Մարիա Զախարովա

ՌԴ ԱԳՆ մամուլի գործող խոսնակ։ Ծնվել է 1975 թվականի հոկտեմբերի 24-ին: Ծնողները եղել են դիվանագետներ: Մանկությունը անցել է Պեկինում, որտեղ աշխատել են հայրը եւ մայրը: Հայրը՝ Վլադիմիր Յուրեւիչ Զախարովը, մասնագիտությամբ արեւելագետ է: Այժմ աշխատում է Տնտեսագիտության բարձրագույն դպրոցում: 1998 թվականին ավարտել է Մոսկվայի պետական համալսարանի Միջազգային հարաբերությունների եւ Ժուռնալիստիկայի ֆակուլտետը՝ արեւելագետի եւ լրագրողի մասնագիտությամբ: Պրակտիկան անցել է Չինաստանում՝ Ռուսաստանի դեսպանատանը: 2003 թվականին պաշտպանել է թեկնածուական դիսերտացիա՝ «Նոր տարվա տոնակատարության ավանդական խորհրդանիշների ձեւափոխումը ժամանակակից Չինաստանում» թեմայով: 1998 թվականից աշխատակցել է ՌԴ ԱԳՆ-ի «Դիվանագիտական տեղեկագիր» ամսագրի խմբագրմանը, ապա նաեւ ՌԴ ԱԳՆ-ի Տեղեկատվության եւ լրատվության վարչությունում:

2003-2005 թվականներին ղեկավարել է ՌԴ ԱԳՆ-ի Տեղեկատվության եւ լրատվության վարչությունը: 2005-2008 թվականներին եղել է Միավորված ազգերի կազմակերպությունում Ռուսաստանի Դաշնության մամուլի քարտուղարի մշտական ներկայացուցիչը: 2008-2011 թվականներին դարձյալ ղեկավարել է Տեղեկատվության եւ լրատվության վարչությունը: 2011-2015 թվականներին վերոնշյալ վարչությունում նշանակվել է ղեկավարի տեղակալ: Նրա պարտականությունների մեջ մտնում էին կազմակերպել եւ անցկացնել պաշտոնական ճեպազրույցներ Ռուսաստանի արտաքին գործերի նախարարությունում, ինչպես նաեւ համակարգել ԱԳՆ-ի աշխատանքները սոցիալական ցանցերում, այդ թվում` Ռուսաստանի Դաշնության արտաքին գործերի նախարար Սերգեյ Լավրովի արտասահմանյան այցերը: ՌԴ ԱԳՆ-ի պաշտոնական խոսնակն է: Հաճախ համեմատվում է Ջեն Պսակիի հետ (ԱՄՆ Պետդեպարտամենտի պաշտոնական ներկայացուցիչը մինչեւ 2015 թվականի մարտի 31-ը): Հեռուսատահաղորդավար Վլադիմիր Սո 2015 թվականի օգոստոսի 10-ին նշանակվում է Ռուսաստանի ԱԳՆ-ի Տեղեկատվության եւ լրատվության վարչության տնօրեն։ Զախարովան պատմության մեջ դարձավ առաջին կինը, ով զբաղեցրեց այս պաշտոնը: Զախարովան շաբաթական մի քանի ճեպազրույցներ է ունենում լրագրողների հետ: Ինքը՝ Զախարովան, նշում է, որ ԱԳՆ-ն ժամանակի հետ համահունչ է քայլում եւ արտասահմանյան փորձն է հաշվի առնում։ Ենթադրվում է, որ աջակցում է «Միասնական Ռուսաստան» կուսակցությանը:

Այդ մասին վկայում է նաեւ այն փաստը, որ 2016 թվականի մարտին դասախոսությամբ հանդես եկավ «Կանդիդատ ֆորում»ում, որն անց էր կացվում սույն կուսակցության կողմից` պետական դումայի ընտրություններից առաջ: Տիրապետում է անգլերեն եւ չինարեն լեզուների: Ունի արտակարգ դեսպանորդ եւ լիազոր նախարարի երկրորդ կարգի դիվանագիտական աստիճան: Ռուսաստանի արտաքին եւ պաշտպանական քաղաքականության խորհրդի անդամ: Գիտական աստիճանը` պատմական գիտությունների թեկնածու:

Մեզ չեն կարող չանհանգստացնել Հայաստանի և Ադրբեջանի սահմանին լարվածության մասին լուրերը. Զախարովա |armenpress.am|

Մեզ չեն կարող չանհանգստացնել Հայաստանի և Ադրբեջանի սահմանին լարվածության մասին լուրերը. Զախարովա |armenpress.am|

armenpress.am: Ռուսաստանի Դաշնության Արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Մոսկվային չեն կարող չանհանգստացնել խաղաղության համաձայնագրի շուրջ առաջընթացի լուրերի ֆոնին հաճախակիացած Հայաստանի և Ադրբեջանի սահմանին  լարվածության մասին լուրերը։ Զախարովան նաև նշել է, որ այդ համատեքստում Մոսկվան հանդես է գալիս Երևանի ու Բաքվի կողմից  անհապաղ եռակողմ պայմանավորվածություններն իրագործելու կոչով։ «Մենք հետևողականորեն կոչ ենք անում կողմերին զսպվածություն ցուցաբերել, խույս տալ էսկալացիայի տանող ցանկացած գործողությունից, ծագող բոլոր հարցերը լուծել բացառապես խաղաղ, քաղաքական-դիվանագիտական ճանապարհով»,- ասել է ռուս պաշտոնյան: Անդրադառնալով Հայաստանի դեմ Ադրբեջանի կողմից հնարավոր ագրեսիայի դեպքում ՀԱՊԿ հնարավոր աջակցության մասին հարցին՝ Մարիա Զախարովան նշել է, որ ՀԱՊԿ շրջանակում  Ռուսաստանի պարտավորությունները Հայաստանի նկատմամբ ուժի մեջ են, բայց ՀՀ կողմից դրա սառեցումը չի նպաստում անվտանգության ամրացմանը։ Զախարովան նաև նշել է, որ Մոսկվան ողջունում է առաջընթացը, որ արձանագրվել է Երևանի ու Բաքվի միջև խաղաղության գործընթացում՝ համաձայնագրի տեքստի շուրջ բանակցությունների ավարտի հետ կապված: «Խաղաղության օրակարգում կան մի շարք կարևոր գլոբալ հարցեր, որոնք լուծման են սպասում, դա ճանապարհային, տնտեսական կապերի ապաշրջափակումն է տարածաշրջանում, դելիմիտացիան և հումանիտար բլոկը։ Հաստատում ենք նաև մեր պատրաստակամությունը բոլոր ուղղություններով աջակցություն ցուցաբերելու մեր գործընկերներին»,- ասել է Զախարովան և ավելացրել, որ ՌԴ արտաքին գործերի նախարարի հատուկ ներկայացուցիչ Իգոր Խովաևը պատրաստ է մեկնել տարածաշրջան` համապատասխան կոնսուլտացիաներ անցկացնելու նպատակով։      
20:51 - 20 մարտի, 2025
Ռուսաստանը ողջունում է Հայաստանի և Ադրբեջանի միջև խաղաղության համաձայնագրի բանակցությունների ավարտը. ՌԴ ԱԳՆ |armenpress.am|

Ռուսաստանը ողջունում է Հայաստանի և Ադրբեջանի միջև խաղաղության համաձայնագրի բանակցությունների ավարտը. ՌԴ ԱԳՆ |armenpress.am|

armenpress.am: Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան ողջունում է Հայաստանի և Ադրբեջանի միջև խաղաղության համաձայնագրի նախագծի շուրջ բանակցությունների ավարտը։  «Աջակցում ենք այս կարևոր քայլին՝ հայ-ադրբեջանական հարաբերությունների համապարփակ կարգավորման ճանապարհին, ինչպես նախատեսված է Ռուսաստանի, Ադրբեջանի և Հայաստանի ղեկավարների 2020-2022 թթ. եռակողմ պայմանավորվածություններով»,- «Արմենպրես»-ի հաղորդմամբ՝ Զախարովայի խոսքերը մեջբերել է ՏԱՍՍ-ը։ ՌԴ ԱԳՆ ներկայացուցիչը նշել է, որ Մոսկվան պատրաստ է հարթակ տրամադրել Ադրբեջանի և Հայաստանի ներկայացուցիչների շփումների համար, ինչը կնպաստի երկկողմ հարաբերությունների կարգավորմանը և խաղաղության պայմանագրի ստորագրմանը։ «Վերահաստատում ենք մեր առաջարկը՝ ռուսական հարթակ տրամադրել Ադրբեջանի եւ Հայաստանի ներկայացուցիչների շփումների համար՝ խաղաղության համաձայնագրի ստորագրման և հայ-ադրբեջանական կարգավորման հարցերի ողջ շրջանակում»,-հավելել է դիվանագետը։ Զախարովան ընդգծել է, որ Մոսկվան նպատակ ունի նպաստել Բաքվի և Երևանի միջև խաղաղության համաձայնագրի ստորագրմանը և տարածաշրջանում տրանսպորտային հաղորդակցությունների ապաշրջափակմանը։  
20:53 - 14 մարտի, 2025
Մոսկվան չի բացառում «մոտ օրերին» ԱՄՆ ներկայացուցիչների հետ շփումները |azatutyun.am|

Մոսկվան չի բացառում «մոտ օրերին» ԱՄՆ ներկայացուցիչների հետ շփումները |azatutyun.am|

azatutyun.am: Ռուսական կողմը չի բացառում առաջիկա մի քանի օրվա ընթացքում շփումները ԱՄՆ ներկայացուցիչների հետ, ռուսական պետական ՏԱՍՍ գործակալությանն ասել է Ռուսաստանի արտգործնախարարության պաշտոնական ներկայացուցիչ Մարիա Զախարովան՝ առանց օրը հստակեցնելու։ «Մենք չենք բացառում առաջիկա մի քանի օրվա ընթացքում ԱՄՆ ներկայացուցիչների հետ շփումները», - ասել է Զախարովան։ ԱՄՆ նախագահ Դոնալդ Թրամփը մարտի 11-ին Ջիդդայում տեղի ունեցած բանակցություններից հետո հայտարարեց, որ ԱՄՆ պատվիրակներն Ուկրաինայի հարցով «այսօր կամ վաղը» կհանդիպեն Ռուսաստանի ներկայացուցիչների հետ։ Bloomberg-ը, CBS-ը, Fox News-ը և Axios-ը, վկայակոչելով իրենց աղբյուրները, հայտնեցին, որ այս շաբաթ նախատեսվում է Մերձավոր Արևելքի հարցերով Թրամփի հատուկ բանագնաց Սթիվ Ուիթքոֆի այցը Ռուսաստան։ Դոնալդ Թրամփն էլ, ըստ Reuters-ի, հույս է հայտնել, որ այս շաբաթ կխոսի Պուտինի հետ։ ԱՄՆ պետքարտուղար Մարկո Ռուբիոն նշել է, թե «գնդակն այժմ Ռուսաստանի դաշտում է»։ Սաուդյան Արաբիայում տեղի ունեցած բանակցություններից հետո Վաշինգտոնն ու Կիևը համատեղ հայտարարեցին, որ Ուկրաինան համաձայնել է ընդունել անհապաղ 30-օրյա հրադադարի մասին ԱՄՆ-ի առաջարկը և քայլեր ձեռնարկել Ռուսաստանի ներխուժումից հետո կայուն խաղաղության վերականգնման ուղղությամբ։ Ի պատասխան՝ Վաշինգտոնը խոստացել է Կիևին անհապաղ վերացնել հետախուզական տվյալների փոխանակման արգելքը և վերականգնել ռազմական օգնությունը։
09:34 - 12 մարտի, 2025
Մոսկվան ակնկալում է, որ Բաքվի հետ համատեղ ջանքերով կողմերը կգան փոխադարձ ընդունելի լուծման. Զախարովա|1lurer.am|

Մոսկվան ակնկալում է, որ Բաքվի հետ համատեղ ջանքերով կողմերը կգան փոխադարձ ընդունելի լուծման. Զախարովա|1lurer.am|

1lurer.am: Ռուսաստանը կապի մեջ է Ադրբեջանի հետ՝ այդ երկրում России сегодня միջազգային մեդիախմբի մաս կազմող Sputnik գործակալության ներկայացուցչությունը փակելու հարցով: Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: «Ադրբեջանցի գործընկերներին տեղեկացրել ենք մեր դիրքորոշումը մեզ համար կարևոր այս հարցի վերաբերյալ։ Կարծում եմ՝ այն պակաս կարևոր չէ նաև Բաքվի համար։ Սպասում ենք կառուցողական արձագանքի»,- հինգշաբթի ճեպազրույցի ժամանակ ասել է Զախարովան։ Նրա խոսքով՝ Մոսկվան ակնկալում է, որ Բաքվի հետ համատեղ ջանքերով կողմերը կգան փոխադարձ ընդունելի լուծման։ «Հիմք ենք ընդունում այն, որ մեր գործընկերներն իրենց հետագա քայլերում կառաջնորդվեն Ռուսաստանի և Ադրբեջանի միջև հարաբերությունների դաշնակցային բնույթով և զերծ կմնան մեր երկրների ու ժողովուրդների միջև երկկողմ և բազմակողմ հարաբերություններին վնաս պատճառելուց»,- նշել է ՌԴ ԱԳՆ պաշտոնական ներկայացուցիչը։
19:09 - 27 փետրվարի, 2025
ՀՀ իշխանությունների խնդիրն է հանրությանը տեղյակ պահել ԵՄ-ին անդամակցության գործընթացի հետևանքների մասին. Զախարովա |1lurer.am|

ՀՀ իշխանությունների խնդիրն է հանրությանը տեղյակ պահել ԵՄ-ին անդամակցության գործընթացի հետևանքների մասին. Զախարովա |1lurer.am|

1lurer.am: Նորմատիվ-իրավական բազան և տարիֆային համակարգերը, որոնց հիման վրա կառուցվում է փոխգործակցությունը ԵԱՏՄ-ի և ԵՄ-ի շրջանակներում, կրում են փոխադարձաբար բացառող բնույթ: Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ ճեպազրույցի ժամանակ անդրադառնալով ՀՀ ԱԺ-ի կողմից «ԵՄ-ին ՀՀ անդամակցելու գործընթացի մեկնարկի մասին» օրենքի նախագծի առաջին ընթերցմամբ ընդունմանը: Նրա խոսքով՝ Հայասատնի իշխանությունների խնդիրն ու պատասխանատվությունն է այդ մասին տեղյակ պահել հանրությանը, ինչպես նաև ներկայացնել այդ քայլի բոլոր հետևանքները և «լինել անկեղծ»: Զախարովայի խոսքով՝ բացի գործընթացի նրբությունները բացահայտելուց, ՀՀ իշխանությունները պետք է խոսեն նաև այլ երկրների՝ Եվրամիությանն անդամակցելու գործընթացում ունեցած փորձի մասին:
16:29 - 14 փետրվարի, 2025
Երբեք չէի սպասի, որ Հայաստանում դրան այլ կերպ կվերաբերվեն. Զախարովան՝ ցեղասպանության վերաբերյալ Փաշինյանի խոսքերի մասին
 |news.am|

Երբեք չէի սպասի, որ Հայաստանում դրան այլ կերպ կվերաբերվեն. Զախարովան՝ ցեղասպանության վերաբերյալ Փաշինյանի խոսքերի մասին |news.am|

news.am: Այսօր՝ փետրվարի 6-ին, ճեպազրույցում ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Հայոց ցեղասպանության վերաբերյալ ՀՀ վարչապետ Նիկոլ Փաշինյանի վերջին սկանդալային հայտարարությունները։ «Գիտեք, անկեղծ խոսենք, ես իսկապես երբեք չէի սպասում, որ այս հարցին կվերաբերվեն այլ կերպ, քան թե՛ Հայաստանի պետության, թե՛ Հայաստանի ժողովրդի, թե՛ հայերի՝ որպես էթնիկ խմբի պատմականորեն հաստատված բացարձակ կոնսենսուսային դիրքորոշումը։ Երբեք չէի մտածի, որ տարիներ շարունակ տառապանքով ձեռք բերված, ձևավորված այս համախմբված դիրքորոշումը բուն հայ հասարակության ներսից կենթարկվի ինչ-որ փոփոխության։ Դե, տեսեք, թե ինչ հայտարարություններ ենք մենք լսում վերջին շրջանում։ Խոսքս հիմա Դավոսի հայտարարությունների մասին է։ Բայց դարձյալ ասեմ, այս հարցը մեզ չպետք է ուղղվեր:  Մեր երկիրը, մեր դիրքորոշումը ձևակերպված է Պետդումայի համապատասխան հայտարարության մեջ, որը պարբերաբար առաջ ենք քաշում, որը դուք գիտեք, մենք այն մեջբերում ենք»,- նշել է Մարիա Զախարովան։ Նա հավելել է, որ իրեն թույլ է տալիս անձնական գնահատական ​​տալ Դավոսում հնչած մեջբերումների վերաբերյալ: ՌԴ ԱԳՆ պաշտոնական ներկայացուցիչը շեշտել է, որ այդ հարցում Մոսկվայի դիրքորոշումը ձևակերպված է և փոփոխության չի ենթարկվել:
20:52 - 06 փետրվարի, 2025
Մոսկվան ակնկալում է Բաքվում «Ռուսական տան» հետ կապված հարցի դրական լուծում. Զախարովա
 |1lurer.am|

Մոսկվան ակնկալում է Բաքվում «Ռուսական տան» հետ կապված հարցի դրական լուծում. Զախարովա |1lurer.am|

1lurer.am: Մոսկվան ակնկալում է, որ Ադրբեջանի մայրաքաղաքում «Ռուսական տան» հետ կապված հարցը դրական լուծում կստանա՝ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։ Նա խոսել է նաև Մոսկվայի արձագանքի մասին՝ «Ռուսական տան» գործունեության դադարեցման վերաբերյալ Բաքվից ստացված ծանուցմանը։ «Ռուսական կողմը պատրաստակամություն է հայտնել իրականացնել անհրաժեշտ գործողությունները՝ «Ռուսական տան» գրանցումն ավարտելու համար և դա անել Ադրբեջանի օրենսդրության համաձայն՝ երկկողմ միջկառավարական համաձայնագրի հիման վրա»,- ասել է Զախարովան։ Հիշեցնենք՝ Ադրբեջանը ՌԴ-ից պահանջել է դադարեցնել Ռուսական տան աշխատանքը Բաքվում, կազմակերպությունը պետք է մեկուկես ամսվա ընթացքում ազատի վարձակալած տարածքները։
19:33 - 06 փետրվարի, 2025
Եռակողմ պայմանավորվածությունների իրագործումը կնպաստի  Երևանի և Բաքվի միջև երկխոսության մթնոլորտին․ Զախարովա |armenpress.am|

Եռակողմ պայմանավորվածությունների իրագործումը կնպաստի  Երևանի և Բաքվի միջև երկխոսության մթնոլորտին․ Զախարովա |armenpress.am|

armenpress.am: Ռուսաստանը հաստատում է իր պատրաստակամությունը Ռուսաստանի, Հայաստանի ու Ադրբեջանի առաջնորդների միջև  եռակողմ պրոցեսի շրջանակներում ձեռք բերված պայմանավորվածությունների իրականացմանը նպաստելու համար։  «Արմենպրես»-ի թղթակցի փոխանցմամբ՝ այս մասին հունվարի 23-ին կայացած ամենշաբաթյա մամուլի ասուլիսի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Բաքվում  մարդու իրավունքների կոպիտ խախտումներով  ընթացող հայ գերիների   շինծու դատավարությանը վերաբերող հարցը։   «Եթե խոսենք հայ֊ադրբեջանական հակամարտության մասին ընդհանրապես, որը երկար տարիներ չի դադարեցվել` չնայած տարբեր փորձերին, ապա այն հանգեցրել է մեծ  խնդիրների, այդ թվում` ահռելի հումանիտար խնդիրների Երևանի և Բաքվի միջև։ Եվ հենց Ռուսաստանի, Հայաստանի ու Ադրբեջանի առաջնորդների միջև  եռակողմ պրոցեսի շրջանակներում ձեռք են բերվել պայմանավորվածություններ, այդ թվում` հումանիտար խնդիրների լուծման անհրաժեշտության վերաբերյալ։ 2022 թվականի հոկտեմբերի 31-ի հայտարարությունում ասվում է, որ «Կողմերը համաձայնել են գործադրել լրացուցիչ ջանքեր` ուղղված մնացած խնդիրների լուծմանը` ներառյալ հումանիտար հարցերի բլոկը»»,- ասել է ՌԴ ԱԳ պաշտոական ներկայացուցիչը՝ համոզմունք հայտնելով, որ եռակողմ պայամանավորվածությունների իրագործումը կնպաստի վստահության,   Երևանի եւ Բաքվի միջև երկխոսության մթնոլորտին։  
20:38 - 23 հունվարի, 2025
ԵԱՏՄ ու ԵՄ–ի անհամատեղելիության մասին Օվերչուկի հայտարարությունը հիմնված է իրականության ըմբռնման վրա. Զախարովա |armenpress.am|

ԵԱՏՄ ու ԵՄ–ի անհամատեղելիության մասին Օվերչուկի հայտարարությունը հիմնված է իրականության ըմբռնման վրա. Զախարովա |armenpress.am|

armenpress.am: Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան անդրադարձել է հարցին, թե արդյոք Հայաստանի արտաքին գործերի նախարար Արարատ Միրզոյանի՝ Մոսկվա կատարած  այցից հետո շարունակում է ուժի մեջ մնալ Ռուսաստանի փոխվարչապետ Ալեքսեյ Օվերչուկի այն հայտարարությունը, թե ՀՀ կառավարության կողմից ԵՄ–ին անդամակցելու գործընթաց սկսելու նախագծին հավանություն տալը ԵԱՏՄ–ից ՀՀ–ի դուրս գալու մեկնարկն է:   «Արմենպրես»–ի փոխանցմամբ՝ Զախարովան թեմային անդրադարձել է ամենշաբաթյա ճեպազրույցի ժամանակ։  Զախարովային լրագրողները նաև հիշեցրել են, որ Հայաստանի վարչապետ Նիկոլ Փաշինյանը Դավոսում հայտարարել է, որ մեծ է հավանականությունը, որ ԵՄ–ին անդամակցելու գործընթաց սկսելու նախագիծը կընդունվի նաև Հայաստանի խորհրդարանի կողմից։  Մարիա Զախարովան նախ նշել է, որ Օվերչուկի հայտարարությունը հիմնված է եղել իրականության, տնտեսության, օրենքների և դրանց ըմբռնման վրա։  «Պարոն Օվերչուկը բացատրել է օրինաչափությունները, այլ ոչ թե արել է քաղաքական և իրականությունից կտրված հայտարարություններ։ Դա հարցի էության պարզաբանումն էր»,- ասել է Զախարովան։ Զախարովան նաև հավելել է, որ Արարատ Միրզոյանի՝ Մոսկվա կատարած այցի և ՌԴ ԱԳ նախարար Սերգեյ Լավրովի հետ երեք ժամ տևած հանդիպման ընթացքում քննարկվել են բոլոր, այդ թվում՝ ամենաբարդ հարցերը։   
19:57 - 23 հունվարի, 2025
Հայկական կողմի արձագանքը տարակուսանք է առաջացնում․ Մարիա Զախարովան՝ անդրադառնալով ռուսական «Շաբաթվա լուրեր» հաղորդմանը

Հայկական կողմի արձագանքը տարակուսանք է առաջացնում․ Մարիա Զախարովան՝ անդրադառնալով ռուսական «Շաբաթվա լուրեր» հաղորդմանը

Հայկական կողմի արձագանքը տարակուսանք է առաջացնում, քանի որ քանի որ մենք խոսում ենք լրագրողի հայտարարությունների մասին։ Այս մասին հայտարարել է ՌԴ ԱԳՆ խոսնակ Մարիա Զախարովան՝ անդրադառնալով ռուսական «Շաբաթվա լուրեր» հաղորդմանը։ «Երևանից մենք միշտ լսել ենք, որ Հայաստանը հավատարիմ է խոսքի ազատությանը, և առավել ևս՝ Հայաստանի ներկայիս ղեկավարությունը դա իր հրամայականն է դարձրել։ Եվ երկրորդ, մեր պաշտոնական դիրքորոշումը, ոչ թե տեսակետը, այլ պետության պաշտոնական դիրքորոշումը, քաջ հայտնի է Երևանին»,- ասել է Զախարովան։  Խոսելով Մոսկվայի պաշտոնական դիրքորոշման մասին՝ Զախարովան նշել է Հարավային Կովկասում տրանսպորտային և տնտեսական կապերի ապաշրջափակման մասին՝ 2020-2022 թվականների եռակողմ համաձայնագրերի հիման վրա։ Հիշեցնենք, որ ՀՀ ԱԳՆ տարածած հաղորդագրության համաձայն՝ «Շաբաթվա լուրեր» հաղորդման ընթացքում հնչեցվել են արհեստականորեն գեներացված խոսույթներ ՀՀ ինքնիշխանության և տարածքային ամբողջականության դեմ։ Հունվարի 15-ին ՀՀ ԱԳ նախարարություն է կանչվել ՀՀ-ում ՌԴ դեսպան Սերգեյ Կոպիրկինը: Հանդիպման ընթացքում դեսպանին է հանձնվել համապատասխան բողոքի հայտագիր։ 
16:06 - 16 հունվարի, 2025
Ուկրաինայի տարածքով ռուսական գազի մատակարարման դադարեցումը բացասաբար կանդրադառնա եվրոպացիների կյանքի վրա․ Զախարովա |aravot.am|

Ուկրաինայի տարածքով ռուսական գազի մատակարարման դադարեցումը բացասաբար կանդրադառնա եվրոպացիների կյանքի վրա․ Զախարովա |aravot.am|

aravot.am: ԱՄՆ-ն, ԵՄ իշխանությունները և Կիևի ռեժիմն են պատասխանատու Ուկրաինայի տարածքով ռուսական գազի տարանցումը դադարեցնելու համար. այս մասին, ինչպես հայտնում է ՏԱՍՍ-ը, ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ։ «Մենք ցանկանում ենք ընդգծել, որ Կիևի իշխանությունները որոշել են դադարեցնել Ռուսաստանից բնական գազի մատակարարումը եվրոպական երկրների բնակիչներին, չնայած «Գազպրոմը» կատարում է իր պայմանագրային պարտավորությունները», – նշել է Զախարովան՝ հավելելով՝ ռուսական գազի մատակարարումների դադարեցման պատասխանատվությունն ամբողջությամբ կրում են ԱՄՆ-ն, Կիևի «խամաճիկ ռեժիմը», ինչպես նաև եվրոպական պետությունների իշխանությունները, որոնք զոհաբերեցին իրենց քաղաքացիների բարեկեցությունը: Մարիա Զախարովան շեշտել է, որ Ռուսաստանի Դաշնությունից գազի մատակարարումների դադարեցումը բացասաբար կանդրադառնա եվրոպացիների կյանքի վրա։ Նրա խոսքով՝ «Ռուսական մրցունակ և էկոլոգիապես մաքուր էներգակիրի մատակարարումների դադարեցումը ոչ միայն թուլացնում է Եվրոպայի տնտեսական ներուժը, այլև շատ բացասական ազդեցություն է ունենում եվրոպացի քաղաքացիների կենսամակարդակի վրա: Հին աշխարհի էներգետիկ շուկայի ձևափոխման գլխավոր շահառուն, և նաև ուկրաինական ճգնաժամի գլխավոր հովանավորը ԱՄՆ-ն է»: Հիշեցնենք՝ 2025 թվականի հունվարի 1-ին լրացել է Ուկրաինայի տարածքով ռուսական գազի տարանցման պայմանագրի ժամկետը, որը նախատեսում էր արտահանում տարեկան 40 միլիարդ մետր խորանարդ ծավալով:
18:56 - 02 հունվարի, 2025
Հռոմի ստատուտի վավերացումն ուղիղ վնաս է հասցնում ռուս-հայկական հարաբերություններին․ Զախարովա
 |azatutyun.am|

Հռոմի ստատուտի վավերացումն ուղիղ վնաս է հասցնում ռուս-հայկական հարաբերություններին․ Զախարովա |azatutyun.am|

azatutyun.am: Հռոմի ստատուտի վավերացումն ուղիղ վնաս է հասցնում ռուս-հայկական հարաբերություններին, հայտարարել է Ռուսաստանի արտաքին գործերի նախարարության խոսնակ Մարիա Զախարովան։ «Հայաստանի՝ միջազգային քրեական դատարանին միանալու հետ կապված մեր դիրքորոշումը հայտնի է։ Հաագայում Ռուսաստանի մի շարք պաշտոնյաների ձերբակալելու օրդեր տալու ֆոնին Հռոմի ստատուտի վավերացումը ուղիղ վնաս է հասցնում ռուս-հայկական հարաբերություններին»,- ճեպազրույցի ժամանակ հայտարարել է արտգործնախարարության խոսնակը։ Ռուսաստանի ԱԳՆ ներկայացուցչի խոսքով՝ այդ վնասը ոչ միայն խորհրդանշական է, այլև գործնական։ Երևանը Հռոմի ստատունը վավերացրեց անցած տարի, իսկ այս փետրվարից պաշտոնապես միացավ Միջազգային քրեական դատարանին։ Հռոմի ստատուտին միանալու քայլը հավելյալ լարվածություն էր առաջացրել Երևանի ու Մոսկվայի հարաբերություններում, քանի որ հենց այս դատարանն է Ռուսաստանի նախագահ Վլադիմիր Պուտինին ձերբակալելու օրդեր տվել։ Երևանն, իր հերթին, հայտարարել է, որ Հռոմի կանոնադրությանը միանալով՝ ցանկանում է Ադրբեջանին պատասխանատվության ենթարկել ռազմական հանցագործությունների համար։ Արտգործնախարար Արարատ Միրզոյանն օրերս Նիդերլանդներում Հռոմի ստատուտի մասնակից պետությունների ասամբլեային էր մասնացկում։ Իր ելույթում արտաքին գերատեսչության ղեկավարը համոզմունք էր հայտնել, թե ՄՔԴ-ն միջազգային իրավունքի կարևոր տարրերից մեկն է՝ ընգծելով, որ միանալու Երևանի որոշումը հեշտ չի կայացվել։ «Հայաստանը պատրաստ է ակտիվորեն մասնակցել տարածաշրջանային և միջազգային համագործակցության գործընթացներին՝ կանխելու անպատժելիությունը և ամրապնդելու միջազգային նորմերի պահպանման հանձնառությունը», - հայտարարել էր Հայաստանի արտաքին քաղաքական գերատեսչության ղեկավարը։
17:18 - 04 դեկտեմբերի, 2024
Մոսկվան հուսով է, որ ՀԱՊԿ շրջանակում Հայաստանի հետ գործընկերությունն ամբողջությամբ կվերսկսվի. Զախարովա
 |1lurer.am|

Մոսկվան հուսով է, որ ՀԱՊԿ շրջանակում Հայաստանի հետ գործընկերությունն ամբողջությամբ կվերսկսվի. Զախարովա |1lurer.am|

1lurer.am: Հարավային Կովկասում խաղաղության և կայունության ապահովման տեսանկյունից ՀԱՊԿ-ն այլընտրանք չունեցող մեխանիզմ է՝ ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչը, հավելել՝ Հայաստանը դե յուրե դաշինքի լիիրավ անդամ է: Մարիա Զախարովայի խոսքով՝ Մոսկվան հուսով է, որ ՀԱՊԿ շրջանակում Հայաստանի հետ գործընկերությունն ամբողջությամբ կվերսկսվի: «Ակնկալում ենք, որ մեր հայ գործընկերները կհաղթահարեն առկա մտահոգությունները և հետաքրքրվածություն կցուցաբերեն ընդհանուր աշխատանքների նկատմամբ»,- շեշտել է Զախարովան: Նա միևնույն ժամանակ հավելել է՝ Մոսկվան կասկածի տակ չի դնում յուրաքանչյուր երկրի իրավունքը՝ ինքնուրույն ընտրելու իր արտաքին քաղաքական կուրսը: Հայաստանն ավելի վաղ հայտարարել է, որ սառեցնում է մասնակցությունը ՀԱՊԿ-ի միջոցառումներին: Հայկական կողմի գնահատմամբ՝ դաշինքը չի կատարել Հայաստանի նկատմամբ իր պարտավորությունները։
20:25 - 27 նոյեմբերի, 2024