Մևլութ Չավուշօղլու

Մեւլութ Չավուշօղլուն 2014 թվականից մինչ այժմ Թուրքիայի արտաքին գործերի նախարարն է:

2010-2012 թվականներին եղել է ԵԱՀԿ նախագահ։ Նա Թուրքիայի «Արդարացում և զարգացում» կուսակցության հիմնադիր անդամ է։

Արարատ Միրզոյանը ցավակցություն է հայտնել Թուրքիայի ԱԳ նախարարին Ստամբուլում տեղի ունեցած պայթյունի կապակցությամբ

Արարատ Միրզոյանը ցավակցություն է հայտնել Թուրքիայի ԱԳ նախարարին Ստամբուլում տեղի ունեցած պայթյունի կապակցությամբ

ՀՀ ԱԳ նախարար Արարատ Միրզոյանը ցավակցություն է հայտնել Թուրքիայի ԱԳ նախարար Մևլութ Չավուշօղլուին Ստամբուլում տեղի ունեցած պայթյունի կապակցությամբ․ «Իմ անկեղծ ցավակցությունն եմ հայտնում Ստամբուլում տեղի ունեցած  պայթյունի զոհերի ընտանիքներին, իսկ վիրավորներին մաղթում եմ շուտափույթ ապաքինում»,- թվիթերյան իր միկրոբլոգում գրել է ԱԳ նախարարը։  Նշենք, որ Թուրքիայի ԱԳ նախարար Մևլութ Չավուշօղլուն իր հերթին շնորհակալություն է հայտնել Արարատ Միրզոյանի ցավակցությունների համար։  Հիշեցնենք, որ հզոր պայթյուն է տեղի ունեցել Ստամբուլում՝ Իսթիքլալ փողոցում, որը զբոսաշրջային հայտնի ուղղություն է։ «Ահաբեկչության միջոցով Թուրքիային և թուրք ազգին վախեցնելու ջանքերը ինչպես նախկինում, այնպես էլ այսօր և վաղը չեն հասնի իրենց նպատակին»,- ուղիղ եթերում ասել էր Էրդողանը։ Տեղի ունեցած պայթյունը Թուրքիայի իշխանություններն համարում են ահաբեկչություն։ Երկրի ՆԳ նախարարը հայտնել է, որ այն իրականացրած անձը, որը ռումբը թողել էր փողոցում, ձերբակալվել է։ Ըստ նախարարի՝ նա կապ ունի Քրդական աշխատավորական կուսակցության հետ։
11:00 - 14 նոյեմբերի, 2022
Չավուշօղլուն դժգոհել է Հայաստան ԵԱՀԿ առաքելության այցից  |factor.am|

Չավուշօղլուն դժգոհել է Հայաստան ԵԱՀԿ առաքելության այցից |factor.am|

factor.am: Թուրքիայի ԱԳ նախարար Մևլութ Չավուշօղլուն քննադատել է ԵԱՀԿ-ի՝ Հայաստան առաքելություն ուղարկելու որոշումը, գրում է Անադոլու գործակալությունը։ Մերսինում ելույթ ունենալիս, նա նշել է, որ ԵԱՀԿ-ն իրեն  դրսևորել է որպես «խնդիրների չլուծման կենտրոն», իսկ վերջին որոշումը Հայաստանի մասով, իբր, հակասում է հենց կազմակերպության  պահանջներին ու մադատին։ «Սեփական դիրքորոշումը պարտադրելու փորձը և ստատուս քվոյի ձևավորումն անընդունելի է»,-  դժգոհել է Չավուշօղլուն։  «Տարիների ընթացքում նրանք պարզապես ձգձգեցին գործընթացը: Իսկ այսօր առաքելություն կամ դիտորդներ ուղարկելիս փորձում են անտեսել Ադրբեջանի դիրքորոշումը։ Հայաստանին աջակցելու ցանկություն կա», -ասել է նա։ Հիշեցնենք՝ ՀՀ կառավարության հրավերով այսօր Հայաստան է ժամանում ԵԱՀԿ կարիքների գնահատման թիմը։ 
13:16 - 21 հոկտեմբերի, 2022
Հայաստանի արտգործնախարարը պատրաստ է հանդիպել Թուրքիայի ԱԳ նախարարի հետ

 |armenpress.am|

Հայաստանի արտգործնախարարը պատրաստ է հանդիպել Թուրքիայի ԱԳ նախարարի հետ |armenpress.am|

armenpress.am: Հայաստանի արտաքին գործերի նախարար Արարատ Միրզոյանը պատրաստակամ է հանդիպել Թուրքիայի ԱԳ նախարար Մևլութ Չավուշօղլուի հետ: Միրզոյանն այս մասին ասաց ճեպազրույցում՝ անդրադառնալով դիտարկմանը, թե Թուրքիայի ԱԳ նախարար Չավուշօղլուն պատրաստակամություն է հայտնել հանդիպել ՀՀ ԱԳ նախարարի հետ: «Մենք շահագրգռված ենք երկխոսության հաջող ավարտով: Որևէ հանդիպում, որը կօգնի հասնել այդ հաջող ավարտին, իհարկե, կարող է տեղի ունենալ: Ես երբեք դեմ չեմ եղել այդպիսի հանդիպմանը»,-ասաց Միրզոյանը: ՀՀ ԱԳ նախարարն ընդգծեց, որ, սակայն, այդ  հանդիպումների ընթացքում կողմերը պետք է անկեղծորեն և լուրջ քայլեր ձեռնարկեն երկրների միջև դիվանագիտական հարաբերությունների հաստատման և սահմանի բացման ուղղությամբ: «Ես կրկնում եմ՝ պատրաստ եմ այդպիսի հանդիպման, հուսով եմ՝ այդպիսի հանդիպումն ի վերջո շոշափելի արդյունքներ կգրանցի, եթե տեղի ունենա»,-եզրափակեց Միրզոյանը:
17:16 - 18 հոկտեմբերի, 2022
Եթե Չավուշօղլուն բանակցություններում մտցնում է միջանցքի բաղադրիչը, լավ կլինի՝ իր անունից ասի․ Միրզոյան
 |civilnet.am|

Եթե Չավուշօղլուն բանակցություններում մտցնում է միջանցքի բաղադրիչը, լավ կլինի՝ իր անունից ասի․ Միրզոյան |civilnet.am|

civilnet.am: Հայաստանի արտաքին գործերի նախարար Արարատ Միրզոյանն արձագանքել է Թուրքիայի արտգործնախարարի՝ Զանգեզուրի միջանցքի վերաբերյալ հայտարարությանը։ Մեվլութ Չավուշօղլուն, մասնավորապես, հայտարարել էր․ «Ադրբեջանը իրավացիորեն ասում է, որ Լաչինի միջանցքը և Զանգեզուրի միջանցքը պետք է ունենան նույն կարգավիճակը»։ Միրզոյանի խոսքով՝ Ադրբեջանը բանակցություններում չի պնդում, որ Նախիջևանի հետ Հայաստանի տարածքով կապվող ճանապարհը նույնական լինի Լաչինի միջանցքի հետ։ «Բանակցություններում Ադրբեջանի ներկայացուցիչները չեն պնդում և չեն առաջարկում ունենալ ճանապարհ, որը կունանա նույն կարգավորումները ինչ Լաչինի միջանցքը։ Եթե Չավուշօղլուն իր կողմից այս բաղադրիչն է մտցնում բանակցություններում, ապա լավ կլինի՝ իր անունից ասի»,- հոկտեմբերի 18-ին կայացած ասուլիսի ժամանակ հայտարարել է Արարատ Միրզոյանը։ Հայաստանի ԱԳՆ ղեկավարը հիշեցնում է, որ նոյեմբերի 9-ի հայտարարությամբ հստակ սահմանված են կարգավորումները։ Նա ընգծում է, որ փաստաթղթում կան Լաչինի միջանցքին և տարածաշրջանի տրանսպորտային և տնտեսական ենթակառուցվածքների ապաշրջափակմանը վերաբերող կետեր․ «Այս համատեքստում նաև խոսվում է բուն Ադրբեջանի և Նախիջևանի միջև նոր կապուղու մասին։ Մենք մեր դիրքորոշումը ասել ենք և այն չի փոխվել՝ բոլոր ճանապարհները պետք է գործեն այն երկրների օրենսդրության ներքո, որոնց տարածքով դրանք անցնում են։ Իմ սուբյեկտիվ ընկալմամբ այս առումով որոշակի առաջընթաց կա և ես լավատես եմ, որ այս ուղղությամբ բանակցությունները առաջիկայում հաջողությամբ կարող են ավարտվել»,- ասել է Միրզոյանը։  
16:16 - 18 հոկտեմբերի, 2022
 Ըստ Չավուշօղլուի՝ «Զանգեզուրի միջանցք»-ի կարգավիճակը համարժեք պետք է լինի Լաչինի միջանցքին
 |armtimes.com|

Ըստ Չավուշօղլուի՝ «Զանգեզուրի միջանցք»-ի կարգավիճակը համարժեք պետք է լինի Լաչինի միջանցքին |armtimes.com|

armtimes.com: Ղարաբաղյան պատերազմից հետո Ադրբեջանը Հայաստանին առաջարկեց ստորագրել խաղաղության համապարփակ պայմանագիր, որին Հայաստանը թեև ուշացած, բայց դրական պատասխանեց։ Թյուրքալեզու պետությունների ԱԳ նախարարների խորհրդի արտահերթ նիստից հետո կայացած մամուլի ասուլիսի ժամանակ հայտարարել է Թուրքիայի ԱԳ նախարար Մևլութ Չավուշօղլուն։ «Ադրբեջանն ունի ողջամիտ պահանջներ, որոնց թվում է «Զանգեզուրի միջանցք»-ի համարժեք կարգավիճակը Լաչինի միջանցքին»,- ասել է նա: Չավուշօղլուի խոսքով՝ Ադրբեջանի և Հայաստանի հարաբերությունների կարգավորման գործընթացը դրական է ազդում նաև հայ-թուրքական հարաբերությունների վրա։ Թուրքիայի ԱԳ նախարարը անդրադարձել է նաև ՀՀ ԱԳ նախարար Արարատ Միրզոյանի հետ հանդիպման հնարավորությանը։ «Մենք միշտ պատրաստ ենք հանդիպման. նման հանդիպում եղել է Անթալիայում՝ դիվանագիտական ֆորումի ժամանակ։ Մեզ համար խնդիրներ չկան, բայց կոնկրետ ժամկետների մասին այս պահին տեղեկություն չկա»,- ասել է Չավուշօղլուն։ 
16:48 - 17 հոկտեմբերի, 2022
Հայաստանի ու Թուրքիայի ներկայացուցիչներն այսուհետ կհանդիպեն Երևանում ու Անկարայում․ Չավուշօղլու
 |civilnet.am|

Հայաստանի ու Թուրքիայի ներկայացուցիչներն այսուհետ կհանդիպեն Երևանում ու Անկարայում․ Չավուշօղլու |civilnet.am|

civilnet.am: Այս պահին Հայաստանի հետ համաձայնագրի նախագիծ չունենք: Մենք քննարկում ենք այն, թե ինչ քայլեր կարող ենք անել հարաբերությունների կարգավորման համար և քայլեր ենք անում․ հոկտեմբերի 14-ին հայտարարել է Թուրքիայի ԱԳՆ ղեկավար Մևլյութ Չավուշօղլուն Կատարի իր պաշտոնակից Շեյխ Մոհամմադ բին Աբդուռահման ալ-Սանիի հետ հանդիպմանը: Չավուշօղլուն հայտարարել է նաև, որ «այսուհետև հանդիպումները տեղի են ունենալու Թուրքիայում և Հայաստանում»: «Մենք Հայաստանի հետ հարաբերությունների կարգավորման հարցում անկեղծ ենք, և այդ բոլոր հարցերում առաջ ենք շարժվում Ադրբեջանի հետ միասին», – միտքն ամփոփել է Չավուշօղլուն: Թուրքիայի նախագահ Ռեջեփ Թայիփ Էրդողանը Աստանայից վերադարձի ճանապարհին խոսելով Հայաստանի հետ հարաբերությունների մասին՝ նշել է, որ «անձամբ Զանգեզուրի միջանցքի բացման հետ կապված որևէ խոչընդոտ չի տեսնում»:
15:23 - 14 հոկտեմբերի, 2022
Չավուշօղլուն հայտնել է, որ Երևանն ու Բաքուն համաձայնության են եկել խաղաղության պայմանագրի հիմնական կետերի շուրջ |tert.am|

Չավուշօղլուն հայտնել է, որ Երևանն ու Բաքուն համաձայնության են եկել խաղաղության պայմանագրի հիմնական կետերի շուրջ |tert.am|

tert.am: Թուրքիայի արտգործնախարար Մևլութ Չավուշօղլուն ասել է, որ Հայաստանն ու Ադրբեջանը համաձայնության են եկել խաղաղության պայմանագրի հիմնական կետերի շուրջ, մնում է դրանք իրականացնել։ Այս մասին գրում է «ՌԻԱ Նովոստի»-ն:«Պայմանավորվածություն է ձեռք բերվել հիմնական կետերի շուրջ. դրանք հինգն էին: Դա ներառում է միմյանց տարածքային ամբողջականության ճանաչումը, սահմանների սահմանազատումը և այլն: Մնում է միայն դրանք իրականացնել»,- ասել է Չավուշօղլուն Tvnet-ին տված հարցազրույցում։Նրա խոսքով՝ Անկարայի՝ Երևանի հետ հարաբերությունների կարգավորման գործընթացը և Բաքվի ու Երևանի միջև խաղաղության պայմանագրի շուրջ բանակցությունները չեն կարող ընթանալ միմյանցից առանձին։ «Մենք բազմիցս խոսել ենք այս մասին»,- ասել է Թուրքիայի ԱԳՆ ղեկավարը։ Առավել մանրամասն՝ tert․am-ում
13:32 - 11 հոկտեմբերի, 2022
Ֆրանսիայում հայկական սփյուռքի մի մասը դեմ է Թուրքիայի և Ադրբեջանի հետ Հայաստանի հարաբերությունների կարգավորման գործընթացին․ Չավուշօղլու
 |armenpress.am|

Ֆրանսիայում հայկական սփյուռքի մի մասը դեմ է Թուրքիայի և Ադրբեջանի հետ Հայաստանի հարաբերությունների կարգավորման գործընթացին․ Չավուշօղլու |armenpress.am|

armenpress.am: Թուրքիայի արտգործնախարար Մևլութ Չավուշօղլուն Ստրասբուրգում թուրքական հյուպատոսարանում հանդիպում է ունեցել Ֆրանսիայի թուրքական համայնքի անդամների հետ, որի ժամանակ կոչ է արել առավել համակարգված գործել հայկական սփյուռքի ներկայացուցիչների դեմ: Այս մասին հայտնում է թուրքական  Anadolu գործակալությունը։ Չավուշօղլուն հանդիպման ժամանակ հայտարարել է, որ Ֆրանսիայում հայկական սփյուռքի մի մասը դեմ է Թուրքիայի և Ադրբեջանի հետ Հայաստանի հարաբերությունների կարգավորման գործընթացին: «Դուք պետք է ավելի կազմակերպված կերպով ձեր ձայնը բարձրացնեք հայկական սփյուռքի դեմ, սիրելի՛ քաղաքացիներ»,-դիմելով թուրքական համայնքի  ներկայացուցիչներին՝ ասել է Չավուշօղլուն:  
15:43 - 10 հոկտեմբերի, 2022