11:26 - 01 օգոստոսի, 2023
Իրավիճակը գնահատվում էր սպառնալի, բայց ռազմական գործողությունը սկսելու օրը որևէ մեկին հայտնի չի եղել․ Դավիթ Տոնոյանը՝ ԱԺ քննիչ հանձնաժողովի նիստում
Իրավիճակը գնահատվում էր սպառնալի, բայց ռազմական գործողությունը սկսելու օրը որևէ մեկին հայտնի չի եղել։ Այս մասին այսօր ԱԺ քննիչ հանձնաժողովի նիստում ասել է Դավիթ Տոնոյանը՝ պատասխանելով հարցին, թե ինքը տեղեկություններ ունեցել է 2020 թվականի պատերազմի սկսման վերաբերյալ։
«Սպառնալի իրավիճակի վերաբերյալ տեղյակ եղել եմ, այն տեղեկության հիման վրա, որ ստացվել է ամփոփման, իմ փորձի և պաշտոնական տեղեկատվության, որ ստացվում էր պարբերաբար»։
Նշենք, որ պաշտպանության նախկին նախարար Դավիթ Տոնոյանը մասնակցում է 44-օրյա պատերազմի քննիչ հանձնաժողովի նիստին. նա պատասխանում է հանձնաժողովի հարցերին:
Ընդդիմադիր պատգամավորները նիստին ներկա չեն։
Տոնոյանը նշեց, որ անհրաժեշտություն կլինի որոշ հարցերի մասին խոսել փակ ձեւաչափով։
Հիշեցնենք, որ դատարանը բավարարել է պաշտպանության նախկին նախարար Դավիթ Տոնոյանի միջնորդությունը` օգոստոսի 1-ին և 2-ին մասնակցել հանձնաժողովի նիստերին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)