Հարավային Կորեա

Հարավային Կորեան (պաշտոնապես՝ Կորեայի Հանրապետություն) պետություն է Արեւելյան Ասիայում։ Ըստ 2017 թվականի մարդահամարի տվյալների՝ Հարավային Կորեայի բնակչությունը կազմում է 51 միլիոն մարդ։ Ընդհանուր հաշվով՝ պետության մակերեսը կազմում է 100 210 հազար կմ²։ Պետական լեզուն է կորեերենը, որով խոսում է ավելի քան 77 միլիոն մարդ։ Մայրաքաղաքը Սեուլն է։

Ունիտար նախագահական հանրապետություն է։ 2017 թվականի մայիսի 10-ից երկրի նախագահն է Մուն Ջեինը։ Հարավային Կորեան վարչականորեն բաժանված է 16 վարչական միավորների՝ 9 նահանգների եւ 7 քաղաքների։

Տեղակայված է Կորեական թերակղզու հարավային հատվածում: Ցամաքային սահման ունի Հյուսիսային Կորեայի հետ եւ ջրային սահման՝ Ճապոնիայի հետ: Արեւմուտքում երկիրը ողովում է Դեղին ծովով, արեւելքից՝ Ճապոնական ծովով, իսկ հարավից՝ Կորեական նեղուցով եւ Արեւելաչինական ծովով:

Կորեայի Հանրապետության բնակչության 96%-ը կազմում են կորեացիները: Պետության բնակչության ավելի քան 65%-ը անկրոն են, հիմնական կրոններն են՝ բուդդայականությունը եւ քրիստոնեությունը: Արդյունաբերական պետություն է ՝ զարգացած տնտեսությամբ: 2018 թվականի տվյալների համաձայն՝ Հարավային Կորեայի ՀԱՀ-ը կազմել է 2,137 տրիլիոն ԱՄՆ դոլար: Ազգային արժույթը հարավկորեական վոնան է։

«Պատերազմը միջազգայնացվում է»․ Զելենսկին՝ Հարավային Կորեայի նախագահին |azatutyun.am|

azatutyun.am: Ուկրաինայի նախագահը Հարավային Կորեայի իր պաշտոնակցի հետ հեռախոսազրույցում քննակել է Ռուսաստանում հյուսիսկորեական զորքերի տեղակայման հարցը։ «Քննարկել ենք Հյուսիսային Կորեայի զինված ուժերի ներգրավվածությունը Ռուսաստանի՝ Ուկրաինա ներխուժմանը։ Եզրակացությունը պարզ է՝ պատերազմը դուրս գալով երկու երկրների սահմաններից միջազգայնացվում է», - X-իր էջում գրել է Վլադիմիր Զելենսկին։ ՆԱՏՕ-ի գլխավոր քարտուղարն ավելի վաղ հաստատել էր՝ Մոսկվան հյուսիսկորեական զորքեր է տեղակայել Ուկրաինային սահմանակից Ռուսաստանի Կուրսկի շրջանում: Մարկ Ռյուտեն Մոսկվայի այս քայլը «զգալի էսկալացիա» է որակել՝ պնդելով, թե նման զարգացումը վկայում է Ռուսաստանի նախագահ Վլադիմիր Պուտինի «հուսահատության» մասին։

15:09 - 29 հոկտեմբերի, 2024

Հյուսիսային Կորեան հերքել է իր զինվորականներին Ռուսաստան ուղարկելու մասին լուրերը |armenpress.am|

armenpress.am: ՄԱԿ-ում ԿԺԴՀ-ի ներկայացուցչությունը հայտարարել է, որ Հարավային Կորեայի հաղորդագրությունները հյուսիսկորեացի զինվորականներին Ռուսաստան ուղարկելու մասին «անհիմն լուրեր են», որոնց նպատակն է Փհենյանի նվաստացումը և Մոսկվայի հետ նրա հարաբերությունների վատթարացումը: Այս մասին հաղորդում է հարավկորեական Yonhap գործակալությունը։ «Ինչ վերաբերում է, այսպես կոչված, ռազմական համագործակցությանը Ռուսաստանի հետ, իմ պատվիրակությունն անհրաժեշտություն չի տեսնում մեկնաբանելու նման անհիմն կարծրատիպային լուրերը, որոնց նպատակը ԿԺԴՀ-ի նվաստացումն է և երկու պետությունների միջև օրինական, բարեկամական ու գործընկերային հարաբերությունները խաթարելը», - Yonhap-ը մեջբերել է ՄԱԿ-ում Հյուսիսային Կորեայի առաքելության ներկայացուցչի խոսքը: Հայտարարությունն արվել է հոկտեմբերի 21-ին ՄԱԿ-ի Գլխավոր ասամբլեայի զինաթափման և միջազգային անվտանգության Առաջին կոմիտեի նիստի ժամանակ։ Ավելի վաղ Հարավային Կորեայի Ազգային հետախուզական ծառայությունը հայտնել էր, որ Փհենյանը պատրաստվում է Ռուսաստան ուղարկել իր 12 000 զինվորականի՝ Ուկրաինայի դեմ պատերազմին հնարավոր մասնակցության համար, ընդ որում, հատուկ նշանակության ջոկատների 1500 մարտիկներ, ենթադրաբար, արդեն գտնվում են ՌԴ Հեռավոր Արևելքի ռազմակայաններում՝ վերապատրաստման համար։ Հարավային Կորեայի արտգործնախարարությունն ավելի վաղ կանչել էր Սեուլում ՌԴ դեսպանին և նրան բողոք հայտնել հյուսիսկորեական զորքեր ՌԴ ուղարկելու դեմ։

11:18 - 22 հոկտեմբերի, 2024

Հս. Կորեան պայթեցրել է դեպի Հրվ. Կորեա տանող ճանապարհները |tert.am|

tert.am: Հյուսիսային Կորեան (ԿԺԴՀ) պայթեցրել է իր տարածքում միջկորեական ճանապարհների մի քանի հատվածներ։ Այս մասին հայտնում է Yonhap գործակալությունը` հղում անելով Միացյալ շտաբների պետերի հայտարարությանը։Պաշտոնական Փհենյանը նախազգուշացրել էր, որ մտադիր է «ամբողջովին անջատել» Հյուսիսային Կորեայի տարածքը Հարավային Կորեայից։ Երկրները միացված են ճանապարհներով և երկաթգծերով, որոնք նախկինում ըկալվում էին որպես դրանց միջև համագործակցության խորհրդանիշներ։Օրերս Հյուսիսային Կորեայի բանակը հայտարարել էր, որ կձեռնարկի «էական ռազմական քայլ»՝ ամբողջությամբ կտրելով երկրի տարածքը հարևան Հարավային Կորեայից: Հայտարարությունը հնչել էր այն բանից հետո, երբ Հյուսիսային Կորեայի առաջնորդ Կիմ Չեն Ընը պաշտոնապես չեղարկել է Հարավային Կորեայի հետ խաղաղ վերամիավորման ձգտող երկարամյա քաղաքականությունը: Հայտարարությունում ասվում էր, որ Հյուսիսային Կորեայի տարածքում գտնվող ճանապարհներն ու երկաթուղիները, որոնք կապված են հարավին, ամբողջությամբ կկտրվեն՝ փակելով մուտքը սահմանի երկայնքով: Ըստ հարավկորեական բանակի՝ հունվարից ի վեր Փհենյանն ուժեղացրել է իր սահմանային պաշտպանությունը՝ ականապատելով տարածքները, հակատանկային թակարդներ կառուցելով և ապամոնտաժելով երկաթուղային ենթակառուցվածքները:

12:30 - 15 հոկտեմբերի, 2024

Հայաստանի կողմից հարավկորեական տանկերի գնման լուրի սկզբնաղբյուրը ադրբեջանական է |civilnet.am|

civilnet.am: «Արմենպրես» պետական գործակալությունը հոկտեմբերի 7-ին գրել է, թե Հայաստանը դիտարկում է հարավկորեական K2 «Սև Հովազ» մարտական տանկերի ձեռքբերման հնարավորությունը։ Լրատվամիջոցը որպես աղբյուր նշել է Army Recognition պաշտպանական նորությունների հարթակը, որն էլ իր հերթին հղում է արել հարավկորեական «Չոսուն Բիզ» լրատվամիջոցին։ «ՀՀ պաշտպանության նախարարը մասնակցել է սեպտեմբերի 9-ին և 10-ին Հարավային Կորեայի ազգային պաշտպանության նախարարության և արտաքին գործերի նախարարության կողմից կազմակերպված արհեստական բանականությանն առնչվող բարձր մակարդակի հանդիպմանը և բանակցություններ սկսել հարավկորեական զենքի մատակարարման շուրջ՝ հատուկ հետաքրքրություն ցուցաբերելով K2 տանկի նկատմամբ»,- նշվում է «Արմենպրեսի» հոդվածում։ Այս տեղեկությունը տարածել են նաև News.am, Factor.am, Tert.am, Auroranews.am, Sputnik Արմենիա, Lurer.com, RadarArmenia, Armday.am, Freenews.am, 1-in.am կայքերը, ինչպես նաև վարչապետ Նիկոլ Փաշինյանի ընտանիքին պատկանող «Հայկական ժամանակ» օրաթերթը և այլ լրատվամիջոցներ։ Այս կայքերի մեծամասնութունը հղում են արել «Արմենպրես»-ին։ Ինչպե՞ս տարածվեց այս տեղեկատվությունը Պաշտպանության նախարար Սուրեն Պապիկյանը սեպտեմբերի 8-10-ը պաշտոնական այցով Հարավային Կորեայում էր՝ մասնակցելու «Պատասխանատու արհեստական բանականություն՝ ռազմական տիրույթում» միջազգային գագաթնաժողովին: Ո՛չ հայկական, ո՛չ հարավկորեական կողմից որևէ պաշտոնական հայտարարություն չի արվել զինտեխնիկայի ձեռքբերման շուրջ բանակցությունների վերաբերյալ: Այցից օրեր անց՝ սեպտեմբերի 12-ին, Ադրբեջանի պաշտպանության նախարարության ոչ պաշտոնական խոսափողը համարվող Caliber.az-ն իր «վստահելի աղբյուրների» վկայակոչմամբ հայտնել էր, թե հայաստանյան պաշտոնական պատվիրակությունը՝ նախարար Պապիկյանի գլխավորությամբ, Սեուլում բանակցել և իբր պայմանավորվածություն է ձեռք բերել հարավկորեական զինատեսակների ձեռքբերման վերաբերյալ։ Շաբաթներ անց՝ հոկտեմբերի 4-ին, հարավկորեական Biz.chosun.com լրատվամիջոցը նույնպես գրել էր հայկական կողմի և հարավկորեական իշխանությունների միջև տանկերի ձեռքբերման շուրջ բանակցությունների մասին: Սակայն Chosun Biz-ը հղում է արել ադրբեջանական Caliber.az-ի հրապարակմանը՝ սխալմամբ այն ներկայացնելով հայկական լրատվամիջոց: Հարավկորեական թերթը գրել էր. «Վկայակոչելով ազդեցիկ աղբյուրներ՝ հայկական լրատվամիջոց Caliber-ը հաղորդում է, որ նախարար Պապիկյանը Կորեական զենքի մատակարարման շուրջ բանակցություններ է վարել Սեուլում հանդիպմանը մասնակցելուց առանձին»: Նույն օրը հայկական բազմաթիվ լրատվամիջոցներ, այդ թվում՝ պաշտոնական «Արմենպրես» գործակալությունը, սկսեցին տարածել տեղեկատվությունը՝ հղում անելով Army Recognition հարթակին՝ կրկին առանց տեղեկատվության սկզբնաղբյուրը պարզելու: Ավելի մանրամասն՝ սկզբնաղբյուրում։

20:02 - 08 հոկտեմբերի, 2024

Հս. Կորեան միջուկային զենք կկիրառի, եթե ինքնիշխանության նկատմամբ ոտնձգություն լինի. Կիմ Չեն Ըն |tert.am|

tert.am: Հյուսիսային Կորեայի առաջնորդ Կիմ Չեն Ընը հայտարարել է, որ իր երկիրը միջուկային զենքով կպատասխանի, եթե Հարավային Կորեան և ԱՄՆ-ն ուժ կիրառեն Փհենյանի նկատմամբ՝ ոտնձգություն կատարելով նրա ինքնիշխանության դեմ, հայտնում է Reuters-ը՝ հղում անելով Կորեայի կենտրոնական լրատվական գործակալությանը:Ինչպես ընդգծել է ԿԺԴՀ ղեկավարը, հարձակման դեպքում Փհենյանը «առանց վարանելու» կօգտագործի իրեն հասանելի բոլոր ուժերը, ներառյալ միջուկային զենքը։ Կիմ Չեն Ընը քննադատել է Հարավային Կորեայի նախագահ Յուն Սուկ Յոլին՝ երեքշաբթի ռազմական միջոցառման ժամանակ «Հյուսիսային Կորեայի ռեժիմին վերջ դնելու» սպառնալիքի համար՝ ասելով, որ այս սպառնալիքը հստակ ցույց է տալիս, թե որ կողմն է խաթարում տարածաշրջանային անվտանգությունն ու խաղաղությունը:

09:48 - 04 հոկտեմբերի, 2024

ՀՀ ԱԽ քարտուղարը աշխատանքային այցով կմեկնի Կորեայի Հանրապետություն և Ճապոնիա

Սեպտեմբերի 6-ին ՀՀ ԱԽ քարտուղար Արմեն Գրիգորյանն աշխատանքային այցով կմեկնի Կորեայի Հանրապետության մայրաքաղաք Սեուլ, այնուհետև, Ճապոնիայի մայրաքաղաք Տոկիո: Այս մասին տեղեկացնում են ԱԽ գրասենյակից: Այցի ընթացքում ԱԽ քարտուղարը մի շարք աշխատանքային հանդիպումներ կունենա:

15:31 - 05 սեպտեմբերի, 2024

Հանձնառու ենք առաջ մղել մեր հարաբերությունները. ՀՀ ԱԳՆ-ն շնորհավորել է Կորեայի Հանրապետությանն Ազատագրման օրվա առթիվ

Հայաստանի Հանրապետության արտաքին գործերի նախարարությունը Ազատագրման օրվա կապակցությամբ շնորհավորել է Կորեայի Հանրապետությանը։ Այս մասին ՀՀ ԱԳ նախարարությունը գրառում է կատարել X-ի միկրոբլոգում։ «Մեր լավագույն մաղթանքներն ենք հղում Կորեայի Հանրապետության մեր գործընկերներին և ընկերներին, ովքեր նշում են իրենց Ազատագրման օրը: Մեծ նշանակություն տալով մեր երկու ժողովրդավարական երկրների հարաբերություններին՝ հանձնառու ենք առաջ մղել մեր հարաբերությունները», - նշված է ԱԳՆ-ի գրառման մեջ։

21:38 - 15 օգոստոսի, 2024

ԱՄՆ-ի և Հրվ․ Կորեայի միջև միջուկային պլանավորման համատեղ համաձայնագիրը մտահոգիչ է․ Լավրով |tert.am|

tert.am: Ռուսաստանի արտգործնախարար Սերգեյ Լավրովը հայտարարել է, որ Մոսկվան անհանգստացած է Միացյալ Նահանգների և Հարավային Կորեայի՝ համատեղ միջուկային պլանավորում իրականացնելու ծրագրերով, գրում է «ՌԻԱ Նովոստի»-ն։ «Մեկ այլ մտահոգիչ տարր այն է, որ Միացյալ Նահանգները վերջերս Կորեայի Հանրապետության հետ ստորագրել է միջուկային պլանավորման համատեղ համաձայնագիր», - ասել է Լավրովը։ ՌԴ ԱԳ նախարարը հավելել է, որ առայժմ Մոսկվան նույնիսկ չի կարողանում պարզաբանում ստանալ, թե դա ինչ է նշանակում։ «Սակայն չենք կասկածում, որ դա լրացուցիչ ահազանգ է առաջացնում», - ընդգծել է նա։

12:20 - 27 հուլիսի, 2024

Հյուսիսային Կորեայից աղբ տեղափոխող օդապարիկը վայրէջք է կատարել Հարավային Կորեայի նախագահի գրասենյակի տարածքում |1lurer.am|

1lurer.am: ԿԺԴՀ-ի ուղարկած աղբով օդապարիկներից մեկը վայրէջք է կատարել Հարավային Կորեայի նախագահի գրասենյակի տարածքում, հայտնում է Yonhap-ը՝ հղում անելով նախագահի անվտանգության ծառայությանը։ «Քիմիական, կենսաբանական և ճառագայթային արձագանքման խմբի հետաքննությունը պարզել է, որ իրերը վտանգ չեն ներկայացնում»,- տեղեկացրել են ծառայությունից։ Հարավային Կորեայի զինված ուժերի շտաբների պետերի միացյալ կոմիտեն հայտնել է, որ մայիսի վերջից ԿԺԴՀ-ն ավելի քան 3 հազար աղբատար օդապարիկ է արձակել՝ ի նշան «հակափհենյանական» թռուցիկների դեմ բողոքի, որոնք հարավից ուղարկել են հյուսիսկորեացի դասալիքներն ու հարավկորեացի ակտիվիստները:

16:31 - 24 հուլիսի, 2024

ԱՄՆ-ն եւ Հարավային Կորեան սեփական անվտանգության սպառնալիք են անվանել ՌԴ-ի եւ Հյուսիսային Կորեայի պայմանագիրը |news.am|

news.am: Կորեայի Հանրապետության արտաքին գործերի նախարար Չո Թհե Յոլը եւ ԱՄՆ պետքարտուղար Էնթոնի Բլինքենը հայտնել են, որ համապարփակ ռազմավարական գործընկերության պայմանագիրը ՌԴ-ի եւ Հյուսիսային Կորեայի միջեւ սպառնալիք է ԱՄՆ-ի եւ Հարավային Կորեայի անվտանգությանը։ Այս մասին տեղեկացրել է Կորեայի Հանրապետության արտաքին գործերի նախարարությունը։ «Կողմերը կարծում են, որ Ռուսաստանի եւ Հյուսիսային Կորեայի ռազմական եւ տնտեսական համագործակցության ամրապնդումը լուրջ սպառնալիք է Կորեական թերակղզու կայունությանն ու խաղաղությանը եւ Կորեայի Հանրապետության եւ ԱՄՆ-ի անվտանգությանը»,- հայտնել են Սեուլում։ Չո Թհե Յոլը եւ Բլինքենը զրուցել են հունիսի 20-ին լրատվամիջոցների օգնությամբ։ Նրանք քննարկել են նաեւ պատասխան միջոցները։ Յոլը պատմել է նոր պատժամիջոցների եւ արտահանման վերահսկման ընդլայնման մասին, նա նշել է, որ ուղիղ կամ անուղղակի աջակցությունը Հյուսիսային Կորեայի ռազմական ուժի հզորացմանը հակասում է ՄԱԿ ԱԽ բանաձեւերին։ ԱՄՆ պետքարտուղարն ասել է, որ Վաշինգտոնում «ակտիվորեն դիտարկում են» արձագանքման տարբերակներ։ Հունիսի 19-ին Ռուսաստանը եւ Հյուսիսային Կորեան ստորագրել են պայմանագիր համապարփակ ռազմավարական գործընկերության մասին, որը ենթադրում է անհապաղ ռազմական օգնության տրամադրում պաշտպանական պատերազմի ժամանակ։

12:04 - 21 հունիսի, 2024

Ճապոնիան, Հարավային Կորեան և ԱՄՆ-ը այս ամառ կանցկացնեն եռակողմ զորավարժություններ |shantnews.am|

shantnews.am: Ճապոնիայի, Հարավային Կորեայի և Միացյալ Նահանգների պաշտպանության նախարարներ Մինորու Կիհարան, Շին Վոն-Սիկը և Լլոյդ Օսթինը պայմանավորվել են «ինստիտուցիոնալացնել եռակողմ պաշտպանական համագործակցությունը», այդ թվում՝ ամռանը եռակողմ զորավարժություններ անցկացնել։ Այս մասին հայտարարել է Ճապոնիայի պաշտպանության նախարարությունը Սինգապուրում «Շանգրի-Լա» երկխոսության ֆորումի շրջանակում կայացած հանդիպման արդյունքներով։ «Նրանք պայմանավորվել են ինստիտուցիոնալացնել անվտանգության եռակողմ համագործակցությունը` ներառյալ բարձր մակարդակի քաղաքական խորհրդատվությունները, տեղեկատվության փոխանակումը, եռակողմ վարժանքները և համագործակցությունը պաշտպանական փոխանակումների վերաբերյալ՝ մշակելով եռակողմ համագործակցության շրջանակ»,-ասվում է նախարարության հաղորդագրության մեջ։ Մասնավորապես, կողմերը պայմանավորվել են ամռանը անցկացնել եռակողմ զորավարժություններ, ինչպես նաև եռակողմ շտաբային վարժանքներ՝ տարածաշրջանային անվտանգության հարցերը քննարկելու նպատակով։ Զորավարժությունները կկոչվեն Freedome Edge: Զորավարժությունների մասնակիցների թվի և ներգրավված տեխնիկայի վերաբերյալ մանրամասներ չեն հաղորդվում։

18:23 - 02 հունիսի, 2024

Հյուսիսային Կորեան 10 բալիստիկ հրթիռ է արձակել |tert.am|

tert.am: Հյուսիսային Կորեան հրթիռներ է արձակել դեպի Ճապոնական ծով. Yonhap-ը սկզբում հայտնել էր մեկ բալիստիկ հրթիռի արձակման մասին: Հարավային Կորեայի շտաբների պետերի միացյալ կոմիտեն ավելի ուշ պարզաբանել է, որ արձակվել է մոտ 10 փոքր հեռահարության բալիստիկ հրթիռ։ «Հյուսիսային Կորեան շարունակում է բալիստիկ հրթիռներով սադրանքները փորձնական արձակման պատրվակով, բայց այդքան մեծ քանակությամբ արձակումն անսովոր է։ Զինվորականները վերլուծում են մանրամասն բնութագրերը, ներառյալ հրթիռի մոդելը և թռիչքի հեռահարությունը»,- ասվում է կոմիտեի հայտարարության մեջ: Ինչպես հայտնում է NHK հեռուստաալիքը՝ վկայակոչելով ճապոնական առափնյա պահպանությանը, հրթիռներն ընկել են ծովը՝ Ճապոնիայի բացառիկ տնտեսական գոտուց դուրս։ Մայիսի 27-ին Հյուսիսային Կորեան հաղորդել է ռազմական հետախուզական արբանյակ տեղափոխող նոր տիպի հրթիռի անհաջող արձակման մասին։ Հրթիռը պայթել է օդում։ Ավելի վաղ՝ մայիսին, Հյուսիսային Կորեան արդեն մի քանի փոքր հեռահարության բալիստիկ հրթիռներ էր արձակել, որոնք բոլորն ընկել էին Կորեական թերակղզու և Ճապոնիայի միջև ընկած ծովը։

09:35 - 30 մայիսի, 2024

Քաղաքական խորհրդակցություններ Հայաստանի և Կորեայի ԱԳ նախարարությունների միջև

Մարտի 28-ին Երևանում կայացել են Հայաստանի Հանրապետության և Կորեայի Հանրապետության արտաքին գործերի նախարարությունների միջև 5-րդ քաղաքական խորհրդակցությունները՝ Հայաստանի Հանրապետության ԱԳ նախարարի տեղակալ Մնացական Սաֆարյանի և Կորեայի Հանրապետության ԱԳ նախարարի քաղաքական հարցերով տեղակալ Չոն Բյուն Վոնի գլխավորությամբ: Կողմերը քննարկել են երկկողմ համագործակցության հեռանկարները՝ երկուստեք պատրաստակամություն հայտնելով զարգացնել առկա քաղաքական երկխոսությունը և տնտեսական կապերը: Հանդիպման ընթացքում անդրադարձ է կատարվել երկկողմ օրակարգին վերաբերող հարցերի լայն շրջանակին, մասնավորապես՝ միջուկային էներգետիկայի ոլորտում հնարավոր համագործակցությանը, իրավապայմանագրային դաշտի ընդլայնմանը, կրթական և մշակութային փոխանակումներին: Անդրադարձ է կատարվել նաև զբոսաշրջության, տեղեկատվական տեխնոլոգիաների, թվայնացման, արհեստական բանականության և նորարարությունների ոլորտներում համագործակցության հեռանկարներին, պետական կառավարման ոլորտներում փորձի փոխանակմանը, ինչպես նաև Հայաստանում Կորեայի միջազգային համագործակցության գործակալության (KOICA) միջոցով իրականացվող ծրագրերին: Խորհրդակցությունների ընթացքում կողմներն անդրադարձ են կատարել նաև միջազգային կազմակերպություններում և այլ բազմակողմ հարթակներում առկա համագործակցությանը, կայուն զարգացման նպատակների, մարդու իրավունքների և ժողովրդավարական արժեքների ամրապնդման ուղղությամբ գործադրվող ջանքերին: ՀՀ ԱԳ նախարարի տեղակալ Մնացական Սաֆարյանը զրուցակցին հանգամանալից ներկայացրել է տարածաշրջանում ստեղծված անվտանգային իրադրությունը և տևական խաղաղության հաստատմանն ուղղված Հայաստանի ջանքերը, Ադրբեջանի կողմից էթնիկ զտման հետևանքով Լեռնային Ղարաբաղից բռնի տեղահանված հայերի հումանիտար խնդիրների հասցեագրման ուղղությամբ ՀՀ կառավարության ձեռնարկած միջոցառումները՝ կարևորելով նաև այս ուղղությամբ միջազգային գործընկերների աջակցությունը: Այցի շրջանակներում պատվիրակությանն ընդունել է նաև ՀՀ արտաքին գործերի նախարար Արարատ Միրզոյանը, որի հետ հանդիպմանը ևս անդրադարձ է կատարվել հայ-կորեական հարաբերությունների երկկողմ և բազմակողմ օրակարգի մի շարք հարցերի, տարածաշրջանային զարգացումներին:

21:40 - 28 մարտի, 2024

Զախարովայի խոսքերի պատճառով ՌԴ դեսպանը կանչվել է Հարավային Կորեայի ԱԳՆ |armenpress.am|

armenpress.am: Կորեայի Հանրապետության իշխանությունները Սեուլում ՌԴ դեսպանին կանչել են ԱԳՆ՝ Կորեական թերակղզում աճող լարվածության պատճառների մասին ՌԴ ԱԳՆ պաշտոնական ներկայացուցիչ Մարիա Զախարովայի խոսքերի պատճառով։ Այս մասին հաղորդել է «ТАСС» գործակալությունը։ Տեղեկատվության համաձայն՝ դեսպանին փոխանցվել է բողոքի նոտա։ Ավելի վաղ Զախարովան ասել էր, որ Հարավային Կորեայի նախագահ Յուն Սոկ Յոլի հռետորաբանությունը ԿԺԴՀ-ի նկատմամբ նպատակ ունի քողարկել երկրի ագրեսիվ պլանները Հյուսիսային Կորեայի նկատմամբ և այդ հռետորաբանությունը զազրելի է ԱՄՆ-ի հետ զորավարժություններին Սեուլի մասնակցության ֆոնին:

15:54 - 03 փետրվարի, 2024

ԱՄՆ-ն չի բացառում զինված հակամարտությունը Հարավային Կորեայի և ԿԺԴՀ-ի միջև․ New York Times |factor.am|

factor.am: Հյուսիսային Կորեան առաջիկա ամիսներին կարող է ռազմական գործողություններ ձեռնարկել Հարավային Կորեայի դեմ, հայտնում է The New York Times-ը (NYT)՝ հղում անելով ԱՄՆ վարչակազմի պաշտոնյաներին։ Նրանց կարծիքով՝ ԿԺԴՀ-ի առաջնորդ Կիմ Չեն Ընի հայտարարությունները վերջերս «ավելի ագրեսիվ» են դարձել և դրանց պետք է լուրջ վերաբերվել։ Ամերիկացի պաշտոնյաները նշում են, որ իրենք թեև Կորեական թերակղզում լայնամասշտաբ պատերազմի անմիջական վտանգ չեն տեսնում, սակայն Փհենյանը «կարող է հարվածներ հասցնել այնպես, որ խուսափի արագ էսկալացիայից»։ Որպես օրինակ նրանք մատնանշել են 2010 թվականին հարավկորեական Յոնպյոնդո կղզու հետ կապված միջադեպը, երբ ԿԺԴՀ-ն և Հարավային Կորեան փոխանակվեցին հրետանային կրակով։ Երկու կողմից զոհվեց մի քանի զինվորական և քաղաքացիական անձ, սակայն հրետակոծությունը չվերաճեց ավելի մեծ բախման։ ԱՄՆ պաշտոնյաները կարծում են, որ Կիմ Չեն Ընը «հավանաբար քաջալերված է Ռուսաստանի հետ իր գործընկերության ընդլայնմամբ»: Այդուհանդերձ, ամերիկյան գերատեսչությունները դեռ չեն արձանագրել կոնկրետ նշաններ, որ Հյուսիսային Կորեան պատրաստվում է ռազմական գործողությունների կամ մեծ պատերազմի։

13:07 - 26 հունվարի, 2024

Հարավային Կորեան հայտարարել է Դեղին ծովի ուղղությամբ հյուսիսկորեական հրթիռների արձակման մասին |shantnews.am|

shantnews.am: Հյուսիսային Կորեան մի քանի թեւավոր հրթիռ է արձակել Դեղին ծովի ուղղությամբ, հայտնել է Հարավային Կորեայի շտաբների պետերի միացյալ ծառայությունը։ «Չորեքշաբթի օրը՝ հունվարի 24-ին, ԿԺԴՀ-ի կողմից մի քանի թեւավոր հրթիռների արձակում են հայտնաբերել Դեղին ծովի ուղղությամբ»,- ասվում է զինվորականների հայտարարության մեջ: Նշվում է, որ մանրամասները վերլուծվում են Հարավային Կորեայի և ԱՄՆ հետախուզական գործակալությունների կողմից: Զինվորականները հայտարարել են, որ ուժեղացրել են հսկողությունն ու պատրաստվածությունը և սերտորեն համագործակցում են ամերիկյան կողմի հետ՝ Հյուսիսային Կորեայի հետագա գործունեությանը վերահսկելու համար:

09:55 - 24 հունվարի, 2024