ենթակառուցվածքների, մնացածի մեջ, իսկ թե ինչի վրա է ծախսվել մինչև 2018-ը ներգրավված վարկային միջոցների մի զգալի մասը, եթե տեղը ուզում եք, կարող եք բացել ապօրինի գույքի քննվող գործերը և կտեսնեք՝ դրանք ուր են»,- հավելեց պատգամավորը: Ինչ վերաբերում է տնտեսական աճին վերաբերող քննադատությանը, պարզաբանեց՝ Կառավարության ծրագիրը վերաբերում է 2021-2026 թվականներին, և այդ ժամանակահատվածի համար մեր միջին տնտեսական աճը կազմում է ավելի քան 7 տոկոս: «Այսինքն՝ այն, ինչ մենք խոստացել ենք»,- ավելացրեց ԱԺ տնտեսական հարցերի մշտական հանձնաժողովի նախագահի տեղակալը: Ինչ վերաբերում է ԱՆԻՖ-ի հետ կապված քննադատությանը, ասաց՝ տարբերությունը նախկինի ու ներկայի միջև այն է, որ հենց իրենք են բարձրացնում այդ հարցերը: «ԱՆԻՖ-ի հետ կապված այդ գործողությունները մեզ համար են անընդունելի: Չի եկել մեզնից հետո ուրիշ իշխանություն ու բացահայտել, թե ինչ է կատարվում»,- հավելեց Բաբկեն Թունյանը:

11:17 - 14 նոյեմբերի, 2024

Այս պահին նման հարց չունենք մեր օրակարգում. Թունյանը՝ Ադրբեջանից գազ գնելու հավանականության մասին

Հայաստանն այս պահին Ադրբեջանից գազ գնելու հարց չունի իր օրակարգում, ռուսական գազը և իրանական գազը Հայաստանի տնտեսության պահանջարկն ամբողջությամբ բավարարում են: Այս մասին ասաց ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը լրագրողների հետ զրույցում: «Իմ ունեցած տեղեկություններով՝ ոչ մի նախնական պայմանավորվածություն չկա: Նման քննարկումներ չեն եղել: Բայց, եթե կա որևէ երկիր, որը գազ է վաճառում, և կա երկիր, որը գազի կարիք ունի, և, եթե չկա դրա համար խոչընդոտ, ապա ամեն բան քննարկելի է: Բայց այս պահին որևէ պայմանավորվածություն կամ նախնական ինչ-որ համաձայնություն չկա»,-ասաց Թունյանը: Ըստ պատգամավորի՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը. պետք է գնի այնտեղից, որտեղ ամենաէժանն է, որտեղ ամենաշահավետն է: Անդրադառնալով հնարավոր վտանգների վերաբերյալ հարցին՝ Թունյանը պատասխանեց. «էներգակիրների հետ կապված վտանգներ առաջանում են այն ժամանակ, երբ քո էներգետիկ անվտանգությունը ցածր մակարդակի վրա է, և քո աղբյուրը մեկն է: Ինչքան կարողանում ես քո մատակարարման աղբյուրները դիվերսիֆիկացնել, այնքան նշանակում է, որ քո էներգետիկ անվտանգության մակարդակը ավելի ես բարձրացնում»: Հայաստանը միշտ մտածել է էներգետիկ անվտանգության աղբյուրները դիվերսիֆիկացնելու մասին: Պատգամավորը, որպես դրա վկայություն, հիշեցրեց, որ ժամանակին կառուցվել է նաև Իրան-Հայաստան գազամուղը: Թունյանը կարծում է, որ Հայաստանը պետք է փորձի մաքսիմալ դիվերսիֆիկացնել իր հնարավորությունները: Պատգամավորը միևնույն ժամանակ ընդգծեց. «Այս պահին ռուսական գազը և իրանական գազը մեր տնտեսության պահանջարկն ամբողջությամբ բավարարում են»: Այսպիսով, պատգամավորը վստահեցնում է, որ Ադրբեջանից գազ գնելու հարց Հայաստանն իր օրակարգում չունի: «Նման բան պայմանավորվելու համար մենք նախ պետք է ունենանք կարգավորված հարաբերություններ, որոշակի շփումներ, գործնական առնչություններ, որ հետո այդպիսի հարց քննարկենք, այն էլ այն ժամանակ, եթե դրա անհրաժեշտություն լինի»,–ասաց նա: Ավելի վաղ Ադրբեջանի նախագահ Իլհամ Ալիևը չէր բացառել, որ Հայաստանը կարող է գազ ձեռք բերել Ադրբեջանից: Հայաստանի ԱԺ նախագահ Ալեն Սիմոնյանը լրագրողների հետ զրույցում հայտնել էր, որ շատ դրական է վերաբերվում դրան, կարծում է, որ Հայաստանը պետք է քննարկի այդ հարցը, բայց նման քննարկումներ չկան:

14:52 - 26 ապրիլի, 2024

Առաջարկվում է մեքենայի գույքահարկը տեխզննման պահին վճարել ոչ թե ամբողջական, այլ մասնակի. նախագիծ ներկայացվեց ԱԺ լիագումար նիստի քննարկման |tert.am|

tert.am: Առաջարկվում է «ՀՀ հարկային օրենսգրքում» փոփոխություն անել, որով ավտոմեքենաների տարեկան գույքահարկը կվճարվի տեխզննման պահին ոչ թե ամբողջական, այլ տվյալ պահի դրությամբ առկա պարտքի չափով։ Համապատասխան նախագիծը ներկայացրեց ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանը։ Նրա խոսքով՝ այսօր, երբ քաղաքացին մեքենան տանում է տեխզննման, համակարգը ստուգում է՝ տվյալ մեքենայի հետ կապված քաղաքացին հարկային պարտավորություններ ունի, թե ոչ, և եթե տվյալ տարվա գույքահարկը քաղաքացին չի վճարել, ապա օրենքով նա պարտավոր է վճարել այն ամբողջովին։ «Այսինքն՝ օրենքի այս դրույթը, որ ժամանակին գույքահարկը կապվել է տեխզննման հետ, հասկանալի է` ժամանակին ինչ հիմնավորումներ է ունեցել, որովհետև սա եղել է գործիք, որի միջոցով պետությունը կարողացել է ապահովել գույքահարկի հավաքագրումը։ Բայց իմ և համահեղինակ պարոն Զեյնալյանի կարծիքով՝ արդարացի կլինի, եթե քաղաքացին վճարի այդ պահին ունեցած պարտավորությունը կամ նախորդ տարիների պարտքը։ Բայց եթե քաղաքացին մինչև դեկտեմբերի 1-ը ժամանակ ունի գույքահարկը վճարելու ու հունվարին կամ փետրվարին տանում է մեքենան տեխզննման, ապա կարծում եմ, որ պետք չէ նրան ստիպել ժամկետից շուտ վճարել իր հարկային պարտավորությունները», - նշեց Թունյանը՝ հավելելով, որ իրենք առաջարկում են օրենքի մեջ ընթացիկ տարվա փոխարեն տվյալ դրույթը շարադրել այնպես, որ խոսքը վերաբերի միայն նախորդ տարիների հարկային պարտավորություններին։ «Սա մեր քաղաքացիներին կազատի բազմաթիվ գլխացավանքներից, քանի որ դեպքեր են լինում, երբ քաղաքացին ամբողջ տարվա գույքահարկը վճարում է տարվա սկզբին, ապա այդ մեքենան վաճառում է ու ընկնում բազմաթիվ թղթաբանությունների մեջ, որպեսզի իր ավել վճարած գումարը փոխհատուցեն, կամ ինչ-որ այլ մեխանիզմներով դա հաշվի առնվի», - հավելեց պատգամավորը։ Նա տեղեկացրեց, որ օրենքի փոփոխություններն ընդունելու դեպքում այն ուժի մեջ կմտնի 2025 թ. հունվարի 1-ից։ «ՀՀ հարկային օրենսգրքում» փոփոխություններ կատարելու մասին այս նախագիծը դրական եզրակացությամբ ներկայացվեց ԱԺ լիագումար նիստի քննարկման։ Ընդդիմադիր պատգամավորներից ոչ մեկը նիստին ներկա չէր։

14:12 - 26 ապրիլի, 2024

2023 թ. տնտեսությունն աճել է 8,7 տոկոսով. Բաբկեն Թունյան |hetq.am|

hetq.am: 2023 թ․-ին տնտեսությունն աճել է 8,7 տոկոսով, ինչը բավականին բարձր ցուցանիշ է: Վերջին երեք տարվա ընթացքում Հայաստանի տնտեսության իրական աճը կազմել է 29,5 տոկոս, միջին տարեկան աճը եղել է 9,8 տոկոս, ինչը մեր առջեւ դրված թիրախից բարձր է: Այս մասին ասել է ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը` անդրադառնալով հաշվետու տարվա տնտեսական զարգացումներին եւ գրանցված ցուցանիշներին: «Ազգային ժողովն ապրիլի 11-ի նիստում շարունակվել է ՀՀ կառավարության ծրագրի (2021-2026 թթ.) 2023 թվականի կատարման ընթացքի եւ արդյունքների մասին զեկույցի քննարկումը: Բաբկեն Թունյանի ներկայացմամբ անցյալ տարվա տվյալներով տնտեսության աճ է գրանցվել գրեթե բոլոր ոլորտներում, բացառությամբ` գյուղատնտեսության, որտեղ արձանագրվել է թեթեւ անկում: Սակայն, ըստ զեկուցողի, ցուցանիշը որոշ չափով պայմանավորված է վիճակագրական տվյալների թերի լինելով: Մշտապես հնչող քննադատություններին ի պատասխան` Բաբկեն Թունյանը նշել է, որ 2023 թվականի դեկտեմբերին, նախորդ տարվա դեկտեմբերի համեմատ, արձանագրվել է գնանկում` 0,6 տոկոսի չափով, իսկ տարեկան միջին գնաճը կազմել է 2 տոկոս: Նույն ժամանակահատվածում ՀՀ-ում միջին աշխատավարձն աճել է 14,6 տոկոսով. գրանցվել է աշխատավարձերի առաջանցիկ աճ գների նկատմամբ: Արտահանման առաջանցիկ աճ է գրանցվել նաեւ ներմուծման նկատմամբ: Զբոսաշրջության ոլորտում եւս գրանցվել է էական աճ: 2023 թվականին Հայաստան է այցելել ավելի քան 2,3 մլն զբոսաշրջիկ: Աշխատանքի արտադրողականությունը ՀՀ-ում վերջին երեք տարիների ընթացքում աճել է 1,5 անգամ: Գործազրկության մակարդակը կազմել է 12 տոկոս: Պարտք/ՀՆԱ հարաբերակցությունն անցյալ տարվա վերջին կազմել է 48 տոկոս: Անդրադառնալով կապիտալ ծախսերին` զեկուցողը նշել է, որ անցյալ տարի կապիտալ ծախսերի ճշտված պլանը եղել է 516 մլրդ դրամ, կատարողականը` շուրջ 96 տոկոս: «Այսինքն` մենք մի կողմից բարձրացրել ենք կապիտալ ծախսերի շեմը եւ ապահովել նաեւ ավելի բարձր կատարողական, ինչը նշանակում է, որ մեր տնտեսական աճի պոտենցիալը գալիք տարիների համար բավականին ավելացել է»,- մանրամասնել է Բաբկեն Թունյանը` հավելելով, որ անցյալ տարի եղել են ֆորս-մաժորային այնպիսի իրավիճակներ, ինչպիսին էր Լեռնային Ղարաբաղից բռնի տեղահանված շուրջ 100 հազար մեր հայրենակիցների տեղափոխումը Հայաստանի Հանրապետություն: Այս գործընթացը, զեկուցողի ներկայացմամբ, բավականին ծավալուն աշխատանք է պահանջել թե' ֆինանսական եւ թե' ռեսուրսների առումով: Հանձնաժողովի նախագահի տեղակալի գնահատմամբ այս ամենով հանդերձ Հայաստանի տնտեսությունը ցուցադրել է բարձր դիմադրողականություն եւ կարողացել է պատշաճ արձագանքել առկա մարտահրավերներին։ ԱԺ տնտեսական հարցերի մշտական հանձնաժողովը բավականին արդյունավետ է աշխատել Կառավարության հետ, ընդունվել են բազմաթիվ օրենսդրական նախաձեռնություններ, փոփոխություններ, լրացումներ` ուղղված տնտեսական միջավայրի բարելավմանը: Զգալիորեն բարելավվել է հարկեր/ՀՆԱ հարաբերակցությունը: Ի պատասխան պատգամավոր Արթուր Խաչատրյանի դիտարկմանը, թե տնտեսական աճի տեմպերը մեկ երրորդով դանդաղել են` Բաբկեն Թունյանը պատասխանել է. «Մենք ունենք Կառավարության ծրագրով սահմանված թիրախ` առնվազն տարեկան 7 տոկոս տնտեսական աճ եւ մենք համեմատում ենք դրա հետ»: Հանձնաժողովի նախագահի տեղակալն անդրադարձել է նաեւ մասնավոր տրանսֆերտների նվազմանն ու ոսկերչական արտադրատեսակների աճին վերաբերող հարցերին: Նրա ներկայացմամբ անցյալ տարվա վերջից սկսած ՀՀ-ում էականորեն աճել է ոսկյա զարդերի արտադրությունն ու արտահանումը»,- ասված է ԱԺ հաղորդագրության մեջ:

13:34 - 11 ապրիլի, 2024

Սա կառավարության անկեղծ զեկույցը պետք է լիներ, այլ ոչ թե թիթեռնիկների և ոսկե զարդերի նկարներ. Արթուր Խաչատրյան |panorama.am|

panorama.am: «Տնտեսական աճի տեմպերը 1/3-ով դանդաղել են, արդյո՞ք 2023 թվականի զեկույցի մեջ այդ հարցին չպետք է անդրադարձ լիներ»,-ԱԺ տնտեսական հարցերի մշտական հանձնաժողովի փոխնախագահ, ՔՊ-ական Բաբկեն Թունյանին դիմեց «Հայաստան» խմբակցության պատգամավոր Արթուր Խաչատրյանը։ Նա հայտնեց, որ ֆիզիկական անձանց անունով դեպի Հայաստան դրամային զուտ ներհոսքը 2022 թվականի համեմատ ընկել է և նախկին 50 %-ի փոխարեն նախորդ տարի կազմել է՝ 30%, ընթացիկ տարում՝ 20%։Ընդդիմադիր պատգամավորը նաև հարցրեց, թե արդյո՞ք զեկույցում չպետք է ներառվեր այն փաստը, որ 2023 թվականին մեկ ամսում ոսկերչական իրերի արտադրությունը Հայաստանում աճեց 14 անգամ։ ՔՊ-ական պատգամավոր Բաբկեն Թունյանն ասաց, որ տնտեսության ակտիվության անկումը պետք է դիտարկել բազիսային տվյալների վրա և կարելի է, ոչ թե 2022 թվականի բարձր ցուցանիշների հետ համեմատել,այլ՝ 2021 թվականի, իսկ կառավարությունը իր առաջ դրել է 7 % տնտեսական աճի թիրախը, որն էլ իրագործում է։ Թունյանի խոսքով, եթե Խաչատրյանի բոլոր հարցերը 2023 թվականի կառավարության կատարողականի զեկույցում ներառվեր, ապա այն ծավալուն կլիներ և ոչ մեկը չէր կարդա։ Արթուր Խաչատրյանն ասաց, որ տնտեսության մեջ կան լուրջ խնդիրներ և դրանք պետք է ներառվեին հաշվետվության մեջ։ «Դրամի զուտ ներհոսքը նավեզել է, փողը ժամանակին գալիս մնում էր Հայստանում, հիմա գալիս է՝ բարևում ու գնում է»,-ասաց Խաչատրյանը և, նշելով, որ կատավարությունը պետք է այդ խնդիրներին անդրադարձ կատարեր, ինչը չի արել՝ հավելեց, «Սա կառավարության անկեղծ զեկույցը պետք է լիներ, այլ ոչ թե թիթեռնիկների և ոսկե զարդերի նկարներ»։

12:35 - 11 ապրիլի, 2024

Ավտոմեքենաների տեխզննության ժամանակ կարող է պահանջվել վճարել միայն նախորդ տարիների պարտքը. ԱԺ պատգամավորները շրջանառության մեջ են դրել օրենքի նախագիծ

ՀՀ ԱԺ պատգամավորներ Բաբկեն Թունյանն ու Նարեկ Զեյնալյանը շրջանառության մեջ են դրել օրենքի նախագիծ: Ինչպես տեղեկանում ենք Բաբկեն Թունյանի «Ֆեյսբուք»-ի էջում կատարված գրառումից, նախագծի ընդունվելու դեպքում ավտոմեքենաների տեխզննության ժամանակ կպահանջվի վճարել միայն նախորդ տարիների պարտքը՝ հնարավորություն տալով գումարները տնօրինել ըստ հայեցողության՝ մինչև դեկտեմբերի 1-ը։ «Հարկային օրենսգրքով սահմանված է, որ յուրաքանչյուր տարվա գույքահարկը կարելի է վճարել մինչև տվյալ տարվա դեկտեմբերի 1-ը ներառյալ։ Սակայն, միևնույն ժամանակ, օրենսգրքով սահմանված մեկ այլ դրույթ ֆիզիկական անձանց պարտավորեցնում է տեխնիկական զննության ենթակա փոխադրամիջոցների համար փոխադրամիջոցների գույքահարկի գծով հարկային պարտավորություններն ամբողջությամբ կատարել մինչև փոխադրամիջոցները տվյալ հարկային տարվա տեխնիկական զննության ներկայացնելը: Այսինքն, եթե դուք մեքենան տեխզննման եք տանում, օրինակ՝ հունվարին կամ փետրվարին, և գույքահարկի գծով նախորդ տարիներից պարտք չունեք, միևնույն է՝ ստիպված եք լինում վճարել այդ տարվա ամբողջ գույքահարկը»,- նշված է պատգամավորի գրառման մեջ:

12:09 - 07 մարտի, 2024

Խորհրդարանը շարունակել է ՀՀ հանրային ծառայությունները կարգավորող հանձնաժողովի նախագահի ընտրության հարցի քննարկումը

Ազգային ժողովը փետրվարի 29-ի նիստում շարունակել է քննարկել Հայաստանի Հանրապետության հանրային ծառայությունները կարգավորող հանձնաժողովի նախագահի ընտրության հարցը: Կառավարությունն այդ պաշտոնում առաջադրել է Գարեգին Բաղրամյանի թեկնածությունը: ՀՀ ԱԺ «Հայաստան» խմբակցության անունից ելույթ է ունեցել Արծվիկ Մինասյանը: Խմբակցության քարտուղարն անդրադարձել է Սահմանադրական դատարանի դատավորի ընտրության հարցին, որը տեղի է ունեցել երեկ: Հիշեցնենք, որ ՀՀ դատավորների ընդհանուր ժողովը Սահմանադրական դատարանի դատավորի թափուր տեղում ընտրելու համար առաջարկել էր Դավիթ Բալայանի թեկնածությունը: Արծվիկ Մինասյանը քննադատել է իշխող խմբակցությանը, որը չէր մասնակցել գաղտնի քվեարկությանը, ինչի արդյունքում Դավիթ Բալայանը չէր ընտրվել։ ՀՀ ԱԺ «Քաղաքացիական պայմանագիր» խմբակցության անունից ելույթ է ունեցել Բաբկեն Թունյանը: Արձագանքելով Արծվիկ Մինասյանի ելույթին՝ Բաբկեն Թունյանը նշել է, թե երեկ հավանաբար առաջին նախադեպն էր, որ ընդդիմությունն ամբողջ կազմով մասնակցել է ընտրության: Պատգամավորը հստակեցրել է՝ խմբակցությունն օգտվել է իրեն վերապահված իրավունքից, քանի որ համապատասխան օրենքի համաձայն պատգամավորը կարող է ընտրել, չընտրել կամ չմասնակցել ընտրության: «Շատ կարեւոր կառույցի նախագահի ընտրության հարցն է»,- վերադառնալով քննարկվող հարցին՝ ասել է Բաբկեն Թունյանը՝ նշելով, որ սա այն կառույցն է, որի հետ կապված խնդիրներն ու հարցերը բազմաթիվ են, քանի որ առնչվում են բոլոր քաղաքացիներին ամենօրյա գործունեության մեջ: Պատգամավորը տեղեկացրել է, որ ԱԺ տնտեսական հարցերի մշտական հանձնաժողովն արդյունավետ աշխատել է կառույցի հետ, ունեցել բազմաթիվ քննարկումներ: Եզրափակիչ ելույթում Գարեգին Բաղրամյանն անդրադարձել է պատգամավորների հարցադրումներին, տվել պարզաբանումներ:

12:46 - 29 փետրվարի, 2024

Վլադիմիր Զելենսկու այցը Հայաստան անհավանական չեմ համարում. Բաբկեն Թունյան |tert.am|

tert.am: Որպես պատգամավոր և խմբակցության անդամ տեղեկություն չունեմ, ենթադրում եմ, որ խմբակցության մյուս անդամները նույնպես, բայց անհավանական չեմ համարում։ Այս մասին լրագրողների հետ ճեպազրույցի ժամանակ ասաց պատգամավոր Բաբկեն Թունյանը՝ անդրադառնալով Ուկրաինայի նախագահ Վլադիմիր Զելենսկու՝ Հայաստան հնարավոր այցին։ Հարցին՝ այցը վտանգներ չի՞ պարունակի արդյոք, Թունյանը պատասխանեց․ «Ես ինձ դրա մասնագետը չեմ համարում, մտածելու տեղիք կարող է լինել և չլինել։ Դրական կամ բացասական գնահաական չեմ ուզում տալ, ի վերջո Ուկրաինայի նախագահը երկրի ընտրված ղեկավար է և ինչպես մյուս ղեկավարները, եթե հատուկ արգելք չա, կարող է այցելել Հայաստան։ Ամեն ինչի մեջ էլ եթե փնտրում եք, կարող եք հակառուսական երանգ տեսնել»,- ասաց նա։ Անդրադառնալով Նիկոլ Փաշինյանի այն հայտարարությանը, որ Հայաստանի մասնակցությունը ՀԱՊԿ-ին սառեցված է, Թունյանն ասաց․ «Այս պահին վարչապետը նկատի ունի, որ այդ կառույցում մեր ակտիվությունը գրեթե սառեցված է, ինչը գաղտնիք չէ։ Մենք հիմնականում գործողություններին չենք մասնակցում ու կարող ենք ասել, որ ոչ թե Հայաստանն է հեռացել ՀԱՊԿ-ից, այլ ՀԱՊԿ-ն է հեռացել Հայաստանից»։ Հարցին՝ առաջարկե՞լ են արդյոք իրեն զբաղեցնել Էկոնոմիկայի նախարարի պաշտոնը, Թունյանը պատասխանեց, որ նման քննարկում եղել է։ «Ես արտահայտվել եմ, որ ԱԺ-ոմ մեր անելիքները պակաս չեն։ Բայցևայնպես, եթե որոշումն այնպես լիներ, որ ես աշխատեի գործադիրում, կքննարկվեր հարցը»,- ասաց Բաբկեն Թունյանը։

13:05 - 26 փետրվարի, 2024

Առաջարկվում է «Արտակարգ իրավիճակների օդանավակայան» ՓԲԸ-ն հանել մասնավորեցման ցանկից. նախագիծ

Գործադիրը, փոփոխություն կատարելով Պետական գույքի մասնավորեցման 2017-2020 թվականների ծրագրում, առաջարկում է մասնավորեցման ցանկից հանել «Արտակարգ իրավիճակների օդանավակայան» ՓԲԸ-ն: Այս մասին ասել է ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահ Առնակ Ավետիսյանն ԱԺ տնտեսական հարցերի մշտական հանձնաժողովի` հունվարի 31-ի նիստում: Այն վարել է հանձնաժողովի նախագահի տեղակալ Բաբկեն Թունյանը, հայտնում են ԱԺ-ից: Զեկուցողի տեղեկացմամբ վերոնշյալ կազմակերպությունը տասնյակ տարիներ փաստացի գործունեություն չի իրականացրել: Նշվել է, որ 2013 թվականին այն հանվել է մասնավորեցման ցանկից և փոխանցվել ՀՀ արտակարգ իրավիճակների նախարարությանը՝ որոշակի ծրագրեր իրականացնելու նպատակով: Առնակ Ավետիսյանի խոսքով՝ դրանք չեն իրականացվել, և կազմակերպությունը նորից ընդգրկվել է մասնավորեցման ծրագրում: «Մենք այս ընթացքում ինտենսիվ աշխատել ենք կազմակերպության համար ներդրումներ ներգրավելու ուղղությամբ, սակայն, արդյունքում, որևէ առաջարկ չենք ստացել»,- ընդգծել է Կառավարության ներկայացուցիչը և հավելել՝ պաշտպանության նախարարությունը դիմել է Պետական գույքի կառավարման կոմիտե՝ առաջարկելով զինված ուժերի կարիքների համար օգտագործելու նպատակով իրենց հատկացնել կազմակերպության գույքը: Զեկուցողը փաստել է, որ Կառավարության որոշումը կայացվել է, գույքը հանվել է կազմակերպության հաշվեկշռից և դարձել է պետական սեփականություն: Ըստ Առնակ Ավետիսյանի՝ մշակվում է «Պետական գույքի կառավարման մասին» նոր օրենքը, որը թույլ կտա վերացնել իրավական բացերն ու անհամապատասխանությունները. «Փորձում ենք իրականացնել պետական գույքի կառավարման համակարգը և դրա նպատակադրումները փոխելու քաղաքականություն»: ««Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին» օրինագիծն արժանացել է հանձնաժողովի հավանությանը:

17:09 - 31 հունվարի, 2024

Տաքսու վարորդներից 1 մլն դրամ չի գանձվի, նրանք 2-3 տոկոսի չափով տուրք են վճարելու․ Բաբկեն Թունյանը պարզաբանեց |aravot.am|

aravot.am: Տաքսիների վարորդները 1 մլն դրամ տուրք չեն վճարի, այսօր Ազգային ժողովի նիստում ասաց «Քաղաքացիական պայմանագիր» խմբակցության պատգամավոր Բաբկեն Թունյանը՝ անդրադառնալով «Ավտոմոբիլային տրանսպորտի մասին» օրենքի ընդունմանը։ Դրանով որոշակի փոփոխություններ են սահմանված տաքսի ծառայությունների, մասնավորապես, օնլայն տաքսիների համար։ «Այս վերջին 2-3 օրվա ընթացքում ինձ զանգահարել ու գրել են մեր բազմաթիվ գործընկերներ՝ հարցեր ունենալով դրա հետ կապված։ Ինչ-որ թյուրընկալում է եղել, որ մենք յուրաքանչյուր տաքսի շահագործողի համար 1 մլն դրամ տուրք ենք սահմանում։ Ուզում եմ ասել, որ նման բան չկա, 1 մլն դրամ սահմանվում է միայն օպերատորների համար տարեկան մեկ անգամ, իսկ յուրաքանչյուր տաքսի շահագործող ընդամենն իր ամեն պատվերից 2-3 տոկոսի չափով տուրք է վճարելու, որն ավտոմատ գանձվելու է։ Այսինքն՝ այդ 1 մլն դրամ տուրքը մեր տաքսի վարող համաքաղաքացիներին չի վերաբերվում։ Խնդրում եմ այս ինֆորմացիան տեղ հասցնել, եւ իմացեք, որ նման խոսակցություններն իրականության հետ կապ չունեն»,- ասաց Թունյանը։

10:48 - 11 դեկտեմբերի, 2023