Տեսանյութեր

Երեկոյան հոթ դոգ #14 Մեդիագրագիտությունն ու մեդիաթափանցիկությունը, բզբզիկ ու գզգզիկ․am-ները

Մեդիագրագիտությունն ու մեդիաթափանցիկությունը, մինչև բերանը տանելը ուսումնասիրելն ու ինֆորմացիայի հեղինակին իմանալու անհրաժեշտությունը, մեդիայի նկատմամբ անձնավորված վերաբերմունքը, քաղաքական ուժերի կողմից ֆինանսավորող մեդիան ու սկանդալների հետևից չընկնողները, նյութի հեղինակի ու կայքի «Մեր մասին» բաժնի կարևորությունը, ազդակները մեդիայի վրա ու ֆինանսական հոսքերը, մեդիայի համար թափանցիկությունը՝ պաշտպանություն, հրամցվող ինֆորմացիան ու լուրն ուտելիքի պես ընտրողաբար սպառելու կարիքը, քվեաթերթիկների արկղից հեռու արվող ընտրակեղծիքներն ու տեղեկատվական հիգիենան, բզբզիկ ու գզգզիկ․am-ները, հեշտ ինֆորմացիան, լրատվամիջոցների իրական սեփականատերերն ու գաղտնի մնալու ցանկության վտանգները։ Երեկոյան այս մասին են հոթդոգում Քրիստիանն ու Ռոմանը, Ինֆորմացիային ազատության կենտրոնի ծրագրերի համակարգող Մանե Մադոյանն ու «Ամփոփ Մեդիայի» հիմնադիր, մեդիափորձագետ Սուրեն Դեհերյանը։

21:00 - 06 հունիսի, 2024

Լեհական գիտական համակարգը․ զրույց Հետազոտական ինստիտուտների գլխավոր խորհրդի գրասենյակի ղեկավարի հետ

Գիտահետազոտական ինստիտուտների գլխավոր խորհուրդը կառույց է, որը միավորում է Լեհաստանի գիտական ինստիտուտները և ներկայացնում դրանց շահերը կառավարությանը։ Գլխավոր խորհրդի գրասենյակի ղեկավար, պրոֆեսոր Լեժեկ Ռաֆալսկին ներկայացնում է Խորհրդի պատմությունը, խոսում այն մասին, թե ինչպես է Խորհուրդը համագործակցում կառավարության հետ։ The Main Council of the Research Institutes combines Polish scientific institutes and represents their interests to the government. The director of the Office of the Main Council, Professor Leszek Rafalski, presents the history of the Council and tells how the Council cooperates with the government.

18:59 - 05 հունիսի, 2024

86․ Գերմանիայի պլանները Կովկասի վերաբերյալ Երկրորդ համաշխարհայինի ընթացքում․ «Ռուս-թուրքական վանդակ»

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի 86-րդ հաղորդումը: «Ռուս-թուրքական վանդակ» բանախոսությունների շարքը պատրաստվել է «Կողբ» հիմնադրամի աջակցությամբ։

19:55 - 31 մայիսի, 2024

Հետազոտությունը բուհերում, խնդիրներ և հնարավոր լուծումներ. զրույց Սոնա Բալասանյանի հետ

Հետազոտական ռեսուրսների կովկասյան կենտրոն - Հայաստանի գործադիր տնօրեն, սոցիոլոգ Սոնա Բալասանյանը խոսում է հետևյալ թեմաներից` - հետազոտությունները Խորհրդային իրականությունում և հետխորհրդային երկրներում ճգնաժամը, - հետազոտական համակարգերի փոփոխությունները հետխորհրդային երկրներում, - հետազոտական համագործակցությունների խնդիրները բուհերի ներսում և դրանցից դուրս, - բուհերում հետազոտությունների անհատականացված լինելն ու համակարգային մոտեցման բացակայությունը, - ակադեմիական զարգացած ինքնակառավարման համակարգ ունենալու կարևորությունը - փոփոխությունների կառավարումը և կառուցվածքի ու բովանդակության սիներգիան, - հետազոտական ներուժի քարտեզագրման և միավորումներից առաջ տեղական համագործակցությունների խթանման անհրաժեշտությունը, - որոշումների կայացումից առաջ միայն կողմերի հետ քննարկումների բավարար չլինելը։

16:56 - 31 մայիսի, 2024

ԳԱԱ բարեփոխումները, բուհերի հետ համագործակցությունն ու ինտեգրումը. զրույց ԳԱԱ նախագահի տեղակալի հետ

ԳԱԱ նախագահի՝ գիտության և տեխնոլոգիաների գծով տեղակալ Վարդան Սահակյանը խոսում է՝ - Գիտությունների ազգային ակադեմիայում բարեփոխումների անհրաժեշտությունից և Ակադեմիայի ապագա դերից, - գիտության կազմակերպման տարբեր ձևեր ունենալու կարևորությունից, - բուհերի հետ համագործակցության տարբերակներից, - ակադեմիական քաղաքի կլաստերներից դուրս՝ ԳԱԱ կազմում, գիտական կազմակերպություններ ունենալու անհրաժեշտությունից։

15:53 - 30 մայիսի, 2024

Համլետ Մելքումյան․ Չընտրված մասնագիտությունից՝ մշակութաբանության ուղղությամբ գիտությունների թեկնածու

Գիտարբուքի հաջորդ հյուրը Պատմական գիտությունների թեկնածու, մշակութաբան, մշակութային մարդաբան Համլետ Մելքումյանն է։ Այս տեսանյությում նա պատմում է համալսարանում ոչ իր կամքով մշակութաբանության բաժնում սովորելու, մասնագիտության նկատմամբ հետաքրքրության առաջացման և իր հետազոտությունների մասին։ Հանդիպում ենք մայիսի 27-ին՝ ժամը 20:00-ին «Էպոս» ակումբում․ սպասվող Գիտարբուքը «Հանրային տարածքների տնտեսական, մշակութային, քաղաքական ներուժը՝ ճգնաժամերին դիմակայելու համատեքստում» թեմայով է։ Համլետ Մելքումյանը կխոսի հետևյալ թեմաներով՝ - փողոցային առևտուր, ինքնաբու՞խ շուկաներ. ինչպե՞ս անկախության շրջանում ձևավորվեցին ճգնաժամերին դիմակայելու և հաղթահարելու ոչ ֆորմալ փորձառությունները, - հետճգնաժամային Հայաստանի և Վրաստանի հուշանվերային և հնոտիների բազարներում առևտրի կենսունակության և արդիականացման օրինաչափությունները՝ շրջափակումներից և lockdown-ներից հետո, - հանրային տարածքի քաղաքական ներուժը։ Մուտքն անվճար է, բայց նախապես ամրագրումով։ Գրանցման հղումը՝ https://www.eventbrite.com/e/91142355...

12:36 - 23 մայիսի, 2024

Կառավարության հետազոտական պատվերներ․ Միջազգային հարաբերությունների լեհական ինստիտուտի օրինակը

Միջազգային հարաբերությունների լեհական ինստիտուտը վերլուծական կենտրոն է, որը սերտ համագործակցում է Լեհաստանի կառավարության հետ, ստանում հետազոտական պատվերներ։ Ինստիտուտի՝ հետազոտությունների գծով փոխտնօրեն Լուկաշ Քուլեսան «Ինֆոքոմին» պատմել է, թե ինչպես է կառույցը գործում և համագործակցում կառավարության հետ։ Իսկ հետազոտող Վոյչեկ Վոյտաշևիչը խոսել է Հայաստանի բարձրագույն կրթության և գիտության ոլորտում սպասվող փոփոխություններից։ The Polish Institute of International Affairs (PISM) is an analytical center that closely cooperates with the Polish government and receives research tasks. Łukasz Kulesa, the deputy head of research of PISM, told Infocom about PISM and how the Institute cooperates with the government. Wojciech Wojtasiewicz, research fellow at PISM, spoke about the reforms of higher education and science in Armenia.

16:35 - 22 մայիսի, 2024

Երեկոյան հոթ դոգ #13 Չար ու բարի քարտեզները, դրանց կիրառմամբ մանիպուլյացիաներն ու առավելություննեը

ՀՀ տարածքի մասին Փաշինյանի հայտարարությունները, քարտեզով զինված մահը, Հայաստանի 29 743 քառ կմ-ն ու դրա կլորացումները, սահմանազատումն ու Ադրբեջանի՝ խաղաղության գնալու ցանկության բացակայությունը, միակողմանի զիջումներն ու դրա արդյունքում մի քանի շաբաթվա խաղաղությունը, 31 գյուղերն ու դրանց զավթված տարածքները, զուտ կիլոմետրն ու կենսական նշանակության տարածքները, անկլավները, էքսկլավներն ու Խորհրդային միության՝ հավերժ կոնֆլիկտ պահելու գործելաոճը, քարտեզային մանիպուլյացիաներն ու քարտեզների միջոցով տեղորոշումները, «բոբո» քարտեզներն ու ինչպես չվախենալ դրանցից, 44-օրյա պատերազմն ու «բարի» քարտեզները, քարտեզի տված առավելությունները ընթերցողի համար ու պետական ապարատում դրա օգտագործումը, արբանյակի միջոցով պոմպակայանը միայնակ օգտագործող գյուղապետի բացահայտումը, Հայաստանի 2 արբանյակներն ու դրա ծախսը։ Երեկոյան այս մասին են հոթդոգում Քրիստիանն ու Ռոմանը, EVN Report-ի լրագրող Հովհաննես Նազարեթյանն ու Աշխարհագրական տեղեկատվական համակարգերի մասնագետ Ստեփան Խաչատրյանը։

15:34 - 14 մայիսի, 2024

Հատկապես երկարաժամկետ փոփոխություններ ենթադրող նախագծերը պետք է հաշվարկված լինեն․ Հովակիմ Զաքարյան

ԳԱԱ Մոլեկուլային կենսաբանության ինստիտուտի Հակավիրուսային դեղամիջոցների հայտնաբերման լաբորատորիայի ղեկավար Հովակիմ Զաքարյանը խոսում է՝ - բարձրագույն կրթության և գիտության մեջ իրականացվող փոփոխություններից, - այդ փոփոխությունների հիմքում հաշվարկներ և ռիսկերի գնահատում ունենալու կարևորությունից, - «Ակադեմիական քաղաք» ծրագրի թիրախներից, - բուհերի և գիտական կազմակերպությունների միավորմամբ գիտնականների թվի աճն ապահովելու հիմնավորումների բացակայությունից, - մասնագիտական հանրության մասնակցությամբ քննարկումների սահմանափակումներից, - հանրային ռեսուրսներն արդյունավետ ծախսելու կարևորությունից։

16:32 - 10 մայիսի, 2024

«Տեխնիկապես հնարավոր չէ ամբողջ գիտությունը կազմակերպել ակադեմիական քաղաքում»․ ԿԳՄՍ նախարար

Կրթության, գիտության, մշակույթի և սպորտի նախարար Ժաննա Անդրեասյանը «Ինֆոքոմին» տված հարցազրույցում խոսում է` - բուհերը խոշորացնելու և գիտական կազմակերպությունների հետ միավորելու որոշման հիմքում ընկած հետազոտություններից ու վերլուծություններից, - բարձրագույն կրթության և գիտության ինտեգրումից, - գիտությունը միայն ակադեմիական քաղաքում կազմակերպելու անհնարինությունից, - ակադեմիական քաղաքում մշակութային միջավայր ապահովելուց, - մինչև 100% պետական ֆինանսավորմամբ համալսարաններ ունենալու և սոցիալապես անապահով ուսանողների ուսման վարձը փոխհատուցելու հնարավորությունից, - ԳԱԱ բարեփոխումների օրակարգից։

19:30 - 04 մայիսի, 2024

Երեկոյան հոթ դոգ #12 Լրատվամիջոցների հավաստի աղբյուրները, շատ ձյունն ու աղբյուրների առատությունը

Լրատվամիջոցների սուտ «հավաստի աղբյուրները», աղբյուրի կարևորությունը լրատվամիջոցի համար ու ամեն բամբասանք չհրապարակելու էթիկան, նույնիսկ աղբյուրի տեղեկությունը ստուգելու, փաստակված ներկայացնելու անհրաժեշտությունը, լրատվամիջոցների՝ իրենց աղբյուրները չբացահայտելու իրավունքն ու դատական գործընթացները՝ դրանք բացահայտնելու համար, շատ ձյունն ու աղբյուրների առատությունը, բաց և փակ աղբյուրները, նախաինտերնետային դարն ու ինչն է կերակրում լրագրողին, նախկին մարդկային շփումն ու ներկա ավելի օֆիսային լրագրությունը, լրագրողական խանդը, հեղինակային իրավունքն ու նույն տառասխալն անող այլ լրատվամիջոցի աղբյուրը, հռոմեացի զինվորի առնանդամն ու տեղեկությունը ստուգելու անհրաժեշտությունը, լրատվամիջոցի հեղինակությունն ու սխալվելու իրավունքը, արագ «փչացող» ինֆորմացիան ու խորհուրդներ ընթերցողին։ Երեկոյան այս մասին են հոթդոգում Քրիստիանն ու Ռոմանը, «Հետք»-ի լրագրող Գրիշա Բալասանյանն ու Media.am կայքի խմբագիր Գեղամ Վարդանյանը։

16:29 - 01 մայիսի, 2024

Գիտության ֆինանսավորումը Լեհաստանում․ հարցազրույց Գիտության ազգային կենտրոնի տնօրենի հետ

Գիտության ազգային կենտրոնը լեհական պետական գործակալություն է, որը ֆինանսավորում է հիմնարար գիտությունը։ Կենտրոնի տնօրեն պրոֆեսոր Քշիշտով Յուժվիակը խոսում է՝ - Գիտության ազգային կենտրոնի դրամաշնորհային ծրագրերից, - Լեհաստանում գիտությունը ֆինանսավորող պետական տարբեր գործակալություններից ու դրանց համատեղ ծրագրերից, - համալսարաններում հետազոտական ծրագրերի ֆինանսավորումից, - համալսարաններում դասախոսների կրթական և հետազոտական գործառույթները բալասնավորելու կարևորությունից։ The National Science Centre is a Polish state agency that funds basic science. The director of the Centre, Prof. Krzysztof Jóźwiak talks about the grants of the National Science Centre, Poland’s state R&D funding agencies and their joint programs, the funding of research programs in universities, the importance of finding a balance between the teaching and research activities of professors in universities․

16:28 - 27 ապրիլի, 2024

Աստղիկ Հակոբյան. Կորեայում ուսումնառությունն ու Հայաստանում գիտության զարգացումը խթանելու ծրագրերը

Գիտարբուքի հաջորդ հյուրը «Գիտական նորարարության և կրթության կենտրոնի» (CSIE) հետազոտող գիտնական (PhD) Աստղիկ Հակոբյանն է։ Այս տեսանյությում նա պատմում է ավտոնոմ համակարգերի, դրանց կառավարման, մասնագիտական ընտրության, Կորեայում ուսում ստանալու և Հայաստան վերադառնալու, ՀՀ-ում գիտության զարգացումը խթանելու ծրագրերի մասին։ Հանդիպում ենք ապրիլի 29-ին՝ ժամը 20։00-ին «Էպոս» ակումբում. սպասվող Գիտարբուքը «Ավտոնոմ համակարգերի կառավարման գիտությունը» թեմայով է։ Աստղիկ Հակոբյանը կխոսի հետևյալ թեմաներով՝ - ավտոնոմ համակարգերը և դրանց կառավարման խնդիրը, - շարժման պլանավորումը և կառավարումը ռոբոտատեխնիկայում, - անվտանգ համակարգեր. համակարգի անվտանգությունը անորոշությունների առկայության պայմաններում։ Մուտքն անվճար է, բայց նախապես ամրագրումով։ Գրանցման հղումը՝ https://www.eventbrite.com/e/89152340...

20:26 - 26 ապրիլի, 2024

Կիրանցի շրջանցիկ ճանապարհը՝ ավելի երկար ու վատթար

Հայ-ադրբեջանական սահմանի՝ Տավուշի մարզի մի քանի հատվածներում դելիմիտիացիայի եւ դեմարկացիայի գործընթացի արդյունքում Երեւան-Իջեւան-Բագրատաշեն ճանապարհի՝ Կիրանց գյուղի մոտ գտնվող մի հատված, ըստ վարչապետի աշխատակազմի հրապարակած քարտեզի, Ադրբեջանի վերահսկողության տակ է անցնելու` դառնալով ոչ գործածելի։ Վարչապետի աշխատակազմից նշել էին, որ դա Կիրանցի միակ ճանապարհը չէ, եւ գուցե վերանորոգվի Կիրանց-Աճարկուտ-Իջեւան ճանապարհը կամ Կիրանց գյուղի հատվածում ճանապարհի ծրագծի մի քանի հարյուր մետրանոց հատվածի փոփոխություն արվի։ «Ինֆոքոմն» Աճարկուտի այդ այլընտրանքային ճանապարհով մեկնել է Կիրանց՝ նկարահանելով ողջ ճանապարհը՝ ցույց տալու, թե ինչ վիճակում է այն եւ արդյոք արդեն նորոգվում է։

11:24 - 26 ապրիլի, 2024

85․ Նժդեհի՝ Գերմանիայի հետ համագործակցության գաղափարական հենքի հարցը․ «Ռուս-թուրքական վանդակ»

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի 85-րդ հաղորդումը: «Ռուս-թուրքական վանդակ» բանախոսությունների շարքը պատրաստվել է «Կողբ» հիմնադրամի աջակցությամբ։

18:23 - 24 ապրիլի, 2024

Երեկոյան հոթ դոգ #10 Սննդամթերքի անվտանգությունը, ցուպիկներով պիցցաներն ու դեռ չածած ձվերը խանութում

Սննդամթերքի անվտանգությունը, մակնշումը՝ սննդամթերքի անձնագիր, Google translate-ով հայերեն թարգմանված մակնշումները, ինչպես գնել ձու, որը հավը դեռ չի ածել կամ արտադրման վաղվա ժամկետով սնունդը խանութներում, հաջորդ օրվա պիտակով փաթեթավորելու սովորությունն ու արտադրողների՝ հայտնաբերված խախտումը չվերացնելու բնավորությունը, քաղաքացիների ահազանգերը հանրային սննդի կետերից, գործունեության կասեցման որոշումից հետո գործող սրճարանն ու շղթան, թե որտեղից էր եկել սալմոնելան, անվտանգ ցուպիկներն ու խանութ սառնարանով գնալու անհրաժեշտությունը, վլադիկավկազցին ու հայկական Ջերմուկը։ Երեկոյան այս մասին են հոթդոգում Քրիստիանն ու Ռոմանը, ՍԱՏՄ սննդամթերքի անվտանգության վարչության պետ Գոհար Վարդանյանն ու «Անվտանգ սնունդ» կայքի խմբագիր, հետաքննող լրագրող Տաթև Խաչատրյանը։

16:09 - 21 ապրիլի, 2024