11:37 - 17 սեպտեմբերի, 2023
Մենք քաղաքական գնահատական և ՀԱՊԿ մեխանիզմների իրականացում էինք ակնկալում․ դա չեղավ․ Էդմոն Մարուքյան |news.am|
news.am: Ադրբեջանական ագրեսիայից հետո, որի ընթացքում ավելի քան 200 մարդ է զոհվել, ժամանել է ՀԱՊԿ-ի փաստահավաք առաքելությունը։ Մենք ակնկալում էինք քաղաքական գնահատական և ՀԱՊԿ մեխանիզմների իրականացում։ Դա չեղավ։ Այս մասին ՏԱՍՍ-ին տված հարցազրույցում ասել է ՀՀ Հատուկ հանձնարարություններով դեսպան Էդմոն Մարուքյանը՝ պատասխանելով հարցին, թե ինչու է Երևանը մերժում հայ-ադրբեջանական սահման առաքելություն ուղարկելու ՀԱՊԿ առաջարկը։
«Հիմա խնդիրներ կան, որոնք պետք է լուծվեն։ Մենք անկեղծ ու բաց խոսում ենք խնդիրների մասին, ինչպես մեր գործընկերները։ Մենք շարունակում ենք կանխատեսելի լինել մեր գործընկերների համար, մեր խնդիրն է պաշտպանել Հայաստանի տարածքային ամբողջականությունը»,- եզրափակել է Էդմոն Մարուքյանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)