Իրակլի Ղարիբաշվիլի

Վրաստանի Հանրապետության գործող վարչապետն է։ Ծնվել է 1982 թվականի հունիսի 28-ին՝ Թբիլիսիում։ Վրացի քաղաքական և պետական գործիչ։ 

Դպրոցական տարիներին զբաղվել է պրոֆեսիոնալ քիքբռնցքամարտով։ 1998-2002 թվականներին սովորել է Թբիլիսիի պետական համալսարանում։ 2004 թվականին ավարտել է Փարիզի (Ֆրանսիա) Սորբոնի համալսարանի միջազգային հարաբերությունների ֆակուլտետը։

«Դուք չար եք և լի նախանձով». Վրաստանի վարչապետի ելույթը խորհրդարանում
 |jam-news.net|

«Դուք չար եք և լի նախանձով». Վրաստանի վարչապետի ելույթը խորհրդարանում |jam-news.net|

jam-news.net: Նոյեմբերի 18-ին վարչապետ Իրակլի Ղարիբաշվիլին պաշտոնական խնդրանքով (հարցախույզի կարգով) հրավիրվել է խորհրդարան։ Ընդդիմադիր մի քանի պատգամավորներ Ղարիբաշվիլիին կանչել էին՝ Վրաստանին ներկայացված 12 հանձնարարականների կատարման ընթացքի մասին տեղեկություններ ստանալու համար։ Վրաստանը կստանա՞ ԵՄ թեկնածու երկրի կարգավիճակ, թե՞ ոչ՝ կախված է դրանց կատարումից։ Վարչապետը հայտարարել է, որ 24 ժամ միայն կարգավիճակի մասին խոսելը կեղծավորություն է, հիմա գլխավոր խնդիրը երկրի համախմբումն է։ Ղարիբաշվիլին իշխող կուսակցությունից առանձնացած «Ժողովրդի ուժ» շարժման ներկայացուցիչներին անվանել է «հարգելի պատգամավորներ, ովքեր պետք է «ավելի չափավոր» լինեն իրենց գնահատականներում (խոսքը Վրաստանում ԱՄՆ դեսպան Քելի Դեգնանի ուղղությամբ կրկնվող հարձակումների մասին է)։ Բացի այդ, վարչապետը շատ է խոսել նախորդ իշխանության, Վրաստանը Ուկրաինայի պատերազմի մեջ ներքաշելու փորձի մասին և կոչ արել ապաբևեռացնել ընդդիմությանը, որին նույն ելույթում անվանել է «նախանձ մարդիկ և ծաղրածուներ»։ Վարչապետը լքել է խորհրդարանը՝ այդպես էլ չպատասխանելով ընդդիմադիր պատգամավորների հարցերին։ Փոխարենը նրանց մեղադրել է հակապետական ​​գործունեության մեջ և ասել, որ չի պատրաստվում պատասխանել նրանց հարցերին։ Ներկայացնում ենք մի քանի մեջբերում Ղարիբաշվիլիի ելույթից. Ապաբևեռացման մասին «Եվրամիության 12 առաջարկություններից առաջինը ապաբևեռացումն է։ Այսինքն՝ եվրոպացի առաջնորդները, ընկերները, ձեզ (ընդդիմադիրներին) ասում են՝ վերջ տվեք ձեր ամոթալի հռետորաբանությանն ու սեփական երկրի հանդեպ թշնամանքի դրսևորմանը։ Ի՞նչ եք անում՝ առանց այն էլ բևեռացված միջավայրը գոնե թուլացնելու համար»։ Ընդդիմության մասին ● Դուք չար եք, զայրույթով և նախանձով լի, ինչը սարսափելի է։ ● Ուզում եմ ձեզ հարց տալ՝ հասկանո՞ւմ եք, թե ում եք ծառայում: Այսքան թուլացած, կոռումպացված, դեգրադացված ընդդիմություն ես 10 տարի չէի տեսել։ ● Միակ փրկությունը, ընդդիմության հարգելի ներկայացուցիչներ, ծաղրածու Խաբեիշվիլիին [ընդդիմադիր «Ազգային շարժում» կուսակցության անդամ Լևան Խաբեիշվիլին ներկուսակցական ընտրություններում հավակնում է նախագահի պաշտոնին-խմբ․] նախագահ ընտրելն է։ Դա մեծ մարտահրավեր է, բայց դա է ձեր փրկությունը: ● Մենք տեսանք, թե ինչպես է ապակառուցողական ընդդիմությունը արմատական ​​ձևով և արտահայտություններով հարձակվում եվրահանձնակատար Օլիվեր Վարհելիի վրա, ինչպես է ընդդիմությունը վիրավորում դրական ուղերձ հղող մարդուն։ Էլ ի՞նչ ապացույցներ են պետք հասարակությանը: Նման մարդկանց պետք չեն ոչ երկրի հաջողությունները, ոչ նրա դրական գնահատականները։ ● Ինչպե՞ս եք համարձակվում, Ադեիշվիլիի [Զուրաբ Ադեիշվիլին գլխավոր դատախազ է եղել նախկին նախագահ Միխեիլ Սաակաշվիլիի իշխանության օրոք]՝ ստեղծողներից մեկը այդ տգեղ, բռնապետական ​​համակարգի, որը սպանում, բռնաբարում ու խոշտանգում էր մարդկանց։ Երկրում ընդհանրապես չկար մասնավոր սեփականության հայեցակարգ, պարոն Կեզերաշվիլի [Դավիթ Կեզերաշվիլի- Վրաստանի պաշտպանության նախկին նախարար], ձեր հիմնական ֆորմալ կամ ոչ ֆորմալ կառավարիչը, օլիգարխը սկզբում թալանում էր բանակը, բիզնեսը, իսկ հիմա՝ եվրոպացի թոշակառուներին, ինչպե՞ս եք Ձեզ թույլ տալիս գալ այստեղ և հարձակվել: Սա ուղղակի սաբոտաժ է։ Սա դավադրություն է, և մենք խոսեցինք այդ մասին»: Շարունակությունը՝ jam-news.net-ում
12:05 - 21 նոյեմբերի, 2022
Հայաստանը բարձր է գնահատում Վրաստանի՝ տարածաշրջանում խաղաղության եւ կայունության պահպանմանն ուղղված հետաքրքրվածությունը. Ալեն Սիմոնյանը՝ Վրաստանի վարչապետին

Հայաստանը բարձր է գնահատում Վրաստանի՝ տարածաշրջանում խաղաղության եւ կայունության պահպանմանն ուղղված հետաքրքրվածությունը. Ալեն Սիմոնյանը՝ Վրաստանի վարչապետին

Պաշտոնական այցով Վրաստանում գտնվող ՀՀ ԱԺ նախագահ Ալեն Սիմոնյանի գլխավորած պատվիրակությանն ընդունել է Վրաստանի վարչապետ Իրակլի Ղարիբաշվիլին: Կողմերը շնորհավորել են միմյանց դիվանագիտական հարաբերությունների հաստատման 30-ամյակի առթիվ՝ շեշտելով, որ երկու ժողովուրդներին կապում է ընդհանուր պատմությունը: Այս մասին հայտնում են ՀՀ ԱԺ-ից։ ՀՀ ԱԺ նախագահը նշել է, որ Հայաստանը մեծապես շահագրգռված է տարածաշրջանային անվտանգության եւ կայունության ամրապնդմամբ, ուստի բարձր է գնահատում Վրաստանի՝ տարածաշրջանում խաղաղության եւ կայունության պահպանմանն ուղղված հետաքրքրվածությունը: Ալեն Սիմոնյանն ընդգծել է նաեւ, որ Ադրբեջանը, շարունակելով ծավալապաշտական քաղաքականությունը, սեպտեմբերի 13-ին լայնածավալ հարձակում է ձեռնարկել Հայաստանի Հանրապետության ինքնիշխանության եւ տարածքային ամբողջականության հանդեպ: Անդրադառնալով Արցախի հարցին՝ ՀՀ ԱԺ նախագահը նշել է, որ առաջնային է մնում Լեռնային Ղարաբաղի հայերի իրավունքների ու ազատությունների երաշխավորման, Լեռնային Ղարաբաղի կարգավիճակի հարցը: Կողմերը քննարկել են տարածաշրջանային անվտանգությանը միտված երկկողմ համագործակցության հեռանկարները: Վրաստանի վարչապետ Իրակլի Ղարիբաշվիլին նշել է, որ երեկ ջերմ հեռախոսազրույց է ունեցել ՀՀ վարչապետ Նիկոլ Փաշինյանի հետ եւ փաստել, որ հայ-վրացական հարաբերություններն այժմ ավելի բարձր մակարդակի վրա են, քան երբեւէ: Նրա խոսքով դա են վկայում բարձրաստիճան փոխայցերի հաճախականությունը եւ խաղաղության ձգտելու ընդհանուր ջանքերը:
16:26 - 17 նոյեմբերի, 2022
Ադրբեջանի պաշտպանության նախարարն ու Վրաստանի վարչապետը շեշտել են երկու երկրների տարածքային ամբողջականության փոխադարձ աջակցության կարևորությունը

Ադրբեջանի պաշտպանության նախարարն ու Վրաստանի վարչապետը շեշտել են երկու երկրների տարածքային ամբողջականության փոխադարձ աջակցության կարևորությունը

Նոյեմբերի 14-ին Ադրբեջանի պաշտպանության նախարար, գեներալ-գնդապետ Զաքիր Հասանովը հանդիպել է Վրաստանի վարչապետ Իրակլի Ղարիբաշվիլիի հետ։ Այս մասին հայտնում է Ադրբեջանի պաշտպանության նախարարությունը։ Կողմերը նշել են, որ ադրբեջանա-վրացական հարաբերությունները հիմնված են բարեկամության և փոխադարձ վստահության վրա։ Ընդգծվել է այս տարվա հոկտեմբերին Ադրբեջանի նախագահ Իլհամ Ալիեւի՝ Վրաստան կատարած այցի առանձնահատուկ նշանակությունը։  Անդրադառնալով տարածաշրջանում տիրող ռազմաքաղաքական իրավիճակին՝ կողմերը շեշտել են երկու երկրների տարածքային ամբողջականության փոխադարձ աջակցության կարևորությունը։ Զրուցակիցները նշել են, որ երկկողմ ռազմական համագործակցության զարգացումը կնպաստի տարածաշրջանում կայունության և անվտանգության ապահովմանը։
17:18 - 14 նոյեմբերի, 2022
Շարունակելու ենք աջակցել խաղաղության քաղաքականությանը. Իրակլի Ղարիբաշվիլի

 |armenpress.am|

Շարունակելու ենք աջակցել խաղաղության քաղաքականությանը. Իրակլի Ղարիբաշվիլի |armenpress.am|

armenpress.am: Վրաստանի վարչապետ Իրակլի Ղարիբաշվիլին հայտարարել է, որ Վրաստանի կառավարությունը շարունակում է աջակցել Հայաստանի և Ադրբեջանի միջև կարգավորման խաղաղ գործընթացին: Վրաստանի վարչապետն այս մասին ասել է Թբիլիսիում Ադրբեջանի նախագահ Իլհամ Ալիևի հետ հանդիպումից հետո: «Մենք քննարկել ենք տարածաշրջանում առկա իրավիճակը, անդրադարձել ենք Հայաստանի և Ադրբեջանի միջև խաղաղ բանակցային գործընթաց սկսելու վերաբերյալ վերջին պայմանավորվածությանը: Դա, իհարկե, մեզ հույս է ներշնչում: Վրաստանը, ես և մեր կառավարությունը հայտարարում ենք, որ ամբողջությամբ պատրաստ ենք շարունակել խաղաղության քաղաքականությունը, որը մենք միասին ենք սկսել: Նաև ցանկանում եմ ընդգծել, որ խաղաղ հարևանության նախաձեռնությունը չի հակասում և չի փոխարինում համագործակցության որևէ այլ ձևաչափի: Հակառակը՝ այն կօգնի, և ես հավատում եմ, որ միասին մենք շատ կարևոր գործեր կանենք»,- ասել է Ղարիբաշվիլին:
16:48 - 24 հոկտեմբերի, 2022
Եթե Հայաստանը պատրաստ լինի, պատրաստ կլինենք այս ձևաչափը սկսել թեկուզ այսօր. Ալիևը՝ Հայաստան- Ադրբեջան-Վրաստան խորհրդակցությունների մասին
 |tert.am|

Եթե Հայաստանը պատրաստ լինի, պատրաստ կլինենք այս ձևաչափը սկսել թեկուզ այսօր. Ալիևը՝ Հայաստան- Ադրբեջան-Վրաստան խորհրդակցությունների մասին |tert.am|

tert.am: Ադրբեջանի նախագահ Իլհամ Ալիևը Վրաստանի վարչապետ Իրակլի Ղարիբաշվիլիի հետ մամուլի համար համատեղ հայտարարության ժամանակ ասել է, որ հնարավորություն կա խորհրդակցություններ անցկացնել Ադրբեջանի, Հայաստանի և Վրաստանի միջև, գրում է minval.az-ը:«Ղարաբաղյան պատերազմից հետո նոր իրավիճակ է ստեղծվել: Ես Վրաստանի վարչապետին տեղեկացրել եմ Ադրբեջանի և Հայաստանի միջև ընթացող խաղաղ բանակցությունների մասին և կարծում ենք, որ այս հակամարտության լուծումը պահանջում է Ադրբեջանի և Հայաստանի միջև խաղաղության համաձայնագրի ստորագրում։ Մենք Հայաստանի հետ արդեն կիսվել ենք հինգ հիմնարար սկզբունքներով, և հուսով ենք, որ Հայաստանը քաղաքական կամք կցուցաբերի, խաղաղ բանակցություններ կսկսի և խաղաղության պայմանագիր կստորագրի Ադրբեջանի հետ։ Եթե դա տեղի ունենա, Հարավային Կովկասում խաղաղություն կհաստատվի և համագործակցության նոր հնարավորություններ կհայտնվեն։Այսօր մենք նաև հնարավորություն ունենք խորհրդակցություններ անցկացնել Ադրբեջանի, Հայաստանի և Վրաստանի միջև, եթե Հայաստանը պատրաստ լինի, մենք պատրաստ կլինենք սկսել այս ձևաչափը թեկուզ այսօր»,- ասել է Ալիևը:
15:48 - 24 հոկտեմբերի, 2022
Վրաստանի և Թուրքիայի նախագահները քննարկում են ունեցել տարածաշրջանում խաղաղության և կայունության մասին
 |armtimes.com|

Վրաստանի և Թուրքիայի նախագահները քննարկում են ունեցել տարածաշրջանում խաղաղության և կայունության մասին |armtimes.com|

armtimes.com: ՄԱԿ-ի Գլխավոր ասամբլեայի 77-րդ նստաշրջանի շրջանակներում Նյու Յորքում Վրաստանի վարչապետ Իրակլի Ղարիբաշվիլին բանակցություններ է վարել Թուրքիայի նախագահ Ռեջեփ Թայիփ Էրդողանի հետ, որի ընթացքում կողմերն ընդգծել են տարածաշրջանում խաղաղության հաստատման կարևորությունը։ Այս մասին  հայտնել են Վրաստանի կառավարության մամուլի ծառայությունից: «Վարչապետ Իրակլի Ղարիբաշվիլին հանդիպել է Թուրքիայի Հանրապետության նախագահ Ռեջեփ Թայիփ Էրդողանի հետ։ Ի թիվս այլ հարցերի՝ ընդգծվել է խաղաղության և կայունության կարևորությունը տարածաշրջանի հետագա զարգացման և երկարաժամկետ բարեկեցության համար»,- ասված է հաղորդագրությունում։ Կողմերը հիշատակել են Ղարիբաշվիլիի միջնորդական դերը հայ-ադրբեջանական հակամարտության կարգավորման գործում, երբ անցյալ տարվա հունիսին Վրաստանի միջնորդությամբ 15 հայ ռազմագերիներ  Ադրբեջանի կողմից տեղափոխվեցին Հայաստան։ Հայկական կողմն իր հերթին Վրաստանի միջնորդությամբ Ադրբեջանին է փոխանցել ականապատ դաշտերի քարտեզներ։ Հանդիպման ավարտին Վրաստանի վարչապետը Թուրքիայի նախագահին հրավիրել է այցելել Վրաստան։
10:43 - 20 սեպտեմբերի, 2022
Հայաստանը և Ադրբեջանը մեր բարեկամ երկրներն են. այն, ինչ տեղի է ունենում, մեզ համար անընդունելի է. Ղարիբաշվիլի
 |tert.am|

Հայաստանը և Ադրբեջանը մեր բարեկամ երկրներն են. այն, ինչ տեղի է ունենում, մեզ համար անընդունելի է. Ղարիբաշվիլի |tert.am|

tert.am: Հայաստանի և Ադրբեջանի միջև ծավալված զինված հակամարտությունն անհանգստություն է առաջացնում Վրաստանում։ Այս մասին Բեռլինում կայացած մամուլի ասուլիսում հայտարարել է Վրաստանի վարչապետ Իրակլի Ղարիբաշվիլին, գրում է Regnum-ը։«Հայաստանը և Ադրբեջանը մեր բարեկամ երկրներն են, և այն, ինչ տեղի է ունենում այս երկրներում, մեզ համար անընդունելի է, և մենք մեծ մտահոգությամբ ենք հետևում այդ իրադարձություններին», - ասել է Ղարիբաշվիլին։ Նա նշեցլ է, որ Վրաստանը նախկինում հանդես է եկել որպես միջնորդ, երբ Ադրբեջանը 15 հայ ռազմագերիների ազատ արձակեց՝ Լեռնային Ղարաբաղի ականապատ դաշտերի քարտեզների դիմաց։ Վարչապետն ասել է, որ հույս ունի, որ հակամարտությունը շուտափույթ կարգավորվի։ Սեպտեմբերի 13-ին ժամը 00:05-ից Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ: Ավելի ուշ Ադրբեջանը հրետանային միջոցներ է կիրառել նաև այլ ուղղություններով: Հայկական կողմի զոհերի թիվն այս պահի պաշտոնական տվյալներով 105 է: Վիրավորում ստացած 6 քաղաքացիական անձանցից 4-ը շարունակում են բուժումը հիվանդանոցներում:  
11:36 - 15 սեպտեմբերի, 2022
Ղարիբաշվիլին ու Ռիքերը քննարկել են տարածաշրջանային և գլոբալ անվտանգության մարտահրավերները
 |azatutyun.am|

Ղարիբաշվիլին ու Ռիքերը քննարկել են տարածաշրջանային և գլոբալ անվտանգության մարտահրավերները |azatutyun.am|

azatutyun.am: Թբիլիսում հանդիպել են Վրաստանի վարչապետ Իրակլի Ղարիբաշվիլին և ԱՄՆ Պետդեպարտամենտի կովկասյան բանակցությունների և Ժնևի միջազգային քննարկումների գծով ավագ խորհրդական Ֆիլիպ Ռիքերը։ Վրաստանի կառավարության հաղորդագրության համաձայն, կողմերը քննարկել են Ուկրաինայում Ռուսաստանի պատերազմը, տարածաշրջանային և գլոբալ անվտանգության մարտահրավերները, իրավիճակը Աբխազիայում և Հարավային Օսիայում։ Ղարիբաշվիլին հայտարարել է, որ Վրաստանը ԱՄՆ-ի «հուսալի և նվիրված դաշնակիցն է տարածաշրջանում և դրանից դուրս»։ Անդրադառնալով տարածաշրջանում խաղաղության կարևորությանը՝ պաշտոնյաները հիշեցրել են իրենց միջնորդությամբ 2021 թվականի հունիսին ձեռքբերված պայմանվորվածությունը, որի շրջանակներում Ադրբեջանի կողմից ազատ արձակվեցին 15 հայ ռազմագերիներ, Հայաստանն էլ Բաքվին փոխանցեց Աղդամի շրջանի ականների քարտեզը։ Սա Ռիքերի նախատեսված կանոնավոր այցերից առաջինն է տարածաշրջան։ Նա Երևան ժամանեց  սեպտեմբերի 8-ին, հանդիպեց վարչապետ Նիկոլ Փաշինյանի, Ազգային ժողովի նախագահի տեղակալ Ռուբեն Ռուբինյանի, արտգործնախարար Արարատ Միրզոյանի հետ։ Ռիքերը Թբիլիսիից հետո կմեկնի Բաքու: ԱՄՆ պետքարտուղար Էնթոնի Բլինքենը փորձառու դիվանագետ Ֆիլիպ Ռիքերին ԵԱՀԿ Մինսկի խմբի համանախագահ և Կովկասյան բանակցությունների գծով ավագ խորհրդական նշանակեց օգոստոսի վերջին: Նշանակմանը կոշտ էր արձագանքել Ղարաբաղի հարցը փակված համարող, Մինսկի խմբին պարբերաբար «թոշակի» ուղարկող պաշտոնական Բաքուն։
15:44 - 12 սեպտեմբերի, 2022
Հայ-վրացական սահմանին տեղի է ունեցել Նիկոլ Փաշինյանի և Իրակլի Ղարիբաշվիլիի առանձնազրույցը

Հայ-վրացական սահմանին տեղի է ունեցել Նիկոլ Փաշինյանի և Իրակլի Ղարիբաշվիլիի առանձնազրույցը

Հայ-վրացական սահմանին` Բագրատաշենի հատվածում, տեղի է ունեցել  Հայաստանի և Վրաստանի վարչապետներ Նիկոլ Փաշինյանի և Իրակլի Ղարիբաշվիլիի առանձնազրույցը: Այս մասին հայտնում են ՀՀ վարչապետի աշխատակազմից։  Հանդիպումը կայացել է Հայ-վրացական բարեկամության կամրջի գործարկման արարողության շրջանակում: Նիկոլ Փաշինյանը և Իրակլի Ղարիբաշվիլին կարևորել են կամուրջի գործարկումը և ընդգծել դրա դերը երկկողմ տրանսպորտային հոսքերն առավել դյուրին դարձնելու գործում: Հայաստանի և Վրաստանի կառավարությունների ղեկավարները նշել են, որ բարձրաստիճան ինտենսիվ շփումները վկայում են հայ-վրացական հարաբերությունների դինամիկ զարգացման և քաղաքական երկխոսության բարձր մակարդակի մասին: Զրուցակիցները քննարկել են Հայաստան-Վրաստան համագործակցության օրակարգային հարցեր, մտքեր են փոխանակել տարածաշրջանային զարգացումների շուրջ: Երկուստեք վերահաստատվել է բարեկամական կապերը հետևողականորեն խորացնելու և ակտիվ երկխոսությունը շարունակելու պատրաստակամությունը:
16:33 - 19 օգոստոսի, 2022